ৰাভা ব্যাপ্তিষ্ট কনভেনচনি ইতিহাস
১। ৰাভাদোনি মাজাৰাই পৰথম খ্রীষ্টিয়ান চংঙি:
১৯৩০-১৯৩২ চনৱো ৰাভা খ্রীষ্টটিয়ানদোন গৗমৗন শুংশুং নিগিনি বৗসৗৰ সায়া, উ বৗসৗৰায়ৗন ৰাভা জৗতিদো ঈশ্বৰো বংতানা। অবশ্যে কুনু মাৰাব ৰাভাদোনি মাজাৰাই সুসমাচাৰো দৗমতোং দুন্নি সাইংচান, নাত্নে কয়একটা সুসমাচাৰনি ত্রেকট ফাইলাওতোঙি দ্বাৰাই শ্রীযুত কনাৰাম ৰাভা আৰা শ্রীযুত মহিমা ৰাভা ঈশ্বৰো বংঙি সাইতানা। সানসা ৰবিবাৰ চিনিং আমবাৰী সঙাইঙি শ্রীযুত কনাৰাম ৰাভাৱা পৗমৗৰসা গৌৰীপুৰ চহৰাই কয়একটা জিনিষদো পৗৰৗইঙি গৗমৗন লৗয়া। লামায় উম্রা গসা প্রচাৰ দল বঙা, অনোক উনা অৗংনিং আতাম গানা সুসমাচাৰনি ত্রেকট লাৱা। উম্রা উ ত্রেকটদো নৗগৌৱাং লাগেত লাফা। নাত্নে আপা পঢ়াইঙি কাপচা গৗমৗন নগোমি পেনেম লৗগৗ শ্রীযুত মহিমা ৰাভানা লাৱা, উম্রা পঢ়াইমৗন উ ত্রেকটৱাই সুকতানি ক্রৌনি মানে বাঙাইমৗন দুন লাৱা। পিতাৰ আত্মানি শক্তিনি দ্বাৰাই মৗংনিংঙৗন ঈশ্বৰনি ক্রৌৱাই আকৃষ্ট সায়া আৰা বুসুনাই যীশুৱো অৗপিনি জীৱনাইঙি প্রভু আৰা ত্রাণকর্ত্তা ব্রাকাইমৗন গ্রহণ গাসায়া।
সানসা কালভান্ধাৰী সঙাইঙি শ্রীযুত নিৰু ৰাভাৱা নগমি স্বাবৗন্তৗই শ্রী পুতিৰাম ৰাভানি অসুক গৗমৗন প্রার্থনা গাসাই লাওংতৗই অনোকো নিমন্ত্রণ গাসাইতানা। নিৰু ৰাভাৱা অৗগচাক খৗব হুজি কামাৰদো লৗৱৌ, বায় সাকৌ নেমাকন ব্রাকাইমৗন নাত্নে স্বানি অসুকৱো তেনেম মাঞ্চৌ নাত্নে বৗদৗইসে অসুকৱো চাৰৌ। বুসুনাই উপৗই মাঞ্চাইমৗন নিৰু ৰাভাৱা খ্রীষ্টিয়ানদো (কনাৰাম আৰা মহিমা) কালাঙি বাধ্য সায়ৌ, নগমি স্বানি গৗমৗন প্রার্থনা গাসাই লাওংতৗই। উ সময় খ্রীষ্টিয়ান মাৰাব ব্রাকাৰৗন কনাৰাম আৰা মহিমা ই মৗংনিংসৗন তৱা। নিৰু ৰাভাৱা খ্রীষ্টিয়ানদোনি প্রার্থনানি পিৰাই আপাইসা বিশ্বাস গাসাইতানা অসুক বিসুকদো তেনেম মানা ব্রাকাইমৗন। কনাৰাম আৰা মহিমা স্বানি দৗকৗম লৌমৗন যীশুনি মুঙাই মন লাওমৗন প্রার্থনা গাসাইঙাই স্বাৱো আচৰিত ভাবে নেমৌ। উবাইপ্রিঙৗন নিৰু ৰাভা আৰা উনি পৰিয়ালা ঈশ্বৰনাই বিশ্বাস গাসাইমৗন খ্রীষ্টিয়ান দাংঙা। সাননিং সানতাম জিকৗমাই শ্বিলংঙাইপ্রিং সাকসা পামুং (পাষ্টৰ) দেবীতোলাই ফৗয়া আৰা পেনেম ক্রৌ প্রচাৰ গাসায়া, অৗদৗগ মাৰাবদো উনি শিক্ষা খৗব পেনেম মানা আৰা জিকৗমাই খ্রীষ্টিয়ান সায়া। শ্বিলংঙাইঙি পামুং (পাষ্টৰা) সময় সময় দেবীতোলাই ফৗইমৗন পাঙা পিদান বিশ্বাসীদো যত্ন গাসাইঙি গৗমৗন। জিকৗমাই খ্রীষ্টিয়ানদো তেপ তেপ বাঢ়াইমৗন ২০ ঘৰ লাগেত সায়া, উ শ্বিলং পামুংনি পেনেম পৰিচৰ্যা গাসাইঙাই। উম্প্রিং কালভান্ধাৰীয়াই পৰথম গীর্জ্জা নৗগৌ বানায়ঙি সায়া। শ্রীযুত শৰৎ ৰাভাৱো পালক হিচাবাই বাসাইঙি সায়া। উ ৰাভা খ্রীষ্টিয়ানদো শ্বিলংঙাইঙি পামুং চি’নি জিকৗমাই আৱা তংচা স্বামৌৰিদো গানা নাম্প্রাংঙা। উসৗন দংচা অনোক হাসং সমাজাইপ্রিং খৗব তাড়না মাসৌ। অনোঙি মাজাৰাই টাংগাম অর্থাৎ যতন গাসাইঙি মাৰাব তংচাইমৗন অনোক আতাং মিচনদোমৗন যোগ লাওঙি ইচ্ছা সায়ৌ। পৰথম দিংডিংঙা লুটাৰেন মিচন আৰা জিকৗমাই গৌৰাং মিচনমৗন পাং গৗমৗন ক্রৌ ব্রাকৌ নাত্নে উ মিচনদো এনোকো গ্রহণ গাসাইং গংচৌ। উম্প্রিং অনোক বৗদৗই চৗলৗই বৗলৗই সায়ৌ, উপাই মাঞ্চা সায়ৌ, আত্মিক লিডাৰ তংচাইমৗন। বুসুনাই উপায় মাঞ্চাইমৗন আবাৰ হিন্দুৱাং তৌ হান্তাতৗইমৗন উদ্রাই নিগিনি সায়ৌ, উবাই সমাজ দণ্ড ৬০ টাকা কাৰাই জৰিমানা লাওমৗন, নাত্নে উ সময় মৗংনিং খ্রীষ্টিয়ান যুবক তৱা যি ম্রাদোনি বিশ্বাসো ৰৗঞ্চৗই নাম্পাৰ গানা তাড়না ফৗইবেনেন আপাইসা বেনেনবান তলক মানাইচান। উ যুবক মৗংনিংঙা আতাং দংচা শ্রী কামাখ্যা ৰাভা আৰা গনেশ ৰাভা। অনোক হিন্দুৱাং উদ্রাইং চৗইবা পৰিয়াল আৰা সং বাকাই তান্তৗইমৗন খ্রীষ্টিয়ান সাইমৗন পাংনা গৗমৗন জৗৰনিসে সিদ্ধান্ত লাআ। কামাখ্যা লৗয়ৌ টুক্রাঝাৰাং জিবাই উম্রা পিটাৰ উইং নাঙাই মায় লৗম্মি মাৰাব হিচাবাই পাংতানিয়া, আৰা গনেশ লৗয়া বাঘপাৰা গাৰো মিচনাং জিবাই উম্রা প্রাইমাৰী স্কুলাই হেড মাষ্টাৰ সাইঙি সুযোগবান মান্তানা। যিবাইবান লৗই ই মৗংনিং মাৰাবা আপ্রোঙি মাৰাবদো হেং দাবাঞ্চা আৰা অনোকৗন অষ্ট্রেলিয়ান ব্যাপ্তিষ্ট মিচনাৰীদো ৰাভাদোনি মাজাৰাবান মিচনাৰী কৗম দাপ্লাং গৗমৗন অনুৰোধ গাসাইতানি মাৰাব সায়া।
২। এ বি এম এস মিচনাৰি ফৗইঙি:
অষ্ট্রেলিয়ান ব্যাপ্তিষ্ট মিচনাৰীদো অষ্ট্রেলিয়াইপ্রিং দৗমতোং দেবীতোলাং ফৗইংচা আৰা অষ্ট্রেলিয়ান ব্যাপ্তিষ্ট মিচনাৰী সসাইটিয়া ৰাভা জৗতিনি মাজাৰাই মিচনাৰী বেসেতনি গৗমৗনবান কুনু পেনেমসা পৰিকল্পনা তংচা। নাত্নে উৱো কামাখ্যা আৰা গনেশ ৰং এ বি এম এস মিচনাৰীদো ৰাভাদোনাই ঈশ্বৰনি কৗম তৗৰৗইঙি গৗমৗন বৗতৗৰ বেসেততানা। উ সময় এ বি এম এস মিচনাৰীদো অৗগচাকৗন গাৰো আৰা বড়োদোনি মাজাৰাই কৗম তৗৰৗইমৗন পাংতা। ৰাভা খ্রীষ্টিয়ানদোনি গৗমৗন কামাখ্যা আৰা গনেশ যি অৱদান লাওতানা উৱো মানায় নিগিনা আৰা প্রশংসা মাসতৌবুসুন। ১৯৫৩ চনাই ৰোড ব্রাউন (এ বি এম এস মিচনাৰী), আৰা মৗংনিং বড়ো বিশ্বাসী ভৗই সুবিধৰ বৰগয়াৰী আৰা শ্রীযুত আগনসিং নাৰজাৰী দেবীতোলা হাসঙাই ফৗইমৗন ৰাভা সংদো সাৰভে গাসাইতান ফৗয়া। অনোক ১৫টা সং চাৰাওমৗন চৗয়া, উবাই অনোক কুনু বিৰুদ্ধিতা গাসাই মাৰাব বংচৌ, মাৰাবদো হলে আত্মাই ৰেবাকতোঙি গানা নৗকতানা। ৰোড ব্রাউন অষ্ট্রেলিয়ান মিচন বর্ডৱাং মায় হা’ৱো খৗব উপযুক্ত ব্রাকৗইমৗন ৰিপর্ট বেসেতলাৱা। বড়ো ব্যাপ্তিষ্ট মণ্ডলীদো ৰাভাদোনি মাজাৰাই মণ্ডলী বানাইঙি বিষিনাই খৗব দাক্রাইতানা। সানসা বড়ো যুবকদো মিক বৗংঙা টুক্রাঝাৰাইপ্রিং দেবিতোলাং মিছনাৰীদোমৗন ফৗয়া। গৗসৗমাই নাৰেত চৗথৗঙাই আম্বাকতোঙি শ’ তাম গানা জনসাধাৰণদোনি মাহাঙাই মিকবৗংঙাৱৗন সা-সাকসা চাপাইমৗন আপ্রোঙি সক্ষ্যদো লাৱা, উবাই অনোঙি সাক্ষ্যৱাই তৗক্রৗই ৰাভা মাৰাবদোনি হাপাগশুং কান্দাত জকতানা।
৩। মিচন চেন্টাৰ বানাইঙি:
আপাইসা অৗগচাক ব্রাকতানি গানা কামাখ্যা আৰা গনেশৰোং হেংহেং আপ্রোঙি মাৰাবদো দাবানচা, সব সময় শুংশুংমৗন পাঙা, ৰাভাদোনি মাজাৰাই আবাৰ সুসমাচাৰ দাপ্লাকঙি গৗমৗন। কামাখ্যাৱা মাজাৰ মাজাৰ দেবিতোলাং ফৗইমৗন পাঙা ঈশ্বৰি ক্রৌ দুন্নি গৗমৗন। কামাখ্যা ৰাভানি আপ্রান চেষ্টাই ৰেভা: আৰা মিচ্ছে কার্কুড ৱা ১৯৫৭ চনাই দেবীতোলাই আনাওসা পাজা নৗগৌ হামাইমৗন ডিচপেনসাৰী কুলৗইয়া। উ দিনাই ই পর্ব্বতঝোৰা এৰিয়াই কুনু আতাং ডিচপেনসাৰী তংচা, উন গৗমৗন উবাইঙি মাৰাবদোনি টাংগামদো (গাওবুঢ়া, দেৱানী) কুনু বাধা লাওচৌ, বৰং মেডিকেল কৗম তৗৰৗইঙি গৗমৗন অনুমতি লাৱৌ, হাসঙাইঙি মাৰাবদো উপকাৰ সায়ৗন ব্রাকাইমৗন। ৰেভা: আৰা মিচ্ছে কাৰ্কুড সাহাব ৰোং সপ্তাহই লাবসা বাঘপাৰাইপ্রিং দেবীতোলাং ফৗইয়া মেডিকেল কৗম চলাইং গৗমৗন। ১৯৫৭ চনাইঙি বুসুন পাতাং অনোক জ-জৰাই দৰকাৰী কোৱার্টাৰ আৰা নৗগৌদো হামা। পিটাৰ উইং সাহাব বান উদো হাম্মাই যথেষ্ট সহায় গাসাইতান ফৗয়া।
১৯৫৮ চনাই মিচনাৰীদো নগ্রোঙি ফাৰলো অষ্ট্রেলিয়াইপ্রিং বালতোঙাই ৰেভা: ৰেক্স গ্লাচবি আৰা মিচ্ছে পেগি গ্লাচবি আৰা অনোঙি স্বা যোহন, পিতৰ, আৰা মাইকেল টুক্রাঝাৰাইপ্রিং ১ এপ্রিল কালাৰাই দেবীতোলাই ফৗয়া। অনোকঙি ব্রি-থা স্বা দানিয়েল কয়এক বৗসৗৰ জিকৗমাই দেবীতোলায়ৗন জনম সায়া। অনোকমৗন অৗগ্রৗম অনোঙি মায় লৗম মাৰাব শ্রী প্রভাত চন্দ্র মেজেম্ব্রাইবান ফৗয়া। উম্রা ১৯৫৮ চনাইঙি ফেব্রুৱাৰী নাৰেতৱাই পিদানসৗন ব্যাপ্তিষ্টমো লায়তানা। কামাখ্যা ৰাভা, ৰেভা: সুবিধৰ বৰগয়াৰী আৰা আগনসিং নাৰজাৰী দেবীতোলাং ফৗইমৗন পাঙা, ঈশ্বৰনি ক্রৌদো দুন্নি গৗমৗন। থৗই সৰূপৱাই ১৯৫৯ চনাইঙি মে নাৰেতৱাই ক্রোব টা পৰিয়াল ঈশ্বৰনি অমাং ফৗয়া যি মাৰাবদো ১৯৩০-৩২ চনাই হিন্দুৱাং বালনাংতানা। অনোকমৗন অৗগ্রৗম শ্রী খগেন বানবগৱাবান ব্যাপ্তিষ্ম লাআ। উম্প্রিং ৰাভাদোনি মাজাৰাই পৰথম মণ্ডলী বানাইঙি সায়া ১৯৫৯ চনাইঙি ৬ মে কালাৰাই কালভান্ধাৰী সঙাই মায়চাম খ্রীষ্টিয়ানদো টুক্রাঝাৰাইপ্রিং কামাখ্যা, সুবিধৰ, আগনসিং আৰা বাঘপাৰাইপ্রিং ৰেভা: কার্কুড সাহাব আৰা মহিন্দ্র মাৰাক ৰুববাৰ দৗকৗন অনোকো উৎসাহ লাওং গৗমৗন ফৗই লাৱা। উগুনা গানান মণ্ডলীয়ো খৗব বিসিংঙৌ। উম্প্রিং আৰা পিদান পৰিয়াল বাঢ়ায়ৌ। ১৯৬০ চনাই দেবীতোলাইপ্রিং ৭৫ কি,মি পিজান সাপকাটা সঙাই মানায়নাং মি: অনুকুল ৰাভা আৰা প্রচাৰকদোনি দ্বাৰাই সুসমাচাৰ লাওঙি সাইতানা। উবাইঙি মাৰাবদো সুসমাচাৰনি প্রতি খৗব আগ্রোহি। সানসা দিনাই ৬ টা পৰিয়াল ঈশ্বৰনি অমাং ফৗয়া। কয় একদিন জিকৗমাই আৰা ৭ টা পৰিয়াল দাংঙা। উগুনা গানা তাকাইমৗন সাপকাটা মণ্ডলী বানাইঙি সায়ৌ। মি: মহেন চাপাৰো মণ্ডলীঙি পৰথম পালক হিচাবাই বাসাইঙি সায়া, জিকৗমাই উৱো আবাৰ ইউনিয়না পাষ্টৰ অভিষেক গাসায়া।
৫। ৰাভা ব্যাপ্তিষ্ট চার্চ ইউনিয়ন:
ৰেভা: ৰেক্স গ্লাচবি (কাংজাং) সাহাবা ৰাভা খ্রীষ্টিয়ানদোন গৗমৗন মণ্ডলী মুং বাসাইঙো শুংশুংতানা আৰা “ৰাভা ব্যাপ্তিষ্ট চার্চ ইউনিয়ন” মুং বাসাইতানিবান উৱৗন। জিকৗমাই উম্রা আপৗন সসাইটি ৰেজিষ্ট্রেশ্বন এক্ট ১৮৬০ আইন অনুজাইঙি ৰেজিষ্টাৰ গাসাই লাৱা। নাত্নে কতগুলা অসুবিধাদোন গৗমৗন ৰাভা ব্যাপ্তিষ্ট চার্চ ইউনিয়নো তি ৰাভা ব্যাপ্তিষ্ট কনভেনশ্বন মুং লানি সায়ৌ, লগতে ২০১৪ চনাইঙি ১৪ ফেব্রুৱাৰীয়াই পিদান ৰেজিষ্ট্রেশ্বনবান গাসাইঙি সায়া। ৰাভা ব্যাপ্তিষ্ট চার্চ ইউনিয়নো আসাম, মেঘালয়, আৰা পঞ্চিম বঙ্গ ই আতাম ৰাজ্যৱাই চলাইমৗন পাংতা।
৬। জোৰাম ব্যাপ্তিষ্ট মিচন (জেদ বি এম) মিচনাৰী:
এ বি এম এস মিচনাৰীদো দেবীতোলা বাকাই তানতৗইমৗন লৗইঙি জিকৗমাই, মিজোৰামাইপ্রিং জেদ বি এম মিচনাৰী ৰেভা: ৰোখামা আৰা মিচ্ছে লালৰোচামি (উনি মিচিক) ১৯৬৮ চনাইঙি ৮ জুলাই কালাৰাই দেবীতোলাং ফৗয়া। অনোকবান ৰাভাদোনি মাজাৰাই মিচনাৰী কৗম তৗৰৗইঙি চঙা। মণ্ডলী বৗদৗই পেনেম তাকঙি আৰা সুসমাচাৰ প্রচাৰ বৗদৗই সাত্রাক মান্নি গৗমৗন পাষ্টৰ, প্রচাৰকদোনা কিচুসা ফংকাৰ লাওঙি চঙা। উবাই পাষ্টৰদোনা ৭৫ টাকা আৰা প্রচাৰকদোনা ৫০ টাকা কাৰাই লাওঙি সায়া। ৰেভা ৰোখামানি আপ্রান চেষ্টাই মণ্ডলীদো তেপ তেপ বাঢ়ায়ৌ। উম্রা মণ্ডলীদো পেনেমসা যত্ন গাসাই মান গৗমৗন মণ্ডলীদাই কমিটি গঠন গাসাই লাৱা (ৰুঞ্চুম টাংগাম, কৗমন্যাচল, আৰা চাসাংগীৰ) ইদো। আৰা চৗই নাপাৰৗন....
ৰাভা ব্যাপ্তিষ্ট কনভেনচন মিচন কম্পাউণ্ড