কোচানি গৗমৗন বৗদৗই দাসমান নাপাৰৗন

ৰাভা জৗতিনায় আপ্রোঙি বহুৰূপী সকোক আৰা স্বতাং সংস্কৃতি, কলা কৃষ্টিদো তৱা। হা’ আবাদ গাসাইঙি (হাঙ্গায় হাৰান), স্বাহনি-নৗঙি, আৰা অনোঙি বিশ্বাস প্রথাদো আর্য্য আৰা মঙ্গলীয় সংস্কৃতিয়াইপ্রিং ফৗইতানি গানা নৗকা। ৰাভা সমাজো আমায় হৗসুক বাৰাইঙি। সংদাইঙি আর্থিক মানদণ্ড, হা’আবাদ গাসাইঙি পিৰাই নির্ভৰ; অনোক মি-মিচিক সমানৗন পাথাৰাই আৰা সেলহা’ৱাই কৗম জৗম লৌৱা। ৰাভা মিচিকদো আপ্রোক তাকতানি জ-জৰাই গাবনি সকোক কাননি পেনেম মানা আৰা অনোক তকম পালচাক আৰা ৰূপানি অলঙ্কাৰদোবান কানা। ৰাভাদো না’ কান স্বাহনি মাৰাব আৰা ‘মায়’ অনোঙি আচল আহাৰ।

ৰাভাদোনি পৰম্পৰাগত নৗগৌ-হৗগৌ চলাইঙিৱো চাং-চাংবা হা’ আবাদনি পিৰাই, চাং-চাংবা জাহাৰনি পিৰাই জ-জৰাই কৗমদো লৌমৗন আৰা অৗদৗকদো তাকঙি ৰাপমিদোমৗনৗন পৰিয়াল চলায়া। অৗগিনাই ৰাভাদো হাঙ্গায় হাৰান স্বাহ ফাইতানা, অনোক গ’গো আৰা বৗহৌমৗনৗন আবাদ গাসাই ফাইতানা। জিকৗমাই অনোক কৗমদো তৗৰৗংমৗন লাঔ আৰা লাঙন-জঙ্গলমৗন আবাদ গাসাইঙি চঙৌ। আবাদ গাসাইঙি বাদে চিকাৰ ৰকঙিবান ৰাভাদোনি অৗগিন অভ্যাস। তাকঙি ৰাপমি সায়ৌ ৰাভা-মিচিকদোনি পৰম্পৰাগত কৗম।

ৰাভাদোনি আমায় বানি ক্রৌ সায়ৌ ৰাভা ক্রৌ। ৰাভাদো আপ্রোকো ৰাভানি পিৰাই গৌৰব গাসায়া। ৰাভা ক্রৌৱো মাইমৗন লৗইনাংতামৗন নাত্নে ঈশ্বৰনা ধন্যবাদ লাৱা ১৯৫৯ চনাইপ্রিং কোচা-ৰাভানি ক্রৌ হেঙৌ ব্রাক নিগিনা।

ৰাভাদোনাই ১১ টা ক্রৌ তৱা ১) মাইতুৰী ২) ৰংদানী, ৩) পাতি, ৪) দতলা, ৫) দাহৰী, ৬) হালুৱা, ৭) বেতলিয়া, ৮) হানা, ৯) মুংগা, ১০) মদাহী, ১১) কোচ-ৰাভা। ই বেবাকন ৰাভা জৗতি সায়া নাত্নে অৗদৗগদো অৗপিন আমায়নি ক্রৌ মায়মৗন লৗয়ৌ। অৗদৗগদো চি’তানি গানা সাই জকৌ। নাত্নে ৰংদানী, মায়তুৰী আৰা কোচাদোনাই আপ্রোঙি আমায়নি ক্রৌ হেংমৗন পাংতা আৰা প্রচলন তৱা।

অষ্ট্রেলিয়ান ব্যাপ্তিষ্ট মিচনাৰী সসাইটি (ABMS) আৰা জৰাম ব্যাপ্তিষ্ট মিচন (ZBM) ৱাইঙি মিচনাৰীদো “ৰাভা ব্যাপ্তিষ্ট কনভেনচন” অৗগচাকৱাই ৰাভা ব্যাপ্তিষ্ট চার্চ ইউনিয়ন মুঙাই ৰাভা ক্রৌ দেহেঙি গৗমৗন পৰথম পদক্ষেপ লাআ।