ঈশ্বৰনা দান লাও নিগিনি কাৰণ

Iswarna Dan Lao Nigini karon (The Reason of Giving Tithes to God) in Rabha Language. This is a hand book for the Pastors, Evangelists, Believers by Rev. Ananta Kumar Sumbri Rabha, B.Th, BA (Hons.) BD, and Published by Mr. Joel Mezembrai (Vice Principla, MOS, Debitola) on behalf of Rabha Baptist Convention, Literature Committee, H.Qtrs. & P.O. Debitola, Kokrajhar, Assam.

___________________________________________________

Fisrt Edition January 2010

Second Edition January 2020

Copyright © strictly reserved by the author.

Questions or bugs please write to:

anantakumarsumbri@gmail.com;

anantakumarsumbri@yahoo.in

Published by: Mr. Joel Mezembrai (Vice Principal, MOS,

                        Debitola).

On behalf of : Rabha Baptist Convention, 

                        H.O. & P.O. Debitola-783 339

Dist. Kokrajhar, Assam, INDIA.

Price:  Rs. 50.00 only.

Manuscripts Typed by:  The Author & printed at Laxmi Offset Press, Mahalaxmi Market, Dhubri, Assam, INDIA.

 

জুত মাৰাপনি ফংনিংসা ব্রাক নিগিনি

 

বেবাখ চৗইবা অৗগচাক স্বৗর্গাইঙি হাসানি আৱা ঈশ্বৰনা ধন্যবাদ লাৱা, যি ঈশ্বৰা আঙো আৰা ইনি পৰিয়ালো তিনিং লাগেত পেনেমসা চলাইমৗন লাহাইতা। আৰা যি ঈশ্বৰা ইনি ই লেখা জুকঙাই বৗসৗৰব্রি যাবত লৗইতানি ২০০৩ ৱাইপ্রিং ২০০৭ লাগেত AICS, Aizawl, Mizoram মাই আনা গেয়ান লাওমৗন তয়তানা, উনা আং বুসুঞ্চা কৗঞ্চৗকঙি শুৰৌ।

ই লেখাৱো খৗন্তৗক আখাৰাই গুদুন মান গৗমৗন যি মাৰাপদো ক্রৌশুংমৗন উৎসাহ লাৱাইমৗন আৰা টাকা পৗশি লাওমৗন সহায় গাসাইতানা অনোকনা আং ইনি  নম্তম হাপাগ শুংঙাইপ্রিং বুসুঞ্চা কৗঞ্চৗং শুৰাং।

দ্বিতীয়তে, বিশেষ কৗঞ্চৗকঙি শুৰাং ইনি মাষ্টাৰ Rev. Dr. R. Zolawma, AICS, Aizawl, Mizoram, উনি বহু মুলিয়া মন্তব্য আৰা পৰামর্শ আৰা উনি উৎসাহনি গৗমৗন, যিন দ্বাৰাই আং উৎসাহ মানাইমৗন ই লেখা জুকঙি কৗম চঙাইমৗন দৗপ্রৗত মানৌ।

তৃতীয়তে, আং কৗঞ্চৗকঙি শুৰাং মি: জুৱেল মেজেম্ব্রাইনা উনি বৗলমৗন ই লেখাৱো গুদুনলাওং গৗমৗন আৰা ৰাভা ব্যাপ্তিষ্ট চার্চ ইউনিয়ন লিটেৰেচাৰ কমিটিনা, কৗঞ্চৗকঙি শুৰাং অনোকঙি সহায় দংচাৰৗন ইগিন গানা পেনেমসা লেখা আখাৰাই পতক ফাচানমৗন।

বুসুনাই, নাত্নে কম দংচা, আং তৗক্রৗইসা কৗঞ্চৗকঙি শুৰাং ইনি হাসানি মিচিক উৰবি না ইনি পঢ়াইঙাই উৎসাহ  আৰা টাকা পৗশিদো লাওমৗন সহায় গাসাইং সৗন দংচা নিৰিখৗন প্রভুনাই প্রাথর্না গাসাইলাওং গৗমৗনবান কৗঞ্চৗকঙি শুৰৌ। আমলাইগুৰীঙি আৰা দেবীতোলাইঙি ইনি নৗগৗৱাইঙি বেবাখ পৰিয়াল সদস্য সদস্যাদোনাবান যি মাৰাপদো আনা ক্রৌমৗন উৎসাহ আৰা টাকা পৗশিদো লাওমৗন সহায় গাসাইতানা অনোকনা ইনি বুসুঞ্চা কৗঞ্চৗকঙি আং শুৰৌ। অনোকঙি হাসানি আৰা হাসাইমৗন তৗৰৗইতানি ইনি শুঙাই নিৰিখৗন পাংঙা।

ৰেভাঃ অনন্ত কু: সুম্ব্রি                                কালাৰ ১৯/০১/২০১০ ইং

দেবীতোলা মিচন কম্পাউণ্ড।

মামাৰ লাম্মি

   

জুত মাৰাপনি ফংনিংসা ব্রাক নিগিনি….                       -----    3

১। দশ মাংশ লাওঙি ইতিহাস।                                         -----      5

২। নৗং যিয়ো হাসা উৱো সিবৗই।                                      -----      8

৩। দানমৗন সিবৗইঙি।                                                     -----      10

৪। মণ্ডলীঙি বাদজেট লাওঙি নিয়ম।                                  -----      13

৫। মুঠাসা মায়ৰং।                                                          -----      19

৬। খুসী মানাইমৗন দান লাওঙি মাৰাপৱো ঈশ্বৰা হাসা।        -----      22

৭। দান লাওৰৗন শুঙাই খুসী মানা।                                   -----      25

৮। নিনি ধনমৗন ঈশ্বৰো প্রশংসা গাসাই।                           -----      28

৯। ঈশ্বৰনা বিগিনা দান লাও নিগা?                                  -----      30

১০। নাঙি দানো চানা লাও নিগা।                                     -----      33

১১। অৗকৗৰচৗপসা দান লাও নিগা।                                  -----      35

১২। ঈশ্বৰনা দান লাও নিগিনি কাৰণ।                               -----      37

১৩। দান লাওঙি গৗমৗন শুং চেং নিগা।                               -----      39

১৪। দানো বিপাংকায় লাও নিগা?                                     -----      42

১৫। দান মাসান মাৰপৱা দু:খ মানা নাতুং?                        -----      45

১৬। দানো উতুং কৗমৗই ব্যৱহাৰ সায়া?                             -----      48

১৭। খ্রীষ্ট বিশ্বাসীদো নিনি ইনি নিগিনি দাসমান নিগা।        -----      51

১৮। ঈশ্বৰনা লাওঙি চৗদুগ।                                              -----      54

১৯। দান লাওৰৗন উ দানো মাইমৗন লৗইচা নাত্নে স্বৗর্গাই ৰুবুংঙি সায়া। --56

২০। শুংসাৰাং মনসাৰাং দান লাওৰৗন খুসী মানা।                -----      58

২১। চাংবা ঈশ্বৰো হাসাৰৗন উম্রা খুসীমৗন জৗব্লৗপা।             -----      60

২২। দান লাওৰৗন ঈশ্বৰা আৰা বৗদৗই বৰ লাওৱা।               -----      62

২৩। দান লাওং মাৰাপৱা ঈশ্বৰনি হাসানি মাৰাপ সায়া।       -----      64

২৪। নাঙি দানাইপ্রিং ব্রিকায় পেনেম কৗম সায়া।                 -----      66

২৫। দানমৗন ঈশ্বৰনি হাসং দাপ্লাক মানা।                          -----      68

২৬। দান লাওৱাইমৗন ঈশ্বৰো প্রশংসা গাসাই।                    -----      70

দশ মাংশ লাওঙি ইতিহাস।

 

দশ মাংশৱো সায়ৌ সৃষ্টিকর্ত্তা আৱা ঈশ্বৰা লাওতানি আশীব্বার্দৱাই আয় মান্তানায়প্রিং দশটা ভৗগাই ফাইমৗন ভৗগৗ গসাৱো উনা ধন্যবাদ শুৰনি হিচাৱাই যিয়ো উনা গৗথৗই লাওৱা উৱো দশ মাংশ দান ব্রাকা। আব্রাহামনি দিনাইপ্রিং পিদান নিয়মনি দিন লাগেত ই দশ মাংশ দানো আপ্রোঙি মাৰাপ গৰীৱ-হৌৰিয়াদোনা দান লাওঙি দানোন দশ মাংশ দান ব্রাকা। হাজাৰ বিজাৰ বৗসৗৰগৗ, অৗগিনাই (সমায় দাসমাঞ্চা) নাঙি অৗৱৗই অৗচুদোনি দিনাইপ্রিং চলাইফাইতানি দশ মাংশনি ইতিহাস চংতানা আদম আৰা হোৱাৰংঙি স্বাবৗন্তৗই মৗংনিং মুঙো কয়িন আৰা হেবল অনোকঙি দশ মাংশ ৰসং গৗথৗঙাইপ্রিং। কয়িন আৰা হেবলৰং আজংবুসা, ঈশ্বৰো ধন্যবাদ লাওনা গৗমৗন অনোকঙি শুঙাই অনোক ঠিক গাসায়ৌ। হেবলা পুৰুন নাকৰ, উনান গৗমৗন উম্রা উনি পুৰুন পালাইপ্রিং বেবাং চৗইবা পেনেমসা বয়াৰ চেহৰানাং চৗইতৌবুসুন গদেল কান্দেমতোঙো উম্রা উনি নৰাইপ্রিং দশ মাংশ হিচাৱাই লালাংমৗন ধামাই উৎসর্গা বলি লাওতানিয়া। উবাই উনি দানো সৃষ্টিকর্ত্তা ঈশ্বৰা বিৰাট সন্ত্তষ্ট মান্তানা। কাৰণ উম্রা বেবাখ চৗইবান উনি পুৰুন পালাইঙি পেনেমসা নেম্মি পুৰুনোন দশ মাংশ দান ঈশ্বৰনা লাওতানা। আদম-হোৱাৰংঙি স্বা গদা কয়িন উম্রা হালুৱা হ্বা আবাদ কৗম তৗৰৗইমৗন স্বাহআ। উনি হ্বা আবাদ মাজাৰাই বান্ঠাও গৗদৗইপ্রিং ঈশ্বৰনা দশ মাংশ লাওনা গৗমৗন প্রস্তুত গাসায়ৌ আতাংনা ব্রাকাৰৗন উনি বান্ঠাও গৗদৗৱো ঈশ্বৰনি আশীব্বার্দৱাই বিৰাট গেৰাও গেৰাও থৗই থৗইতানা। নাত্নে পেনেম পেনেমদো দান লাওং নৗসিমৗন মুই স্বাহন গৗমৗন তানৌ। উম্প্রিং যিদো বেম্পাৰ গানা কাওক্রাই কিক্রৗই উদো দাকাইমৗন দশ মাংশ গানা আপৗন আন্দাশ লাইমৗন ঈশ্বৰনা ধন্যবাদ লাওনা লৗইতানা। নাত্নে উনি ৰংতেং হাপাগ শুংমৗন লালাংতানো সৃষ্টিকর্ত্তা ঈশ্বৰা মৗকচৌ।

          খৃ: অৗ: ২২০০ বৗসৗৰ গানাই আব্রাহামা নগম বৗংতৗইস্বা লোটৱো উদ্ধাৰ গাসাই লৗইঙাই কয়একজন ৰাজাদো ধ্বংশ গাসাইমৗন মান ফাইতানি অনোকঙি সা-সম্পত্তিৱো ঈশ্বৰনা ধন্যবাদ শুৰনি হিচাৱাই গৰীৱ-হৌৰিয়াদোনা দান গাসাইঙি গৗমৗন দশ মাংশ কদেকৗইমৗন শালেমাইঙি ৰাজা আৰা গদা টাংগীৰবান সায়া উনি মুঙা মল্কীচেদক উনি চতংঙাই গৗথৗইলাওতানা (চঙি ১৪:২০), যাকোবৱা বান ঈশ্বৰনি মাহাঙাই প্রতিজ্ঞা গাসাইতানা দশ মাংশ লাওনা গৗমৗন যদি ঈশ্বৰা উৱো নগম মামাৱাৰানি হাসংঙাইপ্রিং অৗপিন দেশাঙা পেনেমসা দাৱাল ফাৰৗন (চঙি ২৮:২২)।

          দশ মাংশৱো দশ আজ্ঞা বিধি লেখাই গুদুঙাইচান (চৗবৗতানি ২০:২২-২৩:৩৩), যিয়ো প্রায় স্কোলাৰদো নিয়ম বিধি লেখাইঙি বেবাখ চৗইবান মাইচাম আৰা গদা আজ্ঞা ব্রাকৗইমৗন দাসমানা। নাত্নে উ দশ আজ্ঞানি চৗদৗৰাই পেনেমসা হুকুম লাওতানা, “নিনি প্রভু, ঈশ্বৰনি নৗগৗৱাঙা প্রথম থৗইপাৰ আৰা প্রথম জাৰতানি চংকুকদো দান (দশ মাংশ) লাহা। লাপনিং তাওৰায়তানিয়াই সাৰা ইস্রায়েল মাৰাপদো ঈশ্বৰা কালাংতানা আৰা আয়সাইতানা ঈশ্বৰনি নৗগৗৱাই থৗইপাৰ, চংকুক আৰা আতাং আয় মান্তানাইপ্রিং দশ মাংশ দান লাহান গৗমৗন (লাপনিং ১৪:২৩)। লাপনিং তাওৰায়তানি ১৪:২২-২৯ ৱাই ইগিন গানা তৗনৗকতানা যে, বেবাখ হ্বা আবাদ, থৗইপাৰ, চংকুক, মুশু মুতৗই যিপাংকায় তৱা উবাইপ্রিং দশ মাংশ দান লাহান গৗমৗন কুনু দিনাই দাবাঞ্চান গৗমৗন। জকঙি পৰৱ উৎসৱাই ই বেবাখ দানদো লাহান গৗমৗন আয়সানতানা যেনো অনোক চতং কৗলি ঈশ্বৰনি অমাং লৗইচা (লাপনিং ১৬:১৫-১৭)। আৰা নৗগৌ হৗগৌ তংচা মৌৰিয়া, মিচিক ৰৗন্ধি আৰা লেবীয় টাংগীৰদোন গৗমৗন দান লাওনা ঈশ্বৰা সাৰা বাসমাতাইঙি মাৰাপ জৗতিয়ো অনুৰোধ গাসাইতানা (লাপনিং ১৪:২৮-২৯)।

          বংশদোনি লেখাই তৗনৗকতানি দশ মাংশ দান লাওঙি বিষিনো পেনেমসা দাল দাল তৗনৗকতানা। ২বংশ ৩১ ফানাই তৗনৗকতানা, হিস্কিয়াদোনি দান লাওঙি ইতিহাস, অনোক বিগিনা পিদান ৰাজানি দিনাই দাবানতানি দান লাওঙি নিয়মদো আবাৰ দশ মাংশ লাওঙি উৎসাহ মান্তানা উদো উবাই তৗনৗকতানা। ২বংশ ৩১:১২ তাৰাই তৗনৗকতানি মতেৰৗন ৰাজাৱা লেবীয় মাৰাপদো দশ মাংশ ৰুবুংমৗন টাংগীৰদোনা আৰা যিৰূশালেমনি বৗইৰাই পাংতোঙি হ্বা আবাদ তংচা হৌৰিয়া লেবীয়দোনা আৰা মিচিক ৰৗন্ধিদোনা ফাইমৗন সহায় লাওং গৗমৗন মাৰাপ বাসাইতানা। নহিমিয়া ১০:৩৭-৩৯ তাৰাই তৗনৗকতানা ক’তগুলা দশ মাংশ দান লাওঙি বিষিনো লেখেনি ১৮ ফানাই বান নগৰনি বৗইৰাই তয়তোঙি লেবীয় জৗতিনি গৗমৗন নহিমিয়া আৰা উনি দলদোনা উম্রা আয়সাইতানা দশ মাংশ দানো জৰুৰ লাও নিগা ব্রাকৗইমৗন তৗনৗকতানা। নাত্নে দু:খনি বিষয় অনোকঙি মাজাৰাইবান নহিমিয়াৱা নৗকৌ যে অনোকঙি লাওনিগিনি দায়ত্বৱো অনোক দাবানতানা। উনান গৗমৗন উম্রা কৗমতৗৰ কমিটি বানায়মৗন গ্রুপ হাইলাওতানা টাংগীৰ দল, আৰা লেবীয় দল ব্রাকৗইমৗন যাতে অনোকঙি দশ মাংশ দানদো হৌৰিয়া আৰা নিগিনি মাৰাপদা যাতে বেবাখৗন সমান ভৗগৗ মাসা। আমোচ ৪:৪ ৱাই আমোচ শুংসেতগীৰা গৰীৱ মাৰাপদোনি জীৱন নৗকৗইমৗন হাপাগ সাইমৗন উনি হাসঙাই মাৰাপদোনা উম্রা ৰংতেং বাবে অনুৰোধ গাসাইতানা, সানতাম পৰ পৰ কামায় তানিয়াইপ্রিং যিপাংসা মান্তানা উৱো দশ মাংশ দান লাওৱাইমৗন ফাইমৗন স্বাহন গৗমৗন। আৰা মলাখী ৩:৬-১২ তাৰাই মলাখীনি হতংঙাইপ্রিং ঈশ্বৰনি ক্রৌ পতকৗইমৗন মাৰাপদো অলোকতানা, আতাংনা ব্রাকাৰৗন অনোকঙি দশ মাংশ লাও নিগিনিয়ো অনোক লাও কাৰাংঙাইচান। উবাই ঈশ্বৰা অনোকনায় খীৰাবান স্বাহইতানা “ইনি নৗগৗৱাই স্বাহন আহাৰনাং সাইং গৗমৗন ননোক ইনি  চাসাঙাই বেবাখ দশ মাংশদো লাহা; সিপাইদোনি প্রভুৱৗন ব্রাকতা, আং ননোকঙা স্বৗর্গৗনি নুগ্দুৰ দাওলাওঙা না লাওচা, আৰা জৗগৗ সাকচা ৰাওৱা ননোকনা বৰ লাওনা লাওচা, উৱো দাসমান গৗমৗন ননোক ইমৗনৗন আঙো থাক লাইমৗন চৗই।”

          লেখেনি ১৮ ফানাই তৗনৗকতানা দশ মাংশৱো আতাম কায় ভৗগাই পাইচকঙি সাইতানা। ১) দশ মাংশ ভৗগৗৱো যিৰূশালেম নগৰ/মন্দিৰ উন্নতিনি গৗমৗন। ২) দশ মাংশনি থৗই-পাৰ, চংকুকদো দৗমতোং যিৰূশালেমাইঙি টাংগীৰদোন গৗমৗন লাও বেসেত নিগা (লাপনিং ১৪:২২)। আৰা ৩) দশ মাংশৱো গৰীৱ-হৌৰিয়া, মিচিক ৰৗন্দি অৰা স্বামৌৰিদো সহায় গাসাইঙি গৗমৗন (লাপনিং ১৪:২৮)। ই নিয়ম নীতিয়ো খৃ: অৗ: ২০০-৬২ আলবিনাচনি দিন লাগেত চলাইতানা।

          যীশুনি দিনাই দশ মাংশ আৰা দান লাওঙিবান উম্রা বাধা লাওৱাইচান। নাত্নে উম্রা আৰা বৗদৗই বৗদৗই লাও মান গৗমৗন উৎসাহ লাওতানা পিদান নিয়মাইঙি তৗক্রৗই হাদামাই। দশ মাংশ আৰা দান লাওঙি আচল নিয়ম আৰা কাৰণ সায়ৌ হাসানি (মথি ২৩:২৩-২৪; লুক ১১:৪২; ১৮:১২)। যি মাৰাপনায় হাসানি তৱা উতুং দশ মাংশসৗন ইস্রায়েলদো গানা তিনিগুণ দশ মাংশবান কিছুনান দংচা। আৰা তুলনা গাসাইমৗন চৗই অৗপিনি হাসানি স্বাজং এবা হাসানি জৗগদোনি গৗমৗন নৗং উতুং তাক মানা? উনান গৗমৗন প্রভু যীশুৱা পিতৰনায় লাপতামকায় সৗংতানা, উম্রা যীশুৱো বিপাংকায় হাসা উৱো।

a a a

 

নৗং যিয়ো হাসা উৱো সিবৗই

 

আং ইনি মিচিকৱো বিৰাট হাসা, উনান গৗমৗন আং অৗপিন গৗমৗন যিগিনাবান সাই উৱো শান্তি লাওং গৗমৗন আং নিৰিখৗন যিগিনা মানা উগুন গানা উনি গৗমৗন উপহাৰ লালাঙা। আং যিয়ো হাসা উনা লাওং গৗমৗন টাকা-পৗসি খৗব গদা ক্রৌ দংচা, হাসাৰৗন টাকা পৗসি আপৗন জাৰা। হাসানিনা যি কুনু গসা লাও মানৰৗন লাও মাৰাপবান খুসী মানা আৰা মাসান মাৰাপবান খুসী মানা। হাসানিমৗন দান লাওঙিয়োন সায়ৌ সিবৗঙি। তৗক্রৗই মাৰাপদো যীশুনি গদা হুকুমো হুচিং পিৰায়ৗন মুখস্হ ব্রাং মানা: “নিনি প্রভু ঈশ্বৰো নৗং নিনি হাপাগ শুংমৗন হাসা।” (মার্ক ১২:৩০)। নাত্নে নাঙি হাসানিয়ো দান/উপহাৰ লাওৱাইমৗন প্রকাশ গাসাই নিগা উৱো নাং আপাইসৗন দাসমানা।

          মাৰাপনি মনো যুগ যুগ, কাল কাল নিয়ম গানাসৗন সাইমৗন ফৗয়ৌ যে, মাৰাপৱা সিবৗয়া যিয়ো উম্রা/উম্রাজুং অৗপিনি হাপাগ শুংমৗন হাসা (পেনেম মানা)। নাং যিয়ো হাসা উৱো সিবৗয়া, নাং পেনেম মানা যিয়ো নাং সিবৗয়া। যি কুনু মাৰাপৱা মি সাই এবা মিচিক সাই সময় আৰা টাকা পৗসিবান অনোকঙি অৗপিন আপানি হাসানি ব্যক্তিনি গৗমৗন হিচাৱ তংচা গাজাপা যিয়ো অনোক খৗন্তৗক হাপাগ শুংমৗন পেনেম মানা আৰা হাসা। লাপনিং ১৬:১৭ তাৰাই ইগিন গানা ব্রাকতানা, “প্রভু ঈশ্বৰা নৗনা লাওতানি আশীব্বার্দনি অনুপাতে বেবাখৗন অৗপিন মান গানা উপহাৰ/দান লাহা।” ই শাস্ত্র মতে, নাং কামায়তানাইপ্রিং মাত্র ১০% (দশ মাংশ) সৗন ক্রৌ ব্রাকৗইচান। দাসমান গানাৰৗন নাং মাৰাপদো সাধাৰণতে অনোকঙি কামায়তানাইপ্রিং মাত্র দশ মাংশ সৗন নাং মাৰাপদো দান লাওৱা আৰা উবান দশ মাংশবান সাইচা সময়গতে যদি পেনেমসা চিন্তা গাসাইমৗন চৗইয়াৰৗন। ক’তগুলা মাৰাপদো অৗপিন গৗমৗন বাণ্ডাৰ (চাসাং) ফুং ৰাওৱা মায় ৰুবুঙা নাত্নে আশীব্বার্দ লাওং গৗহৗই ঈশ্বৰনা ৰসং দান লাওৱা মাত্র কাদা (ডন) গসাসৗন/মোন গসাসৗন/বস্তা গসাসৗন। “অৗপিনি মান্নি গানা উপহাৰ লাহা” ই ক্রৌৱো মাত্র কামায়তানাইপ্রিং সৗন দংচা নাত্নে মাৰাপনি আত্মানি ক্রৌবান ইবাই প্রকাশ সায়া। যি মাৰাপদো আত্মামৗন ফুঙা আৰা আত্মাৱাই চুঙা অনোক অনোকঙি মান্নি গানা উপহাৰ লাওৱা। নাত্নে আত্মামৗন পৰিচালনা সাইচাৰৗন মিচিকদোনি মষ্টিমিয় মুঠা গসা মায়ৰং লাওৱোন হাপাগ বুতুৱা, লাওঙি শুং সৗকচা আৰা ৫/- এবা ১০/- টাকা পৗশি সৗন দান লাওঙিবান নৗসিয়া। উদাহৰণ স্বৰূপ, যদি প্রভুৱা নাঙো ব্রাকা যে, উপহাৰ-দানদো জৰাই ককদেক আৰা দশ মাংশ ৱোবান জৰাই ককদেকৗইমৗন লাহা, উগুৰৗন সম্ভৱ নাং মাৰাপদো জৰুৰ ইগিন গানা ব্রাকঙা গামানাং, “প্রভু আং উগুন গানা তৗৰৗই মাঞ্চানা।” ই ক্রৌৱো খৗন্তৗকৗন দৱা আৰা বাস্তৱ। নাং মাৰাপ জাতৱা ইয়ো তৗৰৗই মাঞ্চা, বিৰাট ৰাকা গানা মানা, নাত্নে উম্রা (ঈশ্বৰা) তৗৰৗই মানা: “নৗং যে অৗপিন আপোন তিমলৗইং (যগ্যতা বানায়) গৗমৗন অৗপিনি গুণমৗন মানৌ, উৱো দংচা, নাত্নে উ দাতনিয়ো (বৰো) ঈশ্বৰনাইপ্রিংসে পতকতানা” (২কৰি ৩:৫)।

          ই কাৰণো, নাঙি শাস্ত্রৱাই ব্রাকা, “প্রভু ঈশ্বৰা নৗনা লাওতানি বৰ চৗইমৗন বেবাখ মাৰাপৱা অৗপিনি মান্নি গানা উপহাৰ/দান লাহান নিগা।” (লাপনিং ১৬:১৭)।  ই তাৰাই নাঙা খৗব দৰকাৰী অৗংনিংকায় বিষয় তৗৰৗং লাওৱা: ১) বেবাখ মাৰাপনি মনায় ঈশ্বৰা দান লাওং গৗমৗন জাগায় লাওৱা। আৰা ২) নাং আশীব্বার্দ মানৌ গৗমৗন উনা দান লাওং নিগা। নাঙি হ্বা আবাদদো নাং ফুতা, কায়া, নাত্নে ই পিত্তিং চৗইতৌবুসুন বাসমাতা সৃষ্টি গাসাই ম্রাৱাসে কাৰো গৗদৗমা আৰা গুচুং লাওৱা। ইয়ো উ আচৰিত বৗলনাং ঈশ্বৰনি আশীব্বার্দ। ইগিন গানা গকসৗন মিলৗইঙি দৰকাৰী শিক্ষাৱো সাধু পৌলা ১কৰি ১৬:২ তাৰাই ব্রাকতানা, “ননোক বেবাখৗন অৗপিন আপা কায়তানি গানা, সপ্তাহনি পৰথম দিনাই অৗপিনাই ৰুবুংমৗন তান।” আৰা আশীব্বার্দ লাওং গৗহৗইনা কৗঞ্চৗং শুৰনি দান লাও।

          বি:চৗ:নি: দাসমান নিগিনি গসা সাৱধানতা: টাকা-পৗশি লাওঙি আৰা গাজাপমি খৗব মামাৰ, হৗকুদৗকু তালাপচা গানা সাই নিগচা। ঈশ্বৰা কুনু দিনাই হৗকুদৗকু তাকচা। নাঙি পেনেম ক্রৌ লেখাই আং যীশুৱো কুনু দিনাই গাত্লাপ মাঞ্চাৰাৱা তলং নৗকৗইচান, নাত্নে আং উৱো নিৰিখৗন লৗজৗমমিসে নৗকতানা। ঈশ্বৰা নাং গৗমৗন তৗৰৗইঙি উনি অৗপিনি ঠিক সময় তৱা। আৰা উম্রা উনি সময় মতে উম্রা তৗৰৗয়া।

                                     a a a

 

দানমৗন সিবৗইঙি।

 

          মথি ২৫:৩১-৪৬ তাৰাই গদা বিচাৰনি ক্রৌকিন যীশুৱা দুনতানা যিয়ো উনি দ্বিতীয় আগমনায় ঘটাইঙা। উনি উ বিচাৰাই উম্রা সাৰা বাসমাতাইঙি মাৰাপদো অৗংনিং ৰকমাই ফানা। অনোক সায়ৌ ১) যি মাৰাপদো উনি ক্রৌ মানায়া আৰা  ২) যি মাৰাপদো উনি ক্রৌ মানায়চা আৰা নৗতৗমচা। যি মাৰাপদো উনি আজ্ঞা মানায়া আৰা মানায়চা অনোকঙি পার্থক্য সায়ৌ মাত্র দান লাওঙি পিৰাইসে। যি মাৰাপদো ইফিতোংৱাৰো গাস্বাহ, লাম নাম্প্রাংতোংৱাৰো লাম তৗনৗকা, লৗগৗ তংচাৱাৰামৗন লৗগৗ সায়া, মলংৱাৰো সকোক দাকানা আৰা হেপতোংৱাৰো প্রভুনি মুঙাই গৗদৗকা অনোকো বাসাইঙি সাইঙা। যীশুৱা ইয়োন তাপ তাপ গুশুং লাওতানা যে দান লাওঙি সায়ৌ হেংতোঙিনি চিন্ন্। প্রভু যীশু খ্রীষ্টনি বিশ্বাসী শিষ্য যাকোবা ই সত্য ক্রৌৱো হুত্রাকৗইমৗন প্রচাৰ গাসাইতানা, “মৗউৰী আৰা ৰৗন্দিদোনি কষ্টনি সমায়াই চৗইং গৗমৗন লৗই, সংসাৰাইপ্রিং আপাৱো জাসানি মাসচা গানা দাপাং উৱৗন আৱা ঈশ্বৰনি মাহাঙাই পেনেম আৰা পিতাৰ ধৰমনি কৗম।” (যাকোব ১:২৭)। শ শ বৗসৗৰগৗ যিচয়া শুংসেতগীৰা জেলা লেখা জুকা উম্রা ই ক্রৌৱোন জুকতানা আৰা ব্রাকতানা, “সত্যৱো তৗৰৗঙাইমৗন পেনেম কৗম তৗৰৗই, অত্যাচাৰ গাসাই মাৰাপৱো শৗস্তি লাও, আমায়- আৱা তংচা মৗউৰীদোনি গৗমৗন পেনেম বিচাৰ গাসাই, মিচিক ৰৗন্দিদোনি পাতাং তয়মৗন অনোকো সহায় গাসাই” (যিচয়া ১:১৭)।

          স্বৗর্গাই ধনী সাইং গৗমৗন চেষ্টা গাসাই। দান লাওঙি মূল কাৰণ গসা সায়ৌ ই নাং পাংতোঙি বাসমাতাই তয়মৗন স্বৗর্গাই ধন ৰুবুঙি। আৰা যীশুৱা প্রকাশ গাসাইমৗন ব্রাকতানি ক্রৌ গসাৱো মনায় দৗক্রৗইচিং, “যি হাদামায় চং আৰা মাৰামা গাচামা আৰা চোৰবান হাকাৰ হতৗইমৗন চোৰা, ইগিনা বাসমাতাই অৗপিনি গৗমৗন ধন তাৰুং; নাত্নে যিবাই চং আৰা মাৰামা গাচামচা, চোৰবান হাকাৰ হতৗইমৗন লালাংচা ইগিনা স্বৗর্গাই অৗপিনি গৗমৗন ধন ৰুবুং। আতাঙা যিবাই নিনি ধন উবাই নিনি মনবান সাইঙা” (মথি ৬:১৯-২১)।

          খৗব মামাৰৗন সাই এবা জিখৗমো সাই ই নাঙি হ্বানি কানা নাঙো সানসা দিনাই বাকাই তান্তানা। ঈশ্বৰা লাওতানি ই আত্মা অৗপিনি হাদামাঙা বালনাঙা, নাত্নে ই কানমৗন তৗৰৗইতানি কৗম লাইমৗনসে বিচাৰনি আসনাই হাদাম বাসাইমৗন লালাং সাইঙা।

          আং যখন ই লেখা জুকা, ইনি মনায় গসা জাগৰণ সাইতানা, গীর্জাং লৗইং দৗকৗন ঈশ্বৰনা যিপাংকায় মানা দান লাওং গৗমৗন। মায়চাম নিয়মাইঙি বাইবেল শাস্ত্রপাঠ গসা ইনি মন জয় গাসাইতানা, উৱো সায়ৌ, লাপনিং ১৬:১৬ “চতং কৗলি প্রভুনি অমাং লৗই নিগচা।” আৰা উনি চৗদৗৰাই জুকতানি তৱা, “প্রভু ঈশ্বৰা নৗনা লাওতানি বৰ (আশীব্বার্দ)  চৗইমৗন বেবাখ মাৰাপৱা অৗপিনি মান্নি গানা উপহাৰ (দান) লাহান নিগা” লাপনিং ১৬:১৭)। ই ক্রৌৱো গীর্জ্জাই লৗইঙি দৗকৗন ইনি মনায় ক্রৗয়া। উনান গৗমৗন সময় সময় ইনি লাইতানি দান আপাইসৗন সাইৰৗন আং আপা শান্তি মাঞ্চা সায়া। সানসা চিনিং জুলাই ২৪ তাৰিখ ২০০৫ ইং ৰুববাৰ সানদুপুৰ AICS কমিউনিটি গীর্জ্জাই মাত্র ৫০ পৗইসা সৗন লাও মানাইমৗন আং আপা বিৰাট দু:খ মান্তানা ইনি মনায়। কাৰণ উ সমায় ইনায় পৗশি তংচৌ ইনি পেন্ট দুকিৰাই, বুচিল দুকিৰাই আৰা মানি বেগাই লাম বেনেনবান গাজাৰ মাঞ্চৌ আং, লামৗং লামৗং মাত্র অৗদিলি গসাসৗন দাকাপতা উৱোন লায়মৗন আং গীৰ্জ্জাং লৗইমৗন ইনি প্রভুনা দান লাওতানিয়া। অৗদিলি গসাৱো ইনি গৗমৗন হেঙান মাগাপচা বিগিনা লাওঙা আং শুংশুং মাঞ্চৌ, উচিনিং আং আৰা ইনি লৗগৗ মিকবৗঙা আঙো লাইমৗন মুঠ ৬ জন জনী পুলপিট মাহাঙাই চাপাইমৗন চায় লিড গাসাইতা আৰা দানতোলা পাইচক মাৰাপবান মিচিক মিচালসে, উনান গৗমৗন ইনি উ অৗদিলি গসা পৗশি কুচুৰো সাবেকদা লাওতানি পৗশি কুচুৰমৗন গকাইমৗন কৗৰৗং খীৰাইমৗন দান লাওঙি মনা পুমাই চতং সানাইমৗন অৗকচ্রৗপসা দান লাওতানা আং। দান লাওতোঙাই মনে মনে ইনি শুঙাইপ্রিং আং ব্রাকৌ, “প্রভু যীশু ইনায় ইসৗন তৱা, আপাইসাসৗন বেনেনবান ইয়ো গ্রহণ গাসাই” ব্রাকৗইমৗন। উ সমায় গসা ক্রৌ ইনি মনাই ক্রৗই ফৗয়ৌ, “যিপাংসা মানা উৱো হাসানিমৗন লাও, উৱোন যতেষ্ট।“ উম্প্রিং লগে লগে আং ইনি শুঙাই খুসী মানৌ। আৰা উচিনিঙি শিক্ষাবান আদলকসা ইনি লেখানি মুংমৗন মিলৗয়া “ঈশ্বৰনা দান লাও নিগিনি কাৰণ।” শাস্ত্র: ২কৰি ৮:৯ শিক্ষালাও মাৰাপ ডেৰাদুন, লাদাকৱাইঙি মিচনাৰী মি: লালৰুৱাটকিমা (দিল্লী), তি উম্রা ইংলেণ্ডাই Ph.D. ডিগ্রী লাইতা।

ইনি দাননি সমস্যা চিন্তা গাসায়ৗং গাসায়ৗং তাপৗং ইনি শুঙাই সাকসা মিচিক ৰৗন্দিনি সমস্যা মনায় ক্রৗয়ৌ। ই মিচিক ৰৗন্দিনি উদ্ধাহৰণ, ঈশ্বৰনা শান্তি লাওঙি উপহাৰ প্রকাশ গাসাইতানা:

আৰা উম্রা নুগ্দুৰাই আম্বাকৗইমৗন, মাৰাপদো চাসাঙাই বিগিনা দান লাওৱা উৱো চৗইমৗন পাংতা। উ সমায়াই তৗক্রৗই ফংকাৰনাং মাৰাপদো ফৗইমৗন উবাই পৗশি লাওঙি নৗকৌ। জিকৗমাই সাকসা হৌৰিয়া (গৰীৱ) মিচিক ৰৗন্ধিজু ফৗইমৗন আনাওসা পৗশিনিং তানৌ, উনি দামা পৗশি পিসাক গসৗন। উম্প্রিং উম্রা নগমি শিষ্যদো খৗতৗইঙা ক্লাংমৗন ব্রাকৌ, “আং ননোকো খৗন্তৗকৗন ব্রাকা, চাসাঙাই দান লাওতানি মাজাৰাই ই মিচিক ৰৗন্দিজু বেবাং চৗইবা বৗদৗই লাওৱৌ; আতাঙা অৗদৗক মাৰাপদো অৗপিনি যিয়ো বৗদৗই উবাইংপ্রিং আপাইসৗন লাওৱৌ; নাত্নে ইমাৰা অৗপিনি গৗমৗন চাদংচা বেনেনবান যিয়ো আপৗইসা তৱা, বেবাখন অৗপিনি হেং নিগিনিয়োবান উম্রা লাওৱৌ” (মার্ক ১২:৪১-৪৪)।

ঈশ্বৰা ইপাংকায় লাও, উপাংকায় লাও ব্রাকৗইমৗন দিমচা, নাত্নে মন শুং সৗকৗইমৗন লাওৰৗন উম্রা খুসী মানা। দান লাওঙি মৗন নাঙি হাসানি তৗনৗকা।

সাধু পৌলা জেলা কৰিন্হীয়া  মণ্ডলীঙি ভৗই জিনৌদোনা চিঠি জুকা উবাই উম্রা দান লাওঙি বিষিনাই আপাইসা জুকতানা, যিবাই ঈশ্বৰা খুসী মানা: “আতাঙা যদি ইচ্ছা তৱা, উগুৰৗন যিনাই যিয়ো তৱা, উগুনান উৱো লানি সায়া, যিনাই যিয়ো তংচা উগুনা সাইচা” ২কৰি ৮:১২)।

ইবাইপ্রিং নাং নৗকা দি, আপাইসাসৗন সাই এবা খৗব তৗক্রৗইয়ৗন সাই যি দানো নাঙি হাপাগ শুঙাইপ্রিং গৗথৗইয়া উৱো ঈশ্বৰা গ্রহণ গাসায়া।

a a a

মণ্ডলীঙি বাদজেট লাওঙি নিয়ম।

 

আচলতে খৗন্তৗক বাদজেট লাওঙি নিয়ম আং ইবাই আপাইসা প্রকাশ গাসাইলাওং নাপতাং। বেবাখ চৗইবা অৗগচাক মণ্ডলীয়াই আয় মান্তানিদো বেবাখন ইউনিয়নাই হিচাৱ লাও নিগা। বৗসৗৰাই মান্তানি আয়াইপ্রিং ইউনিয়না প্রভুনি গৌৰৱান গৗমৗন বৗসৗৰাই ৭০% লাও নিগিনি বাদজেট বানায় লাওঙা। যিয়ো বৗকী পাংতা ৩০% উৱো মণ্ডলীয়াই নিগিনিদায় ব্যৱহাৰ গাসাই মান্না। আপ্রোকঙি মণ্ডলীয়াই লৌতানি বাদজেটৱো পুৰা লাওমান নিগিনা আৰা উৱো কুনু ৰকমাই আতাং কৗমাই ব্যৱহাৰ গাসাই মাঞ্চানা, কাৰণ উদো লায়মৗনসে ইউনিয়নাই আয়-ব্যায় হিচাৱ গাসাইঙি সায়া। আপাইসা কম সায়ৰৗনবান ঈশ্বৰনি কৗমাই চাক-ফুকা। উনান গৗমৗন বৗসৗৰাই যিপাংকায় বাদজেট লৌঙি সাইতানা উৱো বেবাখন পুৰা (আজ্রাঙোন) লাও মাঞ্চা বেনেন বান ৯৫% হলে জৰুৰ লাও মান নিগা, ইয়ৗন বাদজেট লাওঙি নিয়ম। আৰা মানৰৗন ১০০% চৗইবান বৗদৗই লাওমানৰৗন খৗব নেমা, ঈশ্বৰনি গৌৰৱান গৗমৗন।

          (চোৰকাৰ চৗকীৰ কৗম তৗৰৗইতোঙি মাৰাপদোনি নাৰেট দৗকৗন দশ মাংশ হলে স্হানিয় মণ্ডলীঙি বাদজেটমৗন দৗপ্রৗন্নি দংচা, নাত্নে উৱো দৗমতোং ইউনিয়নাই লাও বেসেত নিগা উৱো endowment fund ব্রাকা। নাৰেট দৗকৗন যিপাং কায়সা বেতন মাসা উবাইপ্রিং ঈশ্বৰনি আশীব্বার্দৱাই মান্তানাইপ্রিং ১০% (দশ মাংশ) আতাঙাই  ককদেকৗইমৗন আপা সাই এবা আতাং মাৰাপনি চতংঙাই সাই এবা পোষ্ট অফিচ তিয়া  M.O.গাসাইমৗন লাওবেসেত নিগা। দশ মাংশ লাওংৱাই হাপাগ গৗগ্রৗতৗইমৗন, দু:খ মনায় লাও নিগিচা। সিপাইদোনি প্রভু ঈশ্বৰা ব্রাকতানা, “লাও উম্প্রিং আং ননোকঙা লাওনা লাওচা উৱো প্রমাণ লাইমৗন চৗই।”)

 

১। বাদজেটৱো আতাংনা লাও নিগা:

মণ্ডলীঙি বাদজেটৱো সম্ভৱ সাইৰৗন নাৰেট দৗকৗন লাওমান নিগা আৰা সম্ভৱ সাইৰৗন বেবাং চৗইবান কমাই ৩টা কিষ্টি বানায় মান্না। নাত্নে ঈশ্বৰনি কৗমাই নিৰিখৗন নানাৰকম ক্ষেত্রৱাই বিৰাট টাকা পৗশিদো নিগা, উনান গৗমৗন নাৰেট দৗকৗন লাওমানৰৗন বেবাং চৗইবান নেমা। কাৰণ উ টাকা পৗশিদোমৗন নাঙি আৱা ঈশ্বৰনি গৗমৗন জীৱন লাওমৗন কৗম তৗৰৗইতোঙি  মাৰাপদো ৰৗন নিগা আৰা তি লাগেত মায়মৗন পাংতোঙি আৰা আন্ধাৰাই নাম্প্রাংতোঙি মাৰাপদো লাম নিগা।

          যি মণ্ডলীয়াই বাদজেট গসত মাঞ্চা উ মণ্ডলীয়ো দুবর্ল ব্রাকৗইমৗন লেখেন সায়া। আৰা বাদজেট গসতচা মণ্ডলীয়াই ঈশ্বৰনি আশীব্বার্দ ফৗইচা। যি মণ্ডলীয়া মায়তানি আত্মাদো লামচা উ মণ্ডলীয়া আপৗন “মায়তানি মণ্ডলী।”

          আপ্রোং মণ্ডলীঙি বাদজেটৱো ঈশ্বৰনি ৰাজ্য দাপ্লাকঙি কৗমান গৗমৗন লৌঙি সাইতানা। উ টাকা-পৗশিমৗন ঈশ্বৰনি ক্রৌ নায়চান মাৰাপদোনাং লৗইমৗন ঈশ্বৰনি পেনেম ক্রৌ আৰা মাৰাপ জৗতিনি গৗমৗন পেনেম খবৰ উৱো দুনৗই গৗমৗন বাহাইঙি সায়া।

          তৗক্রৗই মণ্ডলীদো বাদজেট পৗশিদো লাও বেসেতচৗইমৗন ঈশ্বৰনি কৗম তৗৰৗইঙি বন্ধ গাসাইমৗন তান নাপা। আপ্রোক যদি উ টাকা-পৗশিদো লাও বেসেতচা উগুৰৗন প্রচাৰনি কৗমাই আৰা পাষ্টৰদোনি বেতন লাওঙি আতাদাই ইউনিয়নাই তৗক্রৗইসা সমস্যা সকফৗইয়া। মণ্ডলীদো যত্ন গাসাইঙি গৗমৗন তান তানি পাষ্টৰদো বেতন মাঞ্চাৰৗন অনোক বিগিনা কৗম তৗৰৗইঙা? মায়-মুই স্বাহচা চাং কৗম তৗৰৗই মানা? পাষ্টৰদো কোচা ক্রৌতিয়া ব্রাং লৗইৰৗন “নাকৰ” ব্রাকা। নাকৰা পাল চৗইং গৗমৗন মায় স্বাহন নিগা আৰা ই নাং পাংতোঙি বাসমাতা হাপাগৱাই সাকসা মাৰাপ হিচাৱাই হেঙাইমৗন পাং নিগাৰৗন উ নাকৰনি মান ময্যর্দা চোৰকাৰ চৗকীৰ কৗম তৗৰৗইমৗন পাংতোঙি মাৰাপনি চৗইবান কুনুৰকমাই কম সাই নিগিচা। উগুৰৗনসৗন উনি ক্রৌৱো আতাং মাৰাপদো নৗতৗম্মা। পাষ্টৰ, ইভানজেলিষ্ট-মাষ্টাৰ আৰা আ-আতাং বিভাগৱাই ঈশ্বৰনি ৰাজ্য দাপ্লাকঙি কৗম তৗৰৗইমৗন পাংতোঙি বেবাখ মাৰাপদো জগতৱাইঙি মাৰাপদোনি মৗকৗৰাই যাতে যে পৗমৗৰ সাইচা আৰা অনোকঙি মান ময্যর্দা যাতে চৗদৗৰাই বৗৰচা উনান গৗমৗন বিশ্বাসী খ্রীষ্টিয় ভৗই-জিনৌদোনি দায়ত্ব। আতাংনা ব্রাকাৰৗন সাকসা গৰীৱ মাৰাপৱা সাকসা মাহাজনো পৰিবর্তন গাসাইলৗইংমান গৗমৗন সুযোগ মাঞ্চানা। কাৰণ নাঙি জগতৱাইঙি মাৰাপদো টাকা-পৗশি, সা-সম্পত্তিমৗন মাৰাপৱো ওজন শোৱা। ধনী মাৰাপৱা গৰীৱ মাৰাপৱো মৗকৗৰ কনতিয়া চৗইয়া উনান গৗমৗন ঈশ্বৰনি ক্রৌ দুন্নাই পাষ্টৰ আৰা ইভানজেলিষ্ট-মাষ্টাৰদো অনোকঙি উ ওজন লাইমৗন নাম্পাৰাই মায় চাৱেক গানা পলঙা। কাৰণ হাসঙাইঙি মাৰাপদো উ প্রচাৰ গাসাই মাৰাপনি যোগ্যতা আৰা ওজনদোসে বেবাখ চৗইবান অৗগচাক চৗইয়া। আৰা উৱো চৗইমৗনসে মানায়ঙি আৰা মানায়চানি (খ্রীষ্টিয়ান দাঙি-দাংচানি) ক্রৌ পতকা।

          হাসঙাইঙি মাৰাপদো ধর্মৱো দাসমাঞ্চা, ধর্মৱো জিখৗমাই তানা নাত্নে অনোক মাৰাপদোনি উন্নতিয়োসে অৗগচাক চৗইয়া। উন্নতিনি ক্রৌ ব্রাকাৰৗন ষ্টেণ্ডার্ডৱো বুজৗইয়া। উনি কান্নি-চুন্নি, পঢ়াইতানি ডিগ্রী, ধনী-গৰীৱ, স্বাহন তৱা-তংচা, পৰিয়াল নেমা-নেমচা ই বেবাখন ষ্টেণ্ডার্ডৱো বুজৗইয়া। বর্ত্তমান যুগৱাইঙি মাৰাপদো বেবাখ চৗইবান অৗগচাক ই ষ্টেণ্ডার্ডৱোসে চৗইয়া। ই বিষিনাই ননোকঙি পাষ্টৰ আৰা প্রচাৰক-মাষ্টাৰদো টাকা-পৗশি তংচাইমৗন মাৰাপদোনাই ধৗৰ বৗতৰাও সাই নিগিনি সাইৰৗন অনোকঙি মান ময্যর্দাদো চাং প্রশংসা গাসাইঙা? উগুনা সাইৰৗন অনোক বিগিনা ঈশ্বৰনি ক্রৌদো প্রচাৰ গাসাইঙা? আৰা অনোকঙি ক্রৌদো চাং নৗতৗম্মা?

 

          বত্তর্মান যুগৱাই বেবাখ মণ্ডলীদাই অৗপিন আপানি গীৰ্জ্জা নৗগৌদো যা যিগিনা মানা পে-পেনেমসা হাম্মিসে আৰা তেনেমিসে বৗদৗৰবাদ সায়ৌ। গীর্জ্জা নৗগৌ হাম্মি বৗদৗৰবাদৱো নেমচা দংচা কাৰণ গীর্জ্জা নৗগৌৱা মণ্ডলীঙি মাৰাপদোনি সম্পর্ক নেমা-নেমচা মহৰ তৗনাকা। আৰা পাসাংতিয়া গীর্জ্জা নৗগৌ সায়ৌ ঈশ্বৰো আয়সানি হাদাম যিবায় ৰাং ৰাসান সাইবেনেনবান খ্রীষ্ট বিশ্বাসী মাৰাপদো ফৗইমৗন অৗগ্রৗম ঈশ্বৰো সিবৗইং মানা। উনান গৗমৗন গীর্জ্জা নৗগৌ পেনেম সাইঙি খৗব দৰকাৰ। আৰা মণ্ডলীয়াই তকঙি-তাম্মি বাদ্য-যন্ত্রদো যিপাংকায় মানা পাঙি দৰকাৰ। তকঙি-তাম্মি, বাদ্য-বাজনাদো চায়নি হুৰাং পেনেম তাকা অৰা নৗতৗমতৌঙি তাকা। দুব্বর্ল মনদোবান উ অৗলৗগ অৗজৗগ চায়াই মন বিসিঙা আৰা ঈশ্বৰো প্রশংসা গাসাইনা মন সৗৰমানা। নাত্নে উদো বেবাখন মাত্র পৗমৗৰসা এৰিয়াৱাইসৗন সায়া। নৗং যি যুগৱাই চাপ্লাগ নাকতানা উদোমৗনসৗন অফচা। ই যুগৱো বৈজ্ঞানিকদা ইনফোৰমেশ্বন যুগ ব্রাকা, যি যুগৱাই গ্লবালাইজেশ্বন সাইমৗন সাৰা বাসমাতাৱো পৗমৗৰসা বল গানাসৗন গগ্লোত সায়ৌ। উনান গৗমৗন মাত্র অৗপিনি মণ্ডলী আৰা এৰিয়াসৗন চৗইচৗইমৗন ইউনিয়নবান মৗকৗৰ লাওৱাইমৗন  চৗই নিগা। যি ইউনিয়ননি দ্বাৰাই কনা-গপা, ফাকাৰ-ফুচুক আৰা টাৱান-চহৰদায় পাংতোঙি ঈশ্বৰো দাসমাঞ্চা মাৰাপদো যাতে লামাইমৗন ঈশ্বৰনাই অৗগ্রৗম গাসাইমানা। আৰা কোচা জৗতি যি জৗতিয়ো বাৰহুৱাক, নাগ্লাং, জাম্বা আৰা আংশাং ব্রাকা উ জৗতি যাতে আৰা উ অৗগিনাঙি গানা নেগ্রাম, দলদব, বালাই-সাক্রুং সাইমৗন পাংচা, উনান গৗমৗন ইউনিয়ন বেবাং চৗইবান দৰকাৰ জৗতিয়ো পিৰাং গুদুংনা। বেবাখ জৗতি পিৰাং দুনাংতা নাত্নে কোচা জৗতি তি লাগেতবান আতাং মাৰাপদা বেতেতচা। চাংবান মাৰাপৱো আং কোচা/ৰাভা ব্রাকৗইমৗন পৰিচয় লাওৰৗনবান কোচাৱোন গাৰো ব্রাকৗইমৗনসে আতাং মাৰাপদো শুংশুঙা। উনান গৗমৗন জৗতিয়ো পিৰাং গুদুঙাইমৗন কোচা/ৰাভা ব্রাকৗইমৗন পৰিচয় লাও নাপাৰৗন যি কুনু হাদামাই যিপাংকাই মানা মিচনাৰী লাও বেসেত নিগিনা।

ক) বিগিনা মিচনাৰী বেসেতনা, উতুংমৗন?

আপ্রোকঙি বাদজেট লৌতানিয়ো ইউনিয়নাং যিকুনু প্রকাৰাই লাও বেসেতৗইমৗন ই কৗমো নৗং  তৗৰৗইমানা। ঈশ্বৰা নাঙা তৗক্রৗইসা লেখেন মাঞ্চাৰাওৱা আশীব্বার্দ লাওতানা, উবাইপ্রিং যিয়ো নাং ঈশ্বৰনা গৗতৗইতানা প্রার্থনা গাসাইমৗন, উৱো হেঙান কম সাইচা ৰাওৱা ইউনিয়নাং লাও বেসেত আৰা মানাৰৗন যিপাংকায়সা মানা লৌতানি বাদজেট চৗইবান বৗদৗই লাওৰৗন আৰা বৗদৗই কৗম সাইঙা। বাদজেট লাওংৱাই কম তাকাৰৗন ঈশ্বৰনি কৗম তৗৰৗইঙাইবান কম তাকঙি সাইঙা আৰা বৗদৗই লাওৰৗন বৗদৗই তৗৰৗইঙি সাইঙা। উদাহৰণ স্বৰূপৱাই, নাং মৗকৗৰাই নৗকতোঙি মিজোদো, অনোক লাওংৱাই কুনু দিনাই কম গাসাইচা আৰা মানৰৗন বৗদৗইসে লাওৱা। উনান গৗমৗন অনোক তি কোচাদো নগ্রো-আপ্রোঙি দংচা বেনেনবান, ঈশ্বৰনাই লাহাইমৗন পিৰাং গুদুংমৗন জৗতি পৰিচয় লাওনা কোচা হাসঙাই ফৗইমৗন তৗৰৗং লাওতোং ফৗইয়া ঈশ্বৰো মন শুংমৗন সিবৗইং গৗমৗন। উসৗন দংচা অনোক তি নাঙি ভাৰত হাসং পাতাইমৗন সাত সাগৰ তেৰো নদী পাতৌ। অনোকো তি চাং দাসমাঞ্চা তৱা? সাৰা বাসমাতাইঙি মাৰাপদো অনোকো দাসমানা মিজোৱো চা? অনোক নগ্রোকো পৰিচয় লাৱৌ শিক্ষা-দিক্ষা আৰা মিচনাৰী কৗম মৗন, আৰা ইউনিয়নাই বাদজেটদো পুৰা পুৰা লাওৱাইমৗন বৗতি পাকতোঙি গানা জিসিংতিনৌ। উনান গৗমৗন কোচাদোনি প্রচাৰ কৗমবান কোচাদোনাইসৗন দংচা, ৰং চৗইমৗন, মাহাং চৗইমৗন দংচা, নাত্নে ঈশ্বৰনি হুকুম মানাইমৗন লৗইৰৗন জৗতিয়ো মুং তান্না সানসা সময়। নৗং যিবাই তয়তা, সাইমানা জাহাৰ-জঙ্গল ফুকাই, সাইমানা কুনু ফাকাৰাইঙি সঙাই, উবাইপ্রিঙৗন নৗং আতাং মাৰাপদোনি উন্নতিয়ো দৗকৗম হৰচকৗইমৗন, কাতাওৱাইমৗন চৗই বেসেত। আৰা নৗংবান অনোক গানা পিৰাং দুং মান গৗমৗন চেষ্টা গাসাই। পিৰাং দুঙি গৗমৗন অৗনিংকাই বিষয় শুঙাই লান নিগিনি তৱা: ১) অৗপিনি উন্নতিনি গৗমৗন আৰা ২) জৗতিনি উন্নতিনি গৗমৗন। ই অৗংনিং বিষিন উন্নতিনি গৗমৗন অৗগ্রৗম লৗয়া। অনোক আপাসৗন কুনু দিনাই আগায় মাঞ্চা। বিবা কাৰণাই আপা লৗই নাপাৰৗনবান সাকসাৱা আতাং সাকসাৱো লৱৗইমৗন দৗবৗৰা। কাৰণ অনোক নাচোৰমৗন মৗকৗৰঙৗন গানা বাই বুসা।

 

খ) ঈশ্বৰনি ৰাজ্য দাপ্লাগঙি গৗমৗন খুসীমানমৗন লাও:

          ঈশ্বৰনি বৰদান নাঙা গৗমৗন লাওঙি আৰা লাওচাৱো ইয়ৗন যে, “যদি নাং আপাইসাসৗন ফুতা উগুৰৗন নাং আপাইসাসৗন হান্না; যদি নাং মন লাওমৗন ফুতা উগুৰৗন পেনেমসা তৗক্রৗই হান মাসনা।” ২ কৰি ৯:৬-৭ পৌলা জুখতানা, “নাত্নে আং ইয়োন ব্রাকাং, যি মাৰাপৱা আপৗইসৗন কায়া উম্রা আপৗইসাসৗন হান্না; আৰা যি মাৰাপৱা তৗক্রৗই কায়া উম্রা তৗক্রৗইসা হান্না; বেবাখ মাৰাপৱান অৗপিন আপা হাপাগ শুঙাই যেগেনা শুংশুঙা, উগুনশ দান লাওৱৗন, শুঙাই দুখ লাইমৗন এবা লাও নিগা ব্রাকৗইমৗন তা’লাও; আতাঙা ব্রাকাৰৗন খুসী মানাইমৗন দান লাওঙি মাৰাপৱো ঈশ্বৰা হাসা।” ঈশ্বৰা সাকসা হালুৱানি জীৱনাইপ্রিং নাঙা তৗৰৗঙা। নাং যদি আপাইসাসৗন লাওৱা উগুৰৗন আপাইসাসৗন মাসনা, ঠিক আপাইসৗন কাৰ ফুতানি হালুৱা গানা আপাইসাসৗন নাং ফচল মাসনা। আৰা নাং যদি তৗক্রৗই লাওৱা উগুৰৗন তৗক্রৗইকাই কাৰ ফুততানি হালুৱা গানা তৗক্রৗই ফচল নাং মাসনা। বিপাংকাই দান নাং লাওঙা উৱো ঈশ্বৰনি ইচ্ছা গানা নাং সিদ্বান্ত গাসাই নিগা।  নাং কুনু সাকসা মাৰাপৱো বৗতৗৰ নিগচাএবা দৗবি গাসাই নিগচা, নাত্নে উনি ইচ্ছা মতে হাপাগ শুঙাইপ্রিং লাওঙি সুযোগ লাও নিগা। পিতাৰ আত্মা, যি আত্মাৱা সিদ্বান্ত লান গৗমৗন মাৰাপনি শুং জাগাই লাওৱা, বিপাংকাই লাওঙা উৱো, উনি আজ্ঞা মতে মানাই নিগা। যি সময় মাৰাপৱা (মি আৰা মিচিক) অৗপিনি শুংমন দাওৱা উ সময় উ পিতাৰ আত্মাৱা উনি মনায় ক্রৌ ব্রাকা বিপাংকাই লাও নিগা উৱো সিদ্বান্ত লান গৗমৗন।

          নাং উগুন গানা খুসী মনমৗন আৰা শান্তি মানমৗন লাওৱা কনায়? খুসী মানমৗন লাওং মাৰাপৱো ঈশ্বৰা হাসা। উনান গৗমৗন নাংবান উ সুযোগ লাম নিগা উনা শান্তি মনাই লাওৱাইমৗন শান্তি মান গৗমৗন।

         

গ) নিনি হাপাগ শুংমৗন দান লাও:

          পুৰা মন শুং লাওচা লুক বান্তেৰা (যুদ্ধ গাসাই মাৰাপৱা) কুনু দিনাই যুদ্ধৱাই জিংচা। আত্মানি ৰাজ্যৱাইবান উগুন গানা। নাং বেবাখৗন ব্যৱসায়াই, খেলা-ধুলাই, দেশ-বিদেশ চাৰাওৱাইং, শিক্ষা-দিক্ষাই, আৰা ৰৗশিয়াই (লিঙ্গ) পুৰা মন লাওৱা, নাত্নে নাঙি মাজাৰাই তৗক্রৗই মাৰাপ তৱা আলা-মালাসৗন খ্রীষ্টিয়ান জীৱনন  খুসী মানা। ঈশ্বৰা খীৰা স্বাহইতানা: “ননোক সমস্ত মনমৗন আঙো লামৰৗন আঙো বংঙা।” (যিৰি ২৯:১৩)। ইয়ো খৗন্তৗকৗন দৱা নাঙি বেবাখ খ্রীষ্টিয়ান জীৱনাই, দান লাওঙি, আৰা মাৰাপ হাসানি-পেনেম মান্নি সাই নিগা।

 

ঘ) ঈশ্বৰনি গৌৰৱন গৗমৗন লাও:

          যিবাই ঈশ্বৰনি গৌৰৱ তৱা উবায়ৗন প্রভুৱা উপস্তিত তৱা। উদাহৰণ স্বৰূপৱাই, চৗবৗতনি লেখাই ৩৩ ফানাই, মোশিয়া প্রভুনি গৌৰৱ চৗইনা লামতানা। উ একে পৰিবেশাই ঈশ্বৰা ব্রাকতানা। “উপস্হিতি নিৰিখৗন নৗংমৗন অৗগ্রৗম লৗইঙা।” (চৗবৗত ৩৩:১৪)।

          আং বিশ্বাস গাসায়া যে যিবাই ঈশ্বৰো নাং দান লাওৱাইমৗন “গৌৰৱ” গাসাইয়া উবায়ৗন চৗদুগমৗনৗন উম্রা উনি উপস্হিতি প্রকাশ গাসায়া। আৰা উবায়ৗন উনি মহিমা নাং নৗকা।

a a a

 

মুঠসা মায়ৰং।

 

মুঠসা মায়ৰংঙো ৰাভা ইউনিয়ননি গৗমৗন বিৰাট গসা দৰকাৰী পৰিয়ালনি মিনিষ্ট্রি। ইয়ো গসা ইউনিয়ননি টাকা-পৗশিনি কৗমৗই বিৰাট গদা সহায় লাওৱা। ই মুঠসা মায়ৰংনি সৃষ্টি আৰা দৰকাৰী কৗমদো চৗদৗৰাই লাওতানি গানা:

          যি মুঠসা মায়ৰং মায় লৗম্মি অৗগচাক প্রভুনি গৗমৗন আতাঙাই জৰাই ককদেকৗইমৗন তানা উৱোন মুঠসা “মষ্টিমিয়” মায়ৰং ব্রাকা। ৰুববাৰ দৗকৗন সান দুপুৰাই প্রভুনি নৗগৗৱাই লাহাইমৗন উৱো অপর্ন গাসায়া। উৱো মিচিক আমায়দা গৰীৱ মাৰাপদোনা আপাইসা দাম কমাই ফালাইমৗন মিচিক আমায়দোনি হাঞ্জাৱাই জমা লাওৱা। আৰা মিচিক আমায়দোনি হাঞ্জাৱা উৱো ৰাভা ইউনিয়নাই জমা লাওৱা। ই মুঠসা মায়ৰংঙো তিনিং দিন লাগেত ইউনিয়নাই বিৰাট গসা গদাগৗন কৗম সহায় সাইমৗন পাংতা।

 

১) মুঠসা মায়ৰংনি পৗশিয়ো বিগিন গানা জমা ফৗয়া? :

          অৗগিন দিনাই নাঙি অৗৱৗই-অৗচুদো বায়-চিকা, দেকাল-ফফ্লাকদোনা, আৰা হেচা চৗল্পাক (মৗৰা) জৗৱৗৰদোনা, চিকা সাই মায়সাই, তলাই গসা, এবা লণ্ডক গসা মায়পৰ এবা মুঠসা মায়ৰং শুৰৗইমৗন অনোকো শান্তনা লাওৱা। মায়লৗম দৗকৗন মিচিকদো উ আত্মাদোনা আপাইসা হ্বাৱাই বাকাই লাওৱা “হৗ: স্বাহফৗই” ব্রাকৗইমৗন, নাতেবা ৰুন্তুক তৱাৰৗন উবাই সান লাওৱা তা’ দংচাৰৗন অনোক মায়স্বাহন খিৰা। ই বিশ্বাসন তৗনৗকা দি, অনোকঙি পিৰাই নৗকচা বৗলনাং আত্মা নিৰিখৗন তৱা।

উ দংচাদোন বিশ্বাস লায়মৗন তয়তাৰৗন, নাঙি স্বৗর্গাইঙি আৱা ঈশ্বৰা বেবাং চৗইবা বৗলনাং আৰা উৱৗন সৃষ্টিকর্ত্তা উদ্রৗইংগীৰ দাসমানমৗন, খ্রীষ্টিয়ান সাই জিখৗমাই হেংতোঙি ঈশ্বৰা বেবাখন উম্রা মাৰাপনা লাওতানা, নৗকা-নৗকচা, লেখেন মানা-মাঞ্চা বেবাখন উনি দান, উনা হাসকিছুনান নিগচা উৱোন উনা উতুংমৗন কৗঞ্চৗং শুৰনা! ব্রাকৗইমৗন মুঠসা মায়ৰংমৗন উনা “ধন্যবাদ” শুৰা। মাত্র মুঠসা মায়ৰং উনি মুঙাই শুৰাইমৗন উনি লাওতানি বৰ উমৗন উনা কৗঞ্চৗং শুৰা। মায় লৗম্মি অৗগচাক মুঠসা মায়ৰং নিৰিখৗন আতাঙাই ককদেকৗইমৗন তান্নি মানে ঈশ্বৰা যে নাংমৗন নিৰিখৗন অৗগ্রৗম তৱা উৱো নমুনা তৗনৗকঙি। বেবাখ পৰিয়ালা সাধাৰণতে লাপনিংকায় মায় স্বাহআ আৰা উ লাপনিংকায় মায় লৗম্মাই মাত্র মুঠসা এবা মুঠানিংসৗন দংচা, নাত্নে চৗল্পাকনি লাম গৗহৗইনা নৗগৌৱাইঙি সাকসা পৰিয়াল গানামনাই লাইমৗন বিৰাট ইচ্ছামৗন মুঠসা, মুঠানিং চৗইবান চৗইদাং গানা এবা মনাই কৗঞ্চৗং গানা দান শুৰা। যিগিনা দিনদো পাতনাংতা, যুগবান তালাইনাংতা, মাৰাপদোনি মনাইঙি দান লাওঙিবান আপাইসাৱাই মৗকৗৰ কাকচা, ইগিন গানা মণ্ডলীঙি মাৰাপদোনি দান লাওঙো আস্তে আস্তে বাঢ়াই ফাঔ।  তি বতর্মান যুগৱাই ৰাম্পাত এবা জলংগা ফুংচাৰৗন গীর্জ্জা নৗগৌৱাং পায়নাং পুনুকা। উনান গৗমৗন যুগনি থালে থালে যুগৗমৗন কাব গাসান্না ঈশ্বৰা মাৰাপনি মন শুং তালাই লাওৱা উনি ৰাজ্য দাপ্লাকঙি কৗমাই।

          মিচিক আমায়দা উ মুঠসা মায়ৰংঙো খৗব বৗদৗই দিন তানৰৗন পকন দৗম্মা আৰা মলমল/ফমফম চেচেকঙা (ফকচলব সায়া), উনান গৗমৗন ৰুববাৰ দৗকৗন নৗগৌৱাইঙি যিকুনু সাকসা মাৰাপৱা পায়নাংমৗন দান হৰচকঙি সময় উৱো ঈশ্বৰনা গৗথৗই লাৱৗই লৗয়া। উ গীর্জ্জা গদা জকৗইমৗন মিচিক আমায়দা উ মায়ৰংঙো শয়মৗন গৰীৱ এবা নিগিনি মাৰাপদোনা আপাইসা কম দামায় ফালা। আৰা লান মাৰাপ তংচাৰৗন হৗতাই ফালাইমৗন যিপাংসা পৗশি মাসা উৱো উ মণ্ডলীঙি মিচিক আমায়দোনি হাঞ্জাৱাই তানাইমৗন জিখৗমাই আমায় হাঞ্জাদো দেমতং ইউনিয়নাংঙা লাও বেসেতা।

         

২) মুঠসা মায়ৰং দাননি দিংকিনি (লক্ষ্য):

১। ঈশ্বৰনি ক্রৌ নায়চান হাদামদায় প্রভু যীশুনি ক্রৌ গসকৗইং গৗমৗন।

২। মিচনাৰীদো হাৱসাং গৗমৗন।

৩। জৗতিয়ো গুদুঙি গৗমৗন আৰা মাইতানদো লাম্মি গৗমৗন।

৪। ইউনিয়নাই লাইতানি লক্ষ্যৱো দুফুঙি গৗমৗন।

৫। আ-আতাং।

চাংবান যদি ই মুঠসা মায়ৰং লাওনা কান সাচা উৱো দুসিপৗইমৗন লাওনা দিমচা আৰা জবৰদস্টি দংচা, নাত্নে অৗপিপন আপানি ঈশ্বৰমৗন বিপাংকায় পেনেম মানা উনি পিৰাইসে। নাত্নে গসা দাসমান নিগিনি ক্রৌ ইয়ৗন দি, নিনি দান আপাইসা সাই এবা তৗক্রৗইসা সাই, দেমতং এবা আতাংতিয়া সাই গদাগৗন দৰকাৰী কৗম বা মিনিষ্ট্রি সাইমৗন পাংতা। নৗং যদি দান লাও দাবানা উগুৰৗন পিৰাই লাওতানি তৗক্রৗই দৰকাৰী প্রজেক্টদো আপৗন বন্ধ সাইমৗন লৗইঙা।

অসমীয়া ফকৰা যোজনাৱাই তৗনৗকা, “ৰাইজে নক জখাৰিলে নৈ বায়।” ৰৗজিয়া, নৗনি অৗনি চেস্কৰ জি  গানাসৗন ৰুবুংৰৗনৗন তৗক্রৗই সায়া। উগুৰৗন মাঞ্চাৱো হেঙান পাংচানা ই বাসমাতাই মাৰাপ মাজাৰাই।

 

    মুঠসা মায়ৰং ৰুবুঙি কয়একটা দৰকাৰী মন্তব্য (কমেন্ট):

• মুঠসা মায়ৰং ৰুবুং গৗমৗন মিচিক আমায়দোনি কান পিৰাই দায়ত্ব। নাত্নে যিপাংসা পৗশি মানা ফালাইমৗন উৱো ডাইৰেক্ট ইউনিয়নাং বেসেত মানৰৗন নেমা। যিপাংসা মায়ৰং আৰা পৗশি মান্তানা উৱো আমায় দল দনায় পেনেমসা হিচাৱনি খাটা তান মানৰৗন পেনেম সায়া। আমায়দোনি মুঠসা মায়ৰংনি পৗশি মণ্ডলীঙি আমায় দল এবা মণ্ডলীঙি আৱা দলবান এক টাকাবান খৰচ গাসাই মাঞ্চানা।
• নাৰেট গসাই যিপাংসা পৗশি ৰুবুং মানা মায়ৰং ফালাইমৗন উৱো মণ্ডলীঙি চাসাংগীৰনা লাওৱাইমৗন নাৰেট দৗকৗন ইউনিয়ন হেড অফিচাং গসকৗইং মানৰৗন নেমা।
• মিচিক আমায়দো মুঠসা মায়ৰং ৰুবুং জৗগৗ কৗমৗই সাই বা টিন বা কাদা সাই পেনেমসা বাইবেল পদ জুকতানি ষ্টিকাৰ দাকাপ মানৰৗন নেমা। (১বংশদো ২৯:১৪ নাতেবা ২কৰি ৯:৭ তাৰ।)
• সাৰা ৰাভা ইউনিয়ন আমায় দলদোনাই  uniform record  খাটা তান মানৰৗন নেমা। আয় মান্তানি আৰা জমা লাওতানি হিচাৱদো ৰেকর্ড তান্নাং গৗমৗন।
• মিচিক আমায়দো মাত্র মুঠসা মায়ৰং দান লাওঙিসৗন দংচা, আতাং জ-জৰাই আয় মান্তানাইপ্রিংবান প্রভুনি ৰাজ্যনি গৗমৗন ডাইৰেক্ট ইউনিয়ন হেড অফিচাং লাও বেসেত মানা। মণ্ডলীয়াই মিচিক আমায়দো, আমায় হাঞ্জানি গৗমৗন যি কুনু আয়নি কৗম তৗৰৗই মানা। বেগাৰ, কামলা, আতাং কন্ট্রেক্ট কৗমদোবান হাঞ্জানি পেনেম কৗমান গৗমৗন তৗৰৗই মানা।

a a a

Bible Study

খুসী মানাইমৗন দান লাওঙি মাৰাপৱো ঈশ্বৰা হাসা।

 

“অৗ: ভৗই জিনৌপাৰ, মাকিদনিয়া হাসঙাইঙি মণ্ডলীদোনা ঈশ্বৰ লাওতানি দয়ানি বিষিনাই আং দুনতাং--- নাত্নে ননোক বিশ্বাসাই, ক্রৌৱাই, গেয়ানাই, বেবাখ যতন আৰা নিঙি গৗমৗন ননোকঙি হাসানি, ই বেবাখঙাই যিগিনা জৗব্লৗপতা, উগুন গানা উ দয়াৱাই জৗব্লৗপৗইমৗন পাং গৗমৗন চেষ্টা গাসাই।” (২কৰি ৮:১,৭)।

১। হাসানি:

সাধু পৌলা কৰিন্হীয় মণ্ডলীঙি  ভৗই জিনৌদোনা “হাসানিমৗন দান লাওঙি গৗমৗন দেপ্রেং লাওতানা। উম্রা ব্রাকতানা “উ দয়াৱাই জৗব্লৗপৗইমৗন পাং গৗমৗন চেষ্টা গাসাই।“ (২ কৰি ৮:৭)। ফৗই নাং আপাইসা চৗইঙা খৗন্তৗকৱাই বিগিন গানা দান লাও মানা: বেবাখ চৗইবান অৗগচাক দাসমান নিগিনি ক্রৌৱো ইয়ৗন দি, “খ্রীষ্টিয়ান জীৱন দান লাওঙি জীৱন।” পৌলা ইবাই উতুং ব্রাক নাপতা উৱো দাসমান গৗমৗন “হাসানি” অর্থ দাসমানি দৰকাৰ।

          হাসানিয়ো তৗক্রৗই জৰাই জৰাই ৰকমাই অনুবাদ গাসাই মানা, নাত্নে ই লেখাৱাই নাং মাত্র অৗংনিংসৗন ৰকম সাওৰাইমৗন চৗইঙা; বেবাখ চৗইবান অৗগচাক:

 ১) হাসানি ব্রাকাৰৗন যিয়ো আকষর্ন গাসায়া। নাং জেলা ব্রাকা সাকসা মাৰাপৱো “হাসানতৌ বুসুন” উবাই তৱা চৗইতৌবুসুন, লাতৌবুসুন আৰা নৗসিতৌবুসুন। হাসানতৌবুসুন সাইং গৗমৗন নাঙি বেবাখ চৗদুগ ‘নম্তম’ সাই নিগিনা, ‘ভদ্রতা’ আৰা মাৰাপনি মন জয় গাসাই মান্নি সাই নিগা। পৌলা কৰিন্হীয়  মণ্ডলীঙি ভৗই জিনৌদোনা আয়সানতানা দয়াৱাই জৗব্লৗপৗইমৗন পাং গৗমৗন চেষ্টা গাসাই, পৌলনি মতে, হাসানি সায়ৌ মাৰাপনি হাপাগ শুংনি ৰূপ যিয়ো ঈশ্বৰনি মৗকৗৰাই চৗইতৌবুসুন জীৱন সাইঙা। প্রায় বেবাখ জগতৱাইঙি মাৰাপদো যিকুনু মাৰাপনি মাহাং চৗইয়া, আপ্রোকঙি সাই এবা মাৰাপদোনি সাই, নেমা নেমচা মাহাংসে অৗগচাক তাল লাওৱা। মাহাং নেমচা, আপাইসা চৗইতৌচা সাইৰৗন উৱো নাং মাৰাপদো ফাগ্রেং ব্রাকা, তাৰমানে উম্রা হাসান মাসচা।

          নাং যখন অৗপিন আপাৱো অঙ্গ কুট বঙা, কুনু সময় নাং অৗপিন আপাৱোন বিৰাট পুনুকা আৰা চৗইতৌবুসুন মাগাপবুসুন সাইং গৗমৗন ইচ্ছা গাসায়া। ঈশ্বৰ যিগিনাবান সাই কুনু দিনাই বৗৰাইঙি ৰূপ চৗইচা, নৗং পেনেক না বলাং, ফাগ্রেং না মুগ্রেং, মৗকৗৰ পাইব্লোত না তেৰজাং, চাকাম চাব্লেত না মুব্লেত, নুকুং পেলতাক না চ’চ্রোং, হুচিং কেন্ত্রাক না ক্ব্লেত ইদো উম্রা কুনু দিনাই চৗইচা, নাত্নে পুমাইঙি মন শুংসে উম্রা চৗইয়া। হৗতৗইঙি কসমেটিকদো সেতৗইমৗন নাং আপ্রোকো আপাইসা চিৰুক চৗইতৌবুসুন তাকমানা, নাত্নে ঈশ্বৰা ব্রাকা উদোনি চৗইবান পুমাইঙি হাপাগসে বৗদৗই দৰকাৰ পেনেম সাইং গৗমৗন। নাঙি চেহেৰা মাত্র আপাইসা দিন গৗমৗনসৗন চৗইতৌঙি সায়া নাত্নে আত্মা যদি চৗইতৌঙি আৰা হাসানি সাইয়া উগুৰৗন উৱো বুসুঞ্চা দিন লাগেত মঙা।

          ২) “হাসানি” নি অর্থ সায়ৌ, যিকুনু মাৰাপনা হাসাইমৗন অনুদান লাওৱৗইমৗন স্বৗর্গাই অৗপিন গৗমৗন ধন ৰুবুঙি। ই অনুদানো আতাং মাৰাপনা হাসাইমৗন ইতিনৗন লাওঙি, কুনু গসা জিনিষ মাসান আশাই দংচা নাত্নে আতাং মাৰাপনি নিগিতোঙো খুসীমনাই লাওৱাইমৗন সহায় গাসাইঙি। ইয়ৗন সায়ৌ দুখ মানতোঙি মাৰাপদোনা চৗশি লাওৱাইমৗন অমায় গৗবৗকঙি। কোচা মণ্ডলী মাজাৰাই ই চৗদুগৱো পাং নিগা। নাঙি সমাজাই গৰীৱ হৌৰিয়াদো তৗক্রৗই মাৰাপদো মৗকৗৰ দাৱাইমৗন চৗইচা, আতাং মাৰাপদোনি দু:খ কষ্টদো অনোকঙি মুকতুং (ভাগ্য) ব্রাকৗইমৗন শুংশুঙা। নাত্নে কোচা খ্রীষ্টিয়ানদো হাসানিমৗন, যত্নমৗন আৰা দান-অনুদানদো লাওৱাইমৗন উদাহৰণ তৗনৗক নিগা ঈশ্বৰনি হাসানি অনোকঙাই নিৰিখৗন তৱা উৱো। নাঙি ভাৰত দেশাই তৗক্রৗই প্রচাৰকদো তৱা নাত্নে তাপ্রাক চৗইবান বৗদৗই মাৰাপদো প্রভু যীশু খ্রীষ্টনি পেনেম ক্রৌ কুনু মাৰাপনি হুচিঙাইপ্রিং নায়চান।

          ইনি হাসানি ভৗই জিনৌপাৰ, প্রভু যীশুৱা দিমৗইতা লৗই প্রচাৰ গাসাইলৗই, বুসুন দিনাই যাতে অনোক নিং নায়চান ব্রাকমাঞ্চা। অৗগচাক কোচানি মাজাৰাই ঈশ্বৰনি ৰাজ্য তৗয়াৰ গাসাই আৰা জিখৗমাই আতাং জৗতিনি মাজাৰাই যিপাংকাই মানা। নাত্নে কোচা খ্রীষ্টিয়ানদোনি মাজাৰাই যিপাং লাগেত দশ মাংশ আৰা দান-অনুদানদো প্রচুৰ বাবে গৗথৗইচা, উপাং লাগেত প্রচাৰ গাসাই নিগিনি বৗকী কৗমদো প্রৗতচানা। তি লাগেতবান নিঙি তৗক্রৗই মাৰাপদো আতাং ধনী খ্রীষ্টিয়ান দেশদাইপ্রিংসে মাসান চৗইয়া, বিবাই আপ্রোং দেশাইঙি কষ্ট মানতোঙি ভৗই জিনৌপাৰো যত্ন গাসাইঙা আপ্রোকোন চাং চৗইয়া! ঈশ্বৰ কোচা খ্রীষ্টিয়ান মণ্ডলী বেবাখন কালাঙাইতা “হাসানি মৗন দান” আগবাঢ়াইং গৗমৗন, যিগিনা সাধু পৌলা কৰিন্হীয় মণ্ডলীদো কালাংতানা যিপাংমানা “হাসানি” দান আগবাঢ়াইং গৗমৗন।

                           a a a

 

দান লাওৰৗন শুঙাই খুসী মানা।

 

“দুখ মান নিগিনি গদাগৗক থাকনি মাজাৰাইবান অনোকঙি খুসী বৗদৗই সায়ৌ, আৰা অনোকঙি খৗব গৰীৱৱোন দান লাওঙি ধনাই জৗব্লৗপৌ।” (২কৰি ৮:২)।

          গৰীৱ মাৰাপদো সময় সময় শুংশুঙা যে অনোক কুনু লাও মাঞ্চানা! অনোক মনে গাসাইয়া নিং বিৰাট গৰীৱ, হেঙান উদৗইচা, আতাং মাৰাপদো সহায় গাসাই লাও ফৗয়ৗন ব্রাকৗইমৗন চৗশি অৗংনিং পাইমৗন লামা।

          নাত্নে ফৗই নাং পিদান নিয়মাইঙি বিৰাট গৰীৱ মণ্ডলীয়ো আপাইসা চৗইঙা: মাকিদনিয়া হাসঙাইঙি খ্রীষ্টিয়ানদোনি গল্প পৌলা কুলৗইমৗন দুনতানা, নৗং না’ৰৗন আ চৰিত মান্না: পৌলো সহায় গাসাইতানি দানশিল মণ্ডলী সায়ৌ পিদান নিয়মাইঙি বিৰাট গৰীৱ মণ্ডলী মাকিদনিয়া। মাকিদনিয়া মণ্ডলীঙি মাৰাপদো ঈশ্বৰনা লাওং কাপতানো আতামকায় কাৰণ তৱা ব্রাকৗইমৗন পৌলা ব্রাকতানা: ১) কষ্ট (তাড়না নি সময়), ২) আকাল (গদাগৗক থাকনি মাজাৰাই), ৩) খুসী (খুসীয়াই জৗব্লৗপতোঙাই)। আচৰিত মান নিগিনি ক্রৌৱো ইয়ৗন দি, কষ্ট, আকাল, আৰা খুসী ই আতাম অৗগ্রৗম মিলৗইমৗন গসা উদাহৰণ মণ্ডলী সাইমৗন অনোক চাপতানা।

 

১) কষ্ট (তাড়না নি সময়):

ই মণ্ডলীয়া বিৰাট গসা তাড়নাৱাই কষ্ট মানতানা, ইয়ো সাধু পৌলা নাঙা দুনা। নাং হলে দাসমাঞ্চা অনোক উতুং কষ্ট মানতানা। নাং হলে কুনু খবৰন তংচা ই মণ্ডলীয়া কষ্ট মানতানা ব্রাকৗইমৗন। আপাইসা দাসমান গানাৰৗন, উ দিনাইঙি উ খ্রীষ্ট বিশ্বাসী খ্রীষ্টিয়ানদো বিৰাট গদা তাড়না কৗমৗনতানা হাসঙাই ৰৗজি ৰাজাদোনি চাকায়। উনান গৗমৗন প্রভু যীশুৱা প্রকাশ গাসাইতানা যে  অনোক শৗস্তি মাসতানা অনোকঙি বিশ্বাসন গৗমৗন। নাত্নে অনোক খ্রীষ্ট যীশুৱো হেঙান বাকাইচান, আৰা অনোকঙি শুং-মন আপাইসা বেনেনবান ললাকৗইচান। অনোকঙি উ ধৗৰ ধৗৰ বিশ্বাসন গৗমৗন অনোক প্রভুনাই জয় সাইতানা।

২) আকাল (গদাগৗক থাকনি মাজাৰাই):

অনোক প্রভুনাই জয় সাইঙি আতাং গসা কাৰণ সায়ৌ অনোক গৰীৱ, হৌৰিয়া ঈশ্বৰনি পিৰাই নির্ভৰ গাসাইমৗন পাঙা। তৱা তংচা মাজাৰাই অনোক ঈশ্বৰো অনোকঙি পৰিয়াল বানাইমৗন লায়তানা গৗমৗন অনোক দান লাওঙি হেঙান দাবানৗইচান। স্বাহন তংচা আৰা আকালনি মাজাৰাই অনোক সাধু পৌলো চলাইতানা, সহায় গাসাইতানা অনোকঙি দশ মাংশ আৰা দানদোমৗন।

          ই নাং যুগৱাই, নাঙি দেশাই, নাং মাৰাপদো আং গৰীৱ, আং হৌৰিয়া ব্রাকৗইমৗন দান আগবাঢ়াইচা। অনোক শুংশুঙা কুনু আতাং ধনী খ্রীষ্টিয়ানদো অনোকো সহায় গাসাইফৗয়ৗন ব্রাকৗইমৗন। উনান গৗমৗন অনোকঙি খ্রীষ্টিয়ান জীৱন মুচি তংচা গানা ৰান্তাপ ৰানাইমৗন লৗইনাংতা আতাংধনী দেশাইঙি টাকা পৗশিদো সামৗং সামৗং। অনোকঙি জীৱন খুসী মানা মাত্র জেলা অনোক আতাং মাৰাপদোনাইপ্রিং সহায় মাসা। সহায় মাসানি পিৰাই অনোক আপ্রোকঙি ডিগ্রী অনুপাত গাসাইমৗন চৗইয়া, আপৗইসাসৗন মাসাৰৗন গৰীৱ আৰা কিসা বৗদৗই তৗক্রৗই মাসাৰৗন ধনী সায়ৌ ব্রাকৗইমৗন অনোক আপ্রোকো লেখেয়া। মাসানি চৗইবান আতাং মাৰাপদোনা বিপাংকায় লাওমানা উৱো অনুমান গাসাইমৗন কুনু দিনাই অনোক চৗইচা।

          নাত্নে মাকিদনিয়া মণ্ডলীঙি ভৗই জিনৌপাৰ অনোক আকালো জৰাই ৰকমতিয়া ব্যৱহাৰ গাসাইতানা: অনোক যদি লাওনিগা উগুৰৗন অনোক নৗঙো আঙো হেঙান চৗইচা, অনোক মাত্র ঈশ্বৰনাইসৗন চৗইয়া, যিবাইপ্রিং বেবাখ আশীব্বার্দদো ফৗইয়া। অনোক যিগিনা মাৰাপনাই  চৗইচৗইমৗন ঈশ্বৰনাইসৗন চৗইতানা, দান লাওমান গৗমৗন অনোক পিতানা, ঠিক অনোকঙি লামতোঙি গানা আচৰিতৰূপে ঈশ্বৰা অনোকো বৰ লাওতানা। আকালনি সময় স্বাহনি কাকঙি তংচা আৰা ঈশ্বৰনা দান লাওঙি গৗমৗনবান কিছুনান তংচৌ নাত্নে খ্রীষ্ট যীশুৱা অনোকমৗন অৗগ্রৗম তয়মৗন অনোকো সহায় গাসাইতানা দান লাওং গৗমৗন আৰা সাধু পৌলোবান সহায় গাসাইং গৗমৗন ঈশ্বৰা খুসী মানতানা।

 

৩) খুসী (খুসীয়াই জৗব্লৗপতোঙাই):

অনোক প্রভুনাই জয় সাইঙি আৰা আতাং গসা কাৰণ সায়ৌ অনোক নিৰিখৗন “খুসী” মৗন তয়তানা। সাধু পৌলা ইয়োন “খুসীমৗন জৗব্লৗপতা” ব্রাকৗইমৗন ব্রাকতানা। কষ্ট আৰা আকালনি মাজাৰতিয়া অনোক খুসী মানতানা যীশু খ্রীষ্টনি অমায়। অনোক উনাই খুসীমানতানা, আতাংনা ব্রাকাৰৗন কষ্টনি সময় অনোক উনায় নির্ভৰ গাসাইমৗন শান্তি মানতানা আৰা আকালনি সময়বান উম্রা অনোকনা স্বাহনি লাওতানা। অনোকঙি নিগিনি সময়াই খ্রীষ্ট যীশুৱা অনোকনা প্রচুৰ পৰিমানায় বেবাখন দান গাসাইতানা। অনোকঙি অভাৱ অনোকো হাইমৗন তান মানাইচান। উনান গৗমৗন অনোক (মাকিদনিয়া মণ্ডলীঙি মাৰাপদো) প্রভুনি ক্রৌ প্রচাৰ গাসাইচা হেঙান তংমাঞ্চা। আৰা উ চৗদুগৱান গৗমৗন অনোক কষ্ট (তাড়না নি সময়), আকাল, গদাগৗক থাকনি মাজাৰাই, খুসীয়াই জৗব্লৗপৰাৱা ঈশ্বৰনি আশীব্বার্দ মানতানা। ই বেবাখন ঈশ্বৰমৗন অৗগ্রৗম তয়মৗন সাৰচা জগতৱো অনোক জয় গাসাইতানা।

                          a a a

 

নিনি ধনমৗন ঈশ্বৰো প্রশংসা গাসাই।

 

“আতাঙা ব্রাকাৰৗন আং সৗক্ষী লাওতা যে, অনোক মান্নি হিসাৱাই আৰা মান্নি চৗইবা বৗদৗই অৗপিনি ইচ্ছা গানা দান লাওতানা।” (২কৰি ৮:৩) ।

টাকা-পৗশি ব্যৱহাৰ গাসাইঙি গসা নিয়ম তৱা আৰা উৱো দাসমান নিগিনি বিৰাট দৰকাৰ তৱা। উৱো সায়ৌ, “নৗং কামাইতানি চৗইবান বৗদৗই কুনু দিনাই খৰচ গাসাই নিগচা।” তৗক্রৗই মাৰাপদো জাল্লা মানা অনোকঙি জীৱনাই আতাংনা ব্রাকাৰৗন অনোক টাকা-পৗশি ধৗৰ লায়মৗন নানাৰকম দৰকাৰ নিগচা জিনিষদো পৗৰৗইয়া আৰা উম্প্রিং লায়তানি পৗশি ধৗৰো দাৱাল মাঞ্চা সায়া। তৗক্রৗই মাৰাপদো কষ্ট মানা আৰা দু:খ সায়া যি সময় লায়তানি টাকা-পৗশি ধৗৰদো দাৱাল নিগিনি সায়া। কুনু সময় জি লৌমানা আৰা উশুং নাম্পাৰ জেম্প গানা সায়া। বিশ্বাসী খ্রীষ্টিয়ান হিচাৱাই নিৰিখৗন সাৱধান সাইমৗন পাং নিগা আৰা আপা কামায়তানি চৗইবান বৗদৗই খৰচ গাসাই নিগচা। ক্রৌলামাই তৱা “সকোক চৗইমৗন বুচিল বানায়।”

          জগতৱই হেং গৗমৗন গসা নিয়ম তৱা: ঈশ্বৰা নাং মাৰাপনা চিন্তা গাসাইঙি গেয়ান লাওতানা, যি গেয়ানমৗন পেনেম সাৰচা বাসাইমানা আৰা উ গেয়ানমৗন নাং সিদ্ধান্ত গাসাইমানা নৗং উতুং তাকঙা আৰা আং উতুং তাকঙা! যিহেতু নাং জগাইতানিয়ো এবা কামায়তানিয়ো আপাইসৗন এবা তৗক্রৗই  সাই উ মতে নাং খৰচ গাসাই নিগা। উনান গৗমৗন বেবাখ মাৰাপৱা বিৰাট সাৱধান সাইনিগা খৰচ গাসাইঙি গৗমৗন। উনান গৗমৗন নাং প্রতিজ্ঞা/খীৰস্বাহন গৗমৗনবান সাৱধান সাই নিগা অৗপিনি আয় চৗইমৗন যিকুনু সময়ৗন। খৗব মামাৰ হতাৎবান প্রতিজ্ঞা তাগাসাই যিকুনু সময় আৰা যিকুনু মাৰাপনা অৗগচাক চিন্তা গাসাই উম্প্রিংসে উত্তৰ লাও যাতে দাতচা সাইৰৗন ঈশ্বৰো বদনাম লাওচা। হিচাৱ তংচা খৰচ গাসাঙো সাকসা মুর্খনি কৗমসে, আৰা ৰাসান সাকাইমৗন খৰচ গাসাঙো পাপ। উনান গৗমৗন যিপাংকাই খৰচ ঈশ্বৰনি ইচ্ছানি বৗৰাই উ বেবাখন পাপ।

          যিগিনাবান সাই, নাঙি জিঙি গানা খৰচ গাসাঙো খৗব কাৰাপবান দংচা, আৰা যিপাংকাই জিঙা ঈশ্বৰনা দান লাওংবান উম্রা হেচা মাঞ্চা। ই বিষিনাই সাধু পৌলা মাকিদনিয়া মণ্ডলীঙি ভৗই জিনৌদোনা উতুং তৗৰৗং লাওতানা দান লাওং গৗমৗন, ফৗই নাং উৱো আপাইসা চৗইঙা:

          উ মণ্ডলীঙি মাৰাপদো অনোক জিঙি চৗইবান বৗদৗই দান লাওতানা। অনোক লাওমান্নি সম্ভৱ চৗইবান বৗদৗই দান গাসাইতানা। অনোকঙি দান লাওতানিয়ো সাৰা খ্রীষ্টিয়ান ইতিহাসাই আচৰিত ঈশ্বৰনি কৗম পৰিচয় লাওতানা, “নিঙি নিগিনিয়ো ঈশ্বৰৗন জগাইঙা ব্রাকৗইমৗন।” ইবাই নাং দাসমানৌ যে, অনোক পিতাৰ আত্মামৗন ফুঙাইমৗন যি কৗমদো তৗৰৗইতানা উ বেবাখন ঈশ্বৰা আপৗন আচৰিতৰূপে তৗৰৗইতানা। যিগিনা ঈশ্বৰা মাকিদনিয়া মণ্ডলীঙি মাৰাপদোনা জিনিঙি চৗইবান বৗদৗই দান লাও মানতানা, উগুন গানা কোচানি মাজাৰাইবান দান লাওমানা, আং আশা গাসাইয়া, নাত্নে মাত্র উনাই (ঈশ্বৰনাই) পি’ৰৗনসৗন সাইঙা। ঈশ্বৰা বেবাখ চৗইবান বৗলনাং, উম্রা বেবাখন তৗৰৗইমানা।

a a a

 

ঈশ্বৰনা বিগিনা দান লাও নিগা?

         

“বৗদৗই সেওহেপৗইমৗন উ দয়ানি বিষিনাই, আৰা পিতাৰ মাৰাপদোনি হামসা লাওঙি কৗমাই সমান ভৗগৗ লানি বিষিনাই নিং নাঙাই আয়সানি সাইতানা।” (২কৰি ৮:৪) ।

দান লাওঙো সাধাৰণতে অৗংনিংকায় ৰকমাই ফান মানা, যিয়ো লাও নিগা ব্রাকৗইমৗন হুকুম তৱা উৱো গং বা তা’গং লাৱোন নিগা, ইয়ো বাধ্যতা। ভাৰতৱাই হিন্দু মাজাৰাই বিয়ৌ সাইৰৗন মিচিকস্বানি পৰিয়ালাইপ্রিং যৌতুক দৗবি গাসাইতানো যিকুনু প্রকাৰাই লাওৱোন নিগা মিস্বানি পৰিয়ালনা (মিস্বানি পৰিয়ালনা লাও নিগিনি দান)। ইয়ো হাসানি দান দংচা; ই দানো মিচিকস্বানি পৰিয়ালা ৯০% হাসানিমৗন লাওচা আৰা লাওংৱাইবান খুসী মাঞ্চা। ই দানো লাওৱোন নিগা কাৰণ সমাজা ইয়ো দৗবি গাসাইয়া। ইবাই গঙা গংচা কুনু প্রশ্ন তংচা, আতাংনা ব্রাকাৰৗন সমাজনি বিধিৱাইপ্রিং সাকসাবান জকচা, কাৰণ মাৰাপৱা সমাজ জীবি।

১। অৗদৗক খ্রীষ্টিয়ানদো ঈশ্বৰনা দান লাওৱোন নিগা ইয়ো বাধ্য ব্রাকৗইমৗন শুঙাই লাইমৗন দান লাওৱা। উনান গৗমৗন অনোকঙি শুঙাই আপাইসৗন শান্তি মানা। অনোক শুংশুঙা লাওচাৰৗন চলাইচা ইয়ো সমাজাইঙি নিয়ম ব্রাকৗইমৗন মনাই গাসাইয়া। যিগিনা নৗগৌ, হ্বা, সাইকেল, আৰা মটৰ খাজনা লাওৱা, গীর্জ্জাইবান উগুনান লাওং নিগা গানা মানাইমৗন শুং শাল্লাই মন শাল্লাই লাওচা। ক্লাৱাই লাও নিগিনি চাণ্ডা গানা মনাই গাসাইমৗন ৰংতেংতেং মন মৗন গীর্জ্জাই দান লাওৱা তৗক্রৗই মাৰাপৱা।

২। আতাং গসাৱো সায়ৌ, হাসানিমৗন লাওঙি। ইয়ো লাও নিগা ব্রাকৗইমৗন লাও নিগিনি দংচা, নাত্নে আতাং মাৰাপনা লাওৱাইমৗন খুসী মান্নি আৰা আতাং মাৰাপৱো খুসী গাসাইঙি, হাসানি প্রকাশ গাসাইঙি। মার্থানি আয়া মৰিয়মজু খ্রীষ্টনা উগুন গানা দান গাসাইতানা। খ্রীষ্টৱা চি’নি ক্রোব দিন (৬ দিন) অৗগচাক, যিৰূশালেমনি বৗৰাই বৈথনিয়া নগৰাই মৰিয়ম, মার্থা, আৰা লাজাৰ ৰংঙি নৗগৗৱাং লৗইতানা। যীশুনি লৗগৗ লাজাৰ আৰা উনি পৰিয়াল অনোক যীশুনি গৗমৗন গসা বিশেষ পার্টি বানাইতানা আৰা উ সঙাইঙি তৗক্রৗই জুখুদোবান অনোক উবাই কালাংতানা। উ পার্টি মাজাৰাই, মৰিয়মজু যিবাই যীশু আৰা উনি শিষ্যদো আম্বাকতা, উ ৰুমাং দাংনাংমৗন তৗক্রৗই দামাইঙি তেল বৗতৗম বুটু দাৱাইমৗন যীশুনি চাপ্লাগৱাই সেতলাৱৌ, উম্প্রিং অৗপিন হৗৱৗৰমৗন সকোক গানা বানাইমৗন মৗৰৗত লাৱৌ। উ মৰিয়মনি বৗতৗমমি তেল যীশুনি গৗমৗন দান লাওতানো অনুমান গাসাইতানা সাকসা মাৰাপনি বৗসৗৰ গসাইঙি দিন হাজিৰা চৗইবান বৗদৗইঙা। বত্তর্মান যুগৱাই উনি মূল্য টাকা ৭০ x ৩০ দিন =২১০০ x ১২ নাৰেট =২৫,২০০/- টাকা।

মৰিয়মা ইয়ো নিয়মাই লাও নিগা ব্রাকৗইমৗন লাওৱাইচান, নাত্নে উনি মনায়ঙি খুসীমৗন উম্রাজুং দান আগবাঢ়াইতানা। উম্রাজু উপাংকায় দামাইঙি বৗতৗমমি তেল ইতৗনৗন লাৱৌ। উম্রাজু ইয়ো লাওতানা আতাংনা ব্রাকাৰৗন উম্রাজু খ্রীষ্টৱো অৗপিনি  হাপাগশুংমৗন পেনেম মানতানা আৰা উনি লাহাইতানি মুক্তিনি গৗমৗন উম্রাজু বিৰাট কৃতজ্ঞ। মৰিয়মজুনি মনাই কুনু কষ্ট মানাইচান উৱো সাকসাবান অনুৰোধ গাসাইচান নাত্নে উনি মন শুঙাইপ্রিং আগ্রহ সাইমৗন দান লাওনা আগাইতানা। (ই গল্পৱো পঢ়াই যোহন ১২:১-১১)।

খ্রীষ্টান দান লাওঙিয়ো ইগিন গানা সাইনিগা। লাও নিগিনি বাধ্য সাইমৗন দংচা নাত্নে হাসানিমৗন ইতিনৗন দান লাও নিগা আৰা লাওৱাইমৗন আপা খুসীমান্নি সাই নিগা। চানিবান মনাই দান লাওং গৗমৗন ৰাক মানা যি মাৰাপদো ঈশ্বৰনি লাওতানি বেববাখ বৰ আৰা দানদো পেনেমসা বুজৗইমাঞ্চা অনোকঙি মনাই লাওৰৗনবান শান্তি মাঞ্চা নাত্নে উতুংবান লছ সায়ৌ গানাসে অনুভৱ সায়া।

নাঙি শাস্ত্র মায়চাম নিয়মাইবান ইস্রায়েলদোনি মাজাৰাই তৗক্রৗই মাৰাপদো খৗন্তৗক ঈশ্বৰো দাসমান বেনেনবান বাৰে বাৰে দাবানাইমৗন শয়তান ৰাজা বালনাসে মন-শুংমৗন, পাইনাং মাঞ্চা ৰাওৱা জিনিসদো লালাংমৗন উনা দান লাওতানিয়া। খৗন্তৗক ঈশ্বৰো অনোক অৗপিন মৗকৗৰমৗন নৗকচান গৗমৗন উনা আপাইসাসৗন দান লাওক্রাংতানা। উনান গৗমৗন ঈশ্বৰা ব্রাকতানা যে, উম্রা “ৰংতেং মনমৗন” আৰা “খুসী তংচা মনমৗন” দান লাওঙো কুনু দিনাই গ্রহন গাসাইচা। মোশিনা ব্রাকতানা, “নৗং ইস্রায়েল স্বাজংদোনা ইনি গৗমৗন উপহাৰ (দান) লাহান গৗমৗন দিম; যি মাৰাপদো মনাইঙি ইচ্ছামৗন দান লাওঙা, অনোক বেবাখ মাৰাপনায়প্রিং ননোক ইনি গৗমৗন উ উপহাৰ গ্রহন গাসাই।” (যাত্রা ২৫:২)। মোশিয়া ইস্রায়েলদোনি মাজাৰাই প্রচাৰ গাসায়ৌ খৗন্তৗক সৃষ্টিকর্ত্তা ঈশ্বৰনা মনাইপ্রিং উপহাৰ লাহান গৗমৗন, ঈশ্বৰনি আয়সান নৗগৌ বানাইং গৗমৗন আয়সাঔ। উনি জিখৗমাই অনোকঙি দানদো তান জৗগৗ জাৰচাৰাওৱা ৰুবুংমানতানা। উনান গৗমৗন মোশিয়া দৗৱৌ আৰা তালাহাজা ব্রাকৗইমৗন ব্রাকতানা। ই আচৰিত দান-উপহাৰদো নাং নৗকা যাত্রা ৩৫ আৰা ৩৬ ফানাই।

          পিদান নিয়মাই মাকিদনিয়া মণ্ডলীঙি ভৗই জিনৌদো খুসীমনমৗন লাহাইতানি উপহাৰ দানদো আচৰিত। অনোক পিতাৰ আত্মামৗন ফুঙাইমৗন অনোকঙি বেবাখ সম্পত্তিদো প্রভু যীশুনি মুঙাই গৗথৗইতানা হাসানি শুংমন মৗন। অনোকঙি হাপাগ শুঙাই হাসানি তৱা গৗমৗন অনোকঙি দান লাও নিগিনিয়াই দু:খ তংচা নাত্নে অনোক লাওৱাইমৗন বৗদৗইসে খুসী মানতানা।

     a a a

 

নাঙি দানো চানা লাও নিগা।

 

“ইবাই অনোক যে নিঙি আশা গানা কৗম তৗৰৗয়ৌ, খৗলি উসৗন দংচা, উন চৗইবা ঈশ্বৰনি ইচ্ছা গানা পৰথমাই প্রভুনা আৰা নিঙি গৗমৗন দান লাওৱৌ। ” (২কৰ ৮:৫) ।

মাকিদনিয়া মণ্ডলীঙি মাৰাপদো মাত্র টাকা পৗশিসৗন প্রভুনা দান লাওৱাইংচান, নাত্নে পৰথম অনোক প্রভুনা অৗপিন আপাৱো বেবাখ জীৱন দান গাসাইতানা, আৰা উমৗন অৗগ্রৗম অনোকঙি বেবাখ সা-সম্পত্তি প্রভুনা দান গাসাইতানা।

          ইবাই গসা দাসমান নিগিনি ক্রৌ তৱা, নাংজেলা মণ্ডলীয়াই টাকা পৗশি দান গাসাইয়া উ সময় নাং সাৱধান সাই নিগা, নাং বিগিনা দান গাসাইতা। বেবাখ চৗইবান অৗগচাক নাং প্রভুনা গৗথৗই নিগা। অৗগচাক প্রভুনা গৗথৗই নিগা, মানেয়ো উতুং?

          সানসা চিনিং আমেৰিকাইঙি সাকসা বিশ্বাসী খ্রীষ্টিয়ান মুম্বাই চাৰাওনা ভাৰতৱাই ফৗইতানা, উম্রা ভাৰত গেটৱাই দাং লৗ-লৗগৗন সাৰা পৗশি সৗম মাৰাপদো (ভিক্ষাৰীদো) উনি জিখৗম বাৰাইয়ৌ। উ ভিক্ষাৰীদো উ মাৰাপ হৰ বলাংনাইপ্রিং কুনু গসা দান মাসান গৗমৗন উনি জিখৗম বাকাইচৌ। উম্রা অৗগচাকৗন নায়তানা, আৰা আতাং মাৰাপ সাকসা উনা আজ্ঞা লাওতানা, যিগিনাবান সাই, উ ভিক্ষাৰীদোনা কুনু টাকা পৗশি তালাও, আতাংনা ব্রাকাৰৗন অনোক উ টাকা পৗশিয়ো মাসচা, কাৰণ অনোকো আতাং মাহাজনা ৰৗন্তানিসে। নাত্নে উ হৰ বলাং সাহেৱ জুখুৱা উনি জিখৗম বাৰাইতোঙি স্বাবেকদোনি অবস্হা নৗকৗইমৗন হাপাগ সাঔ। উম্রা উ স্বাবেকদোনি নেমা নেমচা, চেকেৰ-চুকুৰ চেহেৰা চৗইচৌ, নাত্নে পৗমৗৰ পৗমৗৰ স্বাবেকদো নৗকৗইমৗন উনি মনাই হাসানি জাগাইমৗন উম্রা অনোকো সৗঙৌ, “ননোক যদি বৰফ (স্বৰবত) স্বাহন গঙা, আং ননোং গৗমৗন পৗৰৗই লাওঙা! গঙা না গংচা?” স্বাবেকদো উনি ক্রৌ নায়মৗন হুচি মনকৌ, মৗকৗৰ গগ্রাক গিগ্রিক ইতিয়া উতিয়া চৗয়ৌ কি অনোকঙি মালীক খৗতিয়াই তৱা নাতুং ব্রাকৗইমৗন। জিখৗমাই অনোক দৗকৗম মৗন ললাকৗইমৗন তৗনৗকৌ গঙা ব্রাকৗইমৗন। উম্প্রিং উম্রা অনোকো খৗতিৱাইঙি বৰফ (স্বৰবত) দকানাং লালাংমৗন আয়চ ক্রিম দকানদাৰনা হুকুম লাৱৌ অনোক বেবাখনা গ-গসা কাৰাই আয়চ ক্রিম ফাইলাওং গৗমৗন। ইয়ো গসা সাধাৰণ হাসানি, পৰিবেশ চৗইমৗন, ব্যক্তিগত বাবে আৰা অসাভাবিক দান উম্রা গৗথৗইতানা। উ সাহেবা উ স্বাবেকদোমৗন অৗগ্রৗম তয়মৗন লৗগৗ গানা ক্রৌশুং ব্রাকৌ হাসানিমৗন।

          শুংশুংমৗন চৗইচিং, উম্রা ইয়ো আতাংনা তৗৰৗইবিয়া? ই প্রশ্ননি উত্তৰো বিৰাট সাধাৰণ। উম্রা ইয়ো যীশুনি গৗমৗন তৗৰৗয়ৌ আৰা উনি তৗৰৗইঙি লামো উগুন গানা হাসানিমৗন।

          উ বেবাখ হৌৰিয়া আৰা নিগিনি মাৰাপদো উম্রা উনি ত্রাণকর্ত্তা গানা মনাই গাসাইমৗন লায়তানা। যি কুনু সময় যিবাইবান সাই হৌৰিয়া আৰা নিগিনি মাৰাপদো বংৰৗন আৰা নৗকাৰৗন উম্রা মনাই গাসাইয়া ইয়ৗন ইনি খ্রীষ্ট যীশু। উনান গৗমৗন উম্রা যিপাং মানা পেনেমসা বাবে যত্ন গাসাইং গৗমৗন চেষ্টা গাসায়া।

          টাৱান চহৰাই লৗজৗমতোঙাই, নৗং যুদি যীশুৱো লাম দাকানাই গলংতোঙি নৗকৌ, এবা মায় ইফিমৗন কষ্ট মানাইমৗন পৗশি সৗমতা লাম দাকানাই, উৱো পাতাইমৗন নৗং লৗই মান্না কনায়? যীশুৱা যদি নিনি নকতেন নগসাৰ সায়া নাত্নে উনি আমায়া বিৰাট কৗলৗমতা, উনি নিগিনিয়াই নৗং সময় বানাইমৗন লৗইমৗন সহায় গাসাই মান্না না মাঞ্চানা? যীশুৱা যদি হালুৱা সাইৰৗন, খৰাংঙাই হ্বা আবাদ হেঙান সাইংচান, নাত্নে নিনাই হলে স্বাহনি তৱা, নৗং উনা কুনু কিছু লাওং মান্না ব্রাকৗইমৗন শুংশুঙা কনায়?

          প্রভু যীশুৱা স্পষ্ট বাবে নাঙা দুনা দি, উম্রা আপাৱো হৌৰিয়া আৰা নিগিনি মাৰাপমৗন সমান পৰিচয় লাওৱা। যি সময় দু:খীয়া মাৰাপদো হাসান লাওৱা নাং উনি গৗমৗন তৗৰৗইঙি সায়া। “আতাঙা আং জেলা মায় ইফিতানা, উবাই ননোক আনা স্বাহন গৗমৗন লাওতানা; জুখু সাইতানা আনা হাদাম লাওতানা; কৗনশ্লাক তয়তানা আনা চুন গৗমৗন গামচা লাওতানা। আৰা আং ক্লৗমতানা, আঙো চৗইং গৗমৗন লৗইতানা; ফাটেকৱাই তয়তানা, উবাইবান ইনি খৗতৗইঙা লৗইতানা। উ সময় ধার্র্মির্কৱাৰা জবাব লাওমৗন ব্রাকঙা, অৗ: প্রভু, নিং বিবা নৗং মায় ইফিতোঙো নৗকৗইমৗন স্বাহন লাওবিয়া? এবা নৗং চিকা নৗঙ নাওতোং নৗকৗইমৗন চিকা নৗঙ গৗমৗন লাওবিয়া? উ সময় ৰাজাৱা ব্রাকঙা, আং ননোকো খৗন্তৗকৗন ব্রাকাং, ইনি ই ভৗই জিনৌদোনি মাজাৰাই পৗমৗৰসা গসা যা তৗৰৗইতানা, উৱো আনা গৗমৗনসে তৗৰৗইতানা।” (মথি ২৫:৩৫-৩৭,৪০)।  যাকোবা বান ব্রাকতানা, “স্বামৌৰী আৰা ৰৗন্দিদোনি কষ্টনি সমায়াই চৗইং গৗমৗন লৗই, সংসাৰাইপ্রিং আপাৱো জাসানি মাসচা গানা দাপাং উৱৗন আৱা ঈশ্বৰনি মাহাঙাই পেনেম আৰা পিতাৰ ধৰমনি কৗম। ” (যাকোব ১:২৭)।

                                     a a a

 

অৗকৗৰচৗপসা দান লাও নিগা।

“ই ক্রৌৱো হুকুম লাওমৗন ব্রাকতাং, উৱো দংচা নাত্নে আতাং মাৰাপৱো যতন গাসাইং দ্বাৰাই ননোকঙি খৗন্তৗক হাসানিয়ো থাক লাইমৗনসে ব্রাকতাং ।” (২কৰি ৮:৮)।

          যীশুৱা নাঙা দুনতানা নাং জেলা উপহাৰ (দান) লাওৱা, অৗকৗৰচৗপসা দান লাও নিগা। আৰা ব্রাকতানা, “সাৱধান সাই মাৰাপনা তৗনৗং গৗমৗন অনোকঙি মাহাঙাই অৗপিনি ধৰম কৰম তা’তৗৰৗই; উগুনা তৗৰৗইৰৗন, স্বৗর্গাই তয়তোঙি ননোকঙি আৱানাঙাই ননোক হাসকেসান বক্সিশ মাসচানা। উনান গৗমৗন নৗং জেলা দান লাওৱা, উ সময় মাৰাপনাইংপ্রিং দুৰুং মাসানি গৗমৗন চালাকনাং মাৰাপদো গানা আয়সান নগদায় আৰা লা-লামাই অৗপিনি অৗগচাক অৗগচাক হেম টো-টোকাইমৗন তা’চাৰাও; আং ননোকো খৗন্তৗকৗন ব্রাকাং, অনোক অৗপিন আপানি বক্সিশ মাসৌ। নাত্নে নৗং জেলা দান লাওৱা উ সময় নিনি জাগৰা পাতাং চতঙা উতুং তৗৰৗইতা, উৱো জৗগসি পাতাং চতঙা তা’দাসমানৗন; উগুৰৗনসৗন নিনি দানো নৗকচা সাইঙা আৰা অৗকৗৰচৗপসা চৗইতোঙি নিনি আৱা নৗনা বৗদৗল দান লাওঙা।” (মথি ৬:১-৪)। তৗক্রৗই মাৰাপদো ইয়ো ইগিনা অনুবাদ গাসাইতানা, নাঙি দান আৰা উপহাৰ লাওঙিয়ো মাৰাপদা নৗকচা গানা অৗকৗৰচৗপ সাই নিগা ব্রাকৗইমৗন। যিগিনাবান সাইতোং, ই অনুবাদ গাসাইতানো কৰিন্হীয়া মণ্ডলীয়াই পৌলা ব্রাকতানি ক্রৌমৗন বনাইচা। সাধু পৌলা কৰিন্হীয়াইঙি খ্রীষ্টিয়ানদো থাকলাইমৗন চৗইতানা অনোকঙি হাসানি আৰা বিশ্বাস বিপাংকাই তুহৱা উৱো চৗইং গৗমৗন পিৰাই লাওতানি পদৱো ব্রাকতানা যিয়ো তিংকালাইঙি তৗক্রৗই মাৰাপদো ভুল বুজৗইয়া।

          ইবাই যীশুৱা অৗকৗৰচৗপসা লাও ব্রাকৗইমৗন সাৱধান গাসাইতানি ক্রৌৱো সায়ৌ মাৰাপদোনি হেচা মনমৗন লাওং গৗমৗনসে। ফৰীশীদো অনোকঙি দান লাওতোঙো মাৰাপ তৗনৗং গৗমৗন পিৰাইপ্রিং দান লাওং জৗগাই দৗক্রৗয়া যাতে মাৰাপদো উৱো নৗকৗইমৗন অনোকো প্রশংসা গাসায়া। অনোক অহংকাৰমৗন দান গাসায়া; অনোকঙি দানাই অনোক মন লাওৱাইমৗন দান গাসাইচা নাত্নে অনোক দাসমানা মাত্র মাৰাপদো যাতে অনোকঙি দান লাওতোঙো নৗকা। ইবাই আৰা গসা মন লাওমৗন চৗই নিগিনি ক্রৌ তৱা, মকদোলিনি মৰিয়মা জেলা যীশুনি চাপ্লাগৱাই তেল বৗতৗম সেতা, উবাই উ বৗতৗমমি তেলো সাকসা মাৰাপনি বৗসৗৰ দৗপৗম কামায়তানি বেতন চৗইবান বৗদৗইয়া, উবাই যীশুৱা উৱো বাধা লাৱাইচান আৰা লাওনাপাৰৗন অৗকৗৰচৗপসা লাওনিগাবান ব্রাকৗইচান। নাত্নে, যীশুৱা ইয়ো গসা উদাহৰণ গানাসে বাহায়ৌ উনি শিষ্যদোনি মাহাঙাই। যীশুৱা মকদোলিনি মৰিয়মনি উ মাৰাপ নৗক ৰাও দানাই খুসী মানৌ আতাংনা ব্রাকাৰৗন উবাই ফৰীশীদোনি গানা অহংকাৰ, আৰা ৰাসান সাকাইমৗন দংচা আতাংনা ব্রাকাৰৗন উবাই তৱা খৗন্তৗক হাসানি। সাধু পৌলা ই তাৰাই উ একে ক্রৌৱোন ব্যৱহাৰ গাসাইতানা। উম্রা মাকিদনিয়াঙি খ্রীষ্টিয়ানদোনি হাসানি হাপাগ শুংমৗন দান লাওঙিয়ো কৰিন্হীয় মণ্ডলীনি গৗমৗন উদাহৰণ তৗনৗকৗইমৗন উৎসাহ লাওতানা।

          ইবাই সাধু পৌলা কৰিন্হীয়দোনা তৗৰৗং লাওতানা দান লাওঙি ব্রিকায় বিষিনাই,  উ কাৰণদো:

• ১। অনোক খ্রীষ্টৱো হাসাইমৗন দান গাসাইয়া “পৰথম অনোক আপ্রোকন প্রভুনা দান (উৎসর্গা) গাসায়া” (২কৰি ৮:৫)।
• ২। অনোক খ্রীষ্টনি কৗম তৗৰৗই মাৰাপদোনা হাসাইমৗন প্রচাৰক, পাষ্টৰদোনা বৗদৗই কৗম তৗৰৗইং মান গৗমৗন দান গাসাইতানা।
• ৩। খ্রীষ্টিয় কৗমতৗৰ লৗগৗদোনা সহায় গাসাইং গৗমৗন। “পিতাৰ মাৰাপদোনা হামসা লাওঙি কৗমাই সমান ভৗগৗলানি বিষিনাই” (২কৰি ৮:৪)।
• ৪। হাসঙাইঙি গৰীৱ মাৰাপদোনা দান গাসাইঙি গৗমৗন। নৗগৌ তংচা, মায় তংচা, সকোক তংচা আৰা নাম্প্রাংতোঙি মাৰাপদোনা সহায় গাসাইং গৗমৗন।

a a a

 

ঈশ্বৰনা দান লাও নিগিনি কাৰণ।

 

“আতাঙা ননোক নাঙি প্রভু যীশু খ্রীষ্টনি দয়াৱো দাসমানমৗন পাংতা; উম্রা ধনী সাইবেনেন ননোকঙি গৗমৗন গৰীৱ সায়ৌ, যাতে ননোক উনি গৰীৱান ধনী সায়া ।” (২কৰি ৮:৯)।

যদিওবান নাঙি মৗকৗৰাই নৗকৌ এবা নায়মৗন দাসমানৌ যে মাকিদনিয়া মণ্ডলীঙি ভৗই জিনৌপাৰ দান লাওঙাই আচৰিত প্রমাণ তৗনৗকতানা, আৰা উনি চৗইবান বৗদৗই খ্রীষ্ট যীশুৱা আচৰিত প্রমাণ লাওমৗন তৗনৗকতানা আপাৱো দান লাৱাইমৗন। নাংবান উনি বিশ্বাসী ভৗই জিনৌ উম্রা গানা উনি জিকৗম বাৰাই নিগা। উম্রা যিগিনা বিশ্বাসী আৰা নম্র, নাংবান ই জগতৱাই উনি উপমা সাইমৗন পিতাৰ আত্মামৗন ফুঙাইমৗন হেং নিগা।

          খ্রীষ্ট যীশুনি যি দান নাং মাসান মাগাপচা বেনেনবান মুকতুঙাই মাসৌ, উম্রা “প্রভু” “খ্রীষ্ট” “যীশু”, উম্রা ৰাজানি ৰাজা, প্রভুনি প্রভু আৰা মুক্তি লাওং গৗহৗই।

          হাসানি ভৗই জিনৌপাৰ চিন্তা গাসাই আৰা দাসমান খ্রীষ্ট যীশুৱা জগতৱাইঙি মাৰাপ জৗতি গৗমৗন বিগিনা আপাৱো দান লাওমান বিয়া? উনি হাসানি হাপাগ নাং চিন্তা গাসাইমৗন চৗই বিপাংকায় নেমা, ফুলপাৰ চৗইবান বিপাংকায় গুনাই জিসিঙা। খ্রীষ্ট যীশুনি চিন্তা আপাৱো ই জগতৱাইঙি আৰা স্বৗর্গাইঙি বেবাং চৗইবান ধনী গাসাই গৗমৗন দংচা, আতাংনা ব্রাকাৰৗন নাঙি দানমৗন উম্রা ধনী সাইঙিবান দংচা কাৰণ নাং মৗকৗৰমৗন নৗকঙি আৰা নৗকচা বেবাখন উনিন।

          হাসঙাইঙি মাৰাপদো ধনী গৰীৱ মৗকৗৰ কানা, অনোক লাম নাম্প্রংতা, অনোকো লামাইমৗন মুক্তি লাওঙি গৗমৗন নাঙি দায়ত্ব। উনান গৗমৗন অনোকঙি গৗমৗন চাং লৗইঙা? নাং বিশ্বাস তৱা যে নাং যীশু খ্রীষ্টনাই মুক্তি মানৌ। উনান গৗমৗন আপাৱো চিন্তা গাসাইমৗন জগতৱাইঙি মাৰাপদোনি গৗমৗন চিন্তা গাসাই নিগা। খ্রীষ্টৱা যিগিনা নাঙো পৗৰৗয়ৌ নাংবান শয়তান চাকাই হাইমাস্তানি মাৰাপদো পৗৰৗইং গৗমৗন দান লাও নিগা। ভৗই জিনৌপাৰ চিন্তা গাসাই অনোক যদি মুক্তি মাঞ্চা বিপাংকায় দুখনি ক্রৌ সাইঙা, নাঙি মামা, কাকা, নাঙি হুসুক, নাঙি মাৰাপ, নাঙি মৗকৗৰায়ৗন নৰকৱাই কষ্টমান নিগিনি সাইঙা। উনান গৗমৗন নিনি/নাঙি দান খৗব দৰকাৰ, যি দানো অহংকাৰ তংচা, উমৗনসৗন আতাং মাৰাপদোনি পেনেমন গৗমৗন কৗম তৗৰৗই মান্না।

          খ্রীষ্টৱা নাঙো বিগিনা ধনী সাইঙি লামা ? “খ্রীষ্ট যীশুৱা যদিয়ো খৗব ধনী, উনাই কুনু অভাৱ ব্রাঙোন তংচা, তেওবেনেন বান নাঙি গৗমৗন উম্রা গৰীৱ সায়ৌ, যেনো নাং অভাৱাইপ্রিং ধনী সায়া ।” খ্রীষ্ট যীশুৱা যে ঈশ্বৰ উৱো উনি মহিমা, নাত্নে আপাৱো পৗমৗৰ তাকাইমৗন ই জগতৱাইঙা ফৗইতানা যিন দ্বাৰাই মাৰাপৱা মুক্তি মানা। নাঙি গৗমৗন চি’নি লাগেত উম্রা সৗই নিগিনি সৗয়ৌ, উৱো মাত্র দাসমানি সৗন দংচা নাত্নে উনি আজ্ঞা মানায় নিগিনি তৱা, “হাসানি মন শুংমৗন দান/উপহাৰ লাও” উগুৰৗন নৗং আৰা নিনি পৰিয়ালবান মুক্তি মান্না।

                                  a a a

 

দান লাওঙি গৗমৗন শুং চেং নিগা।

 

“আৰা ই বিষিনাই ইনি মত দুন্তাং; আতাংঙা ব্রাকাৰৗন ননোং গৗমৗন ইয়ৗন পেনেম, যেগেনা ননোক লৗইঙি বৗসৗৰাইংপ্রিং খৗলি কৗম তৗৰৗইং গৗমৗনসৗন দংচা, নাত্নে ইচ্ছা গাসাই গৗমৗনবান অৗগচাক সাইতানা। আৰা তি উ কৗমো দুকসুন; যেগেনান ইচ্ছা গাসাইঙাই শুং চেংতানা, উগুনান যিনাই যা তৱা, উগুনান যাতে দৗপ্রৗতনিবা সায়া।” (২কৰি ৮:১০,১১)।

          কৰিন্হীয় মণ্ডলীঙি খ্রীষ্টিয়ানদো যেৰূশালেমাইঙি খ্রীষ্টিয়ানদোন গৗমৗন দান লাওনা চেষ্টা গাসাইতানা। অনোক টাকা পৗশি ৰুবুংমৗন যিপাং মামাৰ মানা লাও বেসেনতৗই চেষ্টা গাসাইতানা নাত্নে উপাই তংচা গসা সমস্যাৱাই পৗনমৗন টাকা পৗশি ৰুবুংমানাইচান। সাধু পৌলা অনোকো আৰা বৗদৗই মন লাৱাইমৗন তৗৰৗইনা গৗমৗন অনুৰোধ গাসায়ৌ যিগিনা অনোক শুংশুংতা উগুন গানা তৗৰৗইনা গৗমৗন উম্রা বৗদৗই জৰ গাসায়ৌ। দান লাওঙিয়ো জৗমৗং চৗইবান তৗক্রৗই গুনাই জৰাই। দান লাওমানৰৗন মাসান মাৰাপসৗন খুসী মাঞ্চা নাত্নে লাও মাৰাপবান  খুসী মানা যদি উ দানো খৗন্তৗক মনমৗন লাওতানা।

          বেবাখ চৗইবান গসা দৰকাৰী ক্রৌ সায়ৌ ইয়ৗন দি, যদি দান লাওনা গৗমৗন মনাই শুংশুংতানা উগুৰৗন লাওৰৗন নেমা উবাই বৗদৗই ঈশ্বৰনি বৰ মাসানা। উনান গৗমৗন পৌলা তীতৱো কৰিন্হীয় মণ্ডলীয়াং দিম বেসেতানা অনোকো সহায় গাসাইনা গৗমৗন যেনো অনোকঙি প্রতিজ্ঞা নষ্ট সাইমৗন লৗইচা। উম্রা আৰা ব্রাকতানা দানো আপাইসা সাই বা তৗক্রৗই সাই হাপাগ শুঙাইপ্রিংসে সাই নিগা।

          তৗক্রৗই খ্রীষ্টিয়ানদো ইগিন গানা ব্রাকা জেলা/যদি আং তৗক্রৗই টাকা পৗশি মাসা উগুৰৗন প্রভুনা গৗমৗন আং জৰুৰ দান গাসাইঙা। অনোক তৗক্রৗই টাকানাং (মাৰাপ) সাইমৗন প্রভুনা গৗমৗন দান লাওংতৗই জৗমৗং নৗকা! নাত্নে পৌলা ব্রাকতানা উ দিনো বিবা ফৗইঙা চাং দাসমানা। কুনু সময় উগুনগানা জৗমৗং এবা চিন্তা গাসাইমৗন ভৱিষ্যত চৗইঙো নেমা উন্নতিনি গৗমৗন আৰা কুনু সময় জৗমৗংঙা বৗৰচু গানাসৗন সাইমৗন লৗইয়া। উনান গৗমৗন পৌলিনি ম’ত সায়ৌ জৗমৗঙো বাস্তৱাই লাহান গৗমৗন মন শুং লাওমৗন চেষ্টা গাসাইমৗন তৗৰৗই নিগা নিৰিখৗন। আতাংনা ব্রাকাৰৗন জিখৗমো ব্রাকঙি ক্রৌৱো কুনু দিনাই আশা গাসাই মাঞ্চা। উনান গৗমৗন যীশুৱা ব্রাকতানা “তিনিঙৗন জিখৗমো সময়োন মাঞ্চানা” ।

          নিৰিখৗন সময় মতে লাৱাইমৗন পাঙো নেমা, চিন্তা গাসাই নিগিচা আপাইসৗন এবা তৗক্রৗই, অৗপিন আপানি যোগ্যতা/বৗল লাইমৗনসে ক্রৌ। গৰীৱ এবা স্বাহন তংচা মাৰাপদোন গৗমৗন কুনু সময় লাওঙি বিৰাট ৰাকঙি সায়া নাত্নে নিৰিখৗন মায় লৗম্মি অৗগচাক মুঠাগসা মায়ৰং গুটি স্বাৱাই ৰুবুংমৗন সপ্তাহ গসাই যিপাংসা সায়া উৱো ফালাইমৗন দান লাওমানা উৱোন প্রভুনা গৗমৗন যতেষ্ট আতাংনা ব্রাকাৰৗন উম্রা দাসমানা নাঙি বেবাখ সম্যসাৱো। নিৰিখৗন উগুনগানা তাকাৰৗন বিপাংকায় সায়া উৱো নাংবান অনুমান গাসাই মানা। নিৰিখৗন দান লাও মাৰাপনা ঈশ্বৰা অনোকনা আৰা বৗদৗই দান গাসায়া বৗদৗই লাওমান গৗমৗন। ফংসা ফংনিং টাকাৱো মাস গসা ৰুবুংৰৗন উৱোন তৗক্রৗই সায়া। যি মাৰাপৱা যাৱো হাসা উনি গৗমৗন ফংসা ফংনিং টাকাৱো কিছুনান দংচা মান কতে বৗদৗইসে লাওমানা উম্রা উনি মনাইঙি ক্রৌসে।

          যা যিগিনা মানা বেবাখ খ্রীষ্টিয় বিশ্বাসীয়া পেনেমসা দান গাসাই মানৰৗন কোচা খ্রীষ্টিয়ান মণ্ডলীয়া মৰং জৰং (চিনাও বানাও) সাইচৗইমৗন বিৰাট মানাৰৗন উন্নতি সাইঙা। বেবাখৗন পেনেমসা দান গাসাইৰৗন অৗপিনি মৗকৗৰায়ৗন নৗকঙা বিপাংকয় উন্নতি সাইতা উৱো। বেবাখ মণ্ডলীয়া অৗপিন আপানি এৰিয়াৱাইঙি প্রচাৰক/পাষ্টৰদোনি নিগিনিদো জগাইলাও নিগা। প্রচাৰক, পাষ্টৰদোনি সময় তংচা অনোক আপ্রোকঙি গৗমৗন হ্বা আবাদ, ব্যৱসায় কৗমতৗৰৗইমৗন স্বাহনি, উনান গৗমৗণ অনোকঙি নিগিনি যিগিনা স্বাহনি-কাকঙি, কান্নি-চুন্নি, আৰা তঙি নৗগৌ দৰকাৰ বসতৱাই জগাইলাও নিগা। কুনু সময় পুনুক নিগিনি আৰা দুখ মান নিগিনি সায়া প্রভুনি মিনিষ্টাৰ (কৗম তৗৰৗই মাৰাপ) দোনি জীৱন পেনেমসা মৗকৗৰ দাওৱাইমৗন চৗইৰৗন। কুনু সময় ধৗৰ পলক পলক সাইমৗন মাৰাপদোনা মাহাং তৗনৗং মাঞ্চাৰাৱা সায়া। মান সন্মান বৗইমৗন সাকসা প্রভুনি মিনিষ্টাৰা সাকসা সাধাৰণ মাৰাপ চৗইবান বৗদৗই পৗমৗৰ আৰা হৌৰিয়া সায়া, যিয়ো সাইঙি হেঙান মাগাপচা উদো সাইফৗইয়া। প্রভুনি মিনিষ্টাৰদোনি সংসাৰ এবা পৰিয়াল পেনেম তাক নিগাৰৗন আরা খ্রীষ্টনি মণ্ডলী আৰা মিছননি মান মযর্দা দাপাং নাপাৰৗন উ বেবাখ প্রভুনি মিনিষ্টাৰদো (প্রচাৰক, পালক, পাষ্টৰদো) যত্ন গাসাই নিগা। প্রভুনি মিনিষ্টাৰদো বিপাংকায় কষ্টৱাই চলাইমৗন তয়তা উৱো মাৰাপদো সাকসাবা মৗকৗৰ দাওৱাইমৗন চৗইচা। উনান গৗমৗন উ খ্রীষ্টনি মিনিষ্টাৰদো কুনু সময় পেনেমসা মন লাওমৗন কৗম তৗৰৗই মাঞ্চা সায়া। কাৰণ অনোকঙি পৰিয়ালনি সমস্যা প্রেসাৰ সানফাৰ উ মিনিষ্টাৰদোনি দৗকৗমাই আম্বাকৗইমৗন পাঙা। উ পৰিয়ালনি প্রেসাৰ আৰা মণ্ডলীনি সমস্যা বেবাখন ৰুবুংৰৗন প্রচাৰক, পালক, পাষ্টৰদোনি দৗকৗম চিন্তা গাসাইঙি জিংচা সায়া। উনান গৗমৗন মণ্ডলী আৰা ইউনিয়ন পেনেম তাক নাপাৰৗন বেবাখ খ্রীষ্টিয় বিশ্বাসীদোনি চৗশি অৗগ্রৗম দলক তাকৰৗনসৗন পেনেম সাইঙা। আৰা উ একতা শক্তি সায়ৌ দান। ঈশ্বৰা যদি বেবাখ খ্রীষ্টিয় বিশ্বাসীদোনা বৰ লাওতানা, উগুৰৗন মাত্র মণ্ডলী আৰা খ্রীষ্টনি মিনিষ্টাৰদো চৗইঙিসৗন দংচা নাত্নে আতাং ধম্মির্য়ো বিশ্বাসী মাৰাপদোনি মাজাৰাই প্রচাৰ গাসাইমৗন মণ্ডলী স্হাপন গাসাই গৗমৗন চেষ্টা গাসাই নিগা আরা উৱোন সায়ৌ ঈশ্বৰনি ৰাজ্য দাপ্লাকঙি, যিন গৗমৗন প্রভু যীশু ই জগতৱাই ফৗই নিগিনি সাইতানা। যি ইউনিয়নাই এবা মিচনাই খ্রীষ্টিয় বিশ্বাসী ভৗই জিনৌপাৰ লাও নিগিনি বৗসৗৰাইঙি বাদজেটৱো পেনেমসা গসত মাঞ্চা অনোক অনোকঙি মিনিষ্টাৰদোনা সাপর্ট গাসাই মাঞ্চা, উনান গৗমৗন প্রচাৰনি  কৗমবান বৗদৗই আগাইচা, বিবাই আগাইঙা আৰা বৗদৗইসে আপ্রোকঙি মাজাৰাই অশান্তিসে সৃষ্টি সায়া। ঈশ্বৰা লাওতানিয়ো দাসমান বেনেনবান উনা ধন্যবাদ শুৰ কাপচাৰৗন উম্রা দুখ মানা। যিকুনু জিনিষ মাৰাপনাইপ্রিং মাসান জিখৗমাই উম্রা ধন্যবাদ শুৰচাৰৗন লাও মাৰাপনি শুং খৗঞ্চৗকচা। উনা গৗমৗন যিকুনু জিনিষ পৗমৗৰ সাই এবা গদা সাই, আপাইসৗন সাই এবা তৗক্রৗয়ৗন সাই মাৰাপনা সাই এবা ঈশ্বৰনা সাই লাওং মাৰাপনা ধন্যবাদ লাওনিগা আৰা উৱোসে পেনেম চৗদুগ ব্রাকা। উতুং গদা উতুং পৗমৗৰ নাং কোচা মাজাৰাই ঈশ্বৰনি আশীব্বার্দ আতাং মাৰাপদোনি চৗইবান কম দংচা। উনান গৗমৗন আতাং মাৰাপ এবা আতাং দেশাইঙি দান আশা গাসাইমৗন পাঙি চৗইবান আপ্রোকঙি মাসতানি বৰদো অনুভৱ গাসাইমৗন মাসানি চৗইবান লাও মান্নি সাইমানৰৗন কোচা ইউনিয়ন আৰা কোচা মণ্ডলী কুনু দিনাই আতাং মাৰাপদোনাই কাতাওচানা আৰা উৱোসে ব্রাকা জ্ঞানী। কোচা ইউনিয়ন এবা কোচা মণ্ডলীয়া পঞ্চাশ বৗসৗৰ বয়স সাইমৗন পাতৌ। পঞ্চাশ বৗষৗৰ বয়স সাইৰৗন সাকসা মাৰাপৱা স্বাবেক সাইমৗন পাংচা, যি মাৰাপৱা আমায়-আৱাদোনায় সৗন মাসান গৗমৗন কাতাওমৗন পাঙা! উম্রা অৗলসিসে অৗপিনাই নির্ভৰ গাসাই চৗইমৗন কাতাওৱা। ঈশ্বৰ কোচানি মাজাৰাই ফুততানি কাৰনি উপযুক্ত থৗই মাসান লামা, যি থৗয়া গৌৰৱ আৰা প্রশংসা গাসায়া। ঈশ্বৰা কোচা ইউনিয়ন এবা মণ্ডলীদো বৗদৗই আশীব্বার্দ গাসাইয়ৗন অনোকঙি জৗমৗং গানা শুংশুংতোঙি আরা কামনা গাসাইতোঙি চৗইবান, যাতে সাৰা কনা গপা কোচা ৰাভা মাজাৰাই আৰা উসৗন দংচা আতাং মাৰাপদোনি মাজাৰাইবান খ্রীষ্ট যীশুনি পেনেম ক্রৌ দুন্নি মাৰাপদোনা নিগিনিয়ো যথেষ্ট পৰিমানাই দান লাওৱাইমৗন সহায় গাসাই মানা।

                                      a a a

 

দানো বিপাংকায় লাও নিগা?

 

“আতাঙা যদি ইচ্ছা তৱা, উগুৰৗন যিনাই যিয়ো তৱা, উগুনান উৱো লানি সায়া, যিনাই যিয়ো তংচা উগুনা সাইচা। ”(২কৰি ৮:১২)।

          বিপাংকায় দান লাও নিগা? ই প্রশ্নৱো যীশুৱা কুনু দিনাই সাকসানা বান ব্রাকৗইচান। নাং যিপাংকায় লাওৱা উৱো উম্রা চৗইচা আৰা মনবান লাওচা। নাত্নে উম্রা মন লাওৱাইমৗন চৗয়া নাং বিগিনা লাওৱা। ই বিষিনাই পৌলা ব্রাকতানা বেবাখ চৗইবান অৗগচাক “ইচ্ছাকৃত্ব” মন সাই নিগা। নৗং লাওং নাপা না চাংবান মাৰাপৱা নিনি ইচ্ছানি বিপৰিতৱাই নৗঙো জবৰদস্টি দুবৗইমৗন লাও দিমতা? শুংমন গৗগ্রৗতৗইমৗন লাওঙি এবা নিনি জীৱনাই মণ্ডলীঙি মাৰাপদা তৗক্রৗই দৗবী গাসাইমৗন লাওঙি, উবাই ঈশ্বৰা কুনু দিনাই শান্তি মাঞ্চা।

          ইস্রায়েলদো ঈশ্বৰনা উগুন গানা দান লাও নাপতানা, উনান গৗমৗন ঈশ্বৰা ব্রাকতানা, “আং ননোকঙি উৎসৱদো কিঞ্চিয়াং, সৗনচাং, পেনেম মাঞ্চাং; আং ননোকঙি ধর্ম সভাদো বৗতৗমচাং। ননোক ইনি গৗমৗন হোম-বুলি আৰা ভহক নৗৰ বৗতৗম বৗতৗম উৎসর্গা গাসাই বেনেনবান আং উদো লাসাচানা। নাতেবা, ননোকঙি পেনেমনি গৗমৗন কানৗং-মাংঙৗং (সাস্হ্যপুষ্ট) চংকুকদো বুলি লাও বেনেনবান আং মৗকৗৰ লাওচানা ।” (আমোচ ৫:২১,২২)। যি মাৰাপৱা আপাৱো খ্রীষ্টিয়ান ব্রাকৗইমৗন ব্রাকা নাত্নে মন শুং সেতৗইমৗন (ইচ্ছা গাসাইমৗন) লাওচা অনোকো ঈশ্বৰা চৗই গংচা আৰা পেনেম মাঞ্চা।

          যীশুৱা যে কম বৗদৗই লাওঙি পিৰাই চৗইচা নাত্নে লাওং মাৰাপনি ইচ্ছামৗন গৗথৗইঙি পিৰাইসে চৗইয়া ইয়ো যীশুনি জীৱনাই অৗংনিংকায় উদাহৰণ তৗনৗকতানা। পৰথমো নাং নৗকা লুক ২১:১-৪ তাৰাই। “যীশু কাতাওমৗন চৗইমৗন নৗকৌ, ধনী মাৰাপদো দান লাওঙি হাদামাই অৗপিন আপা দান লাওক্রাংতা। আৰা উম্রা নৗকৌ, সাকসা গৰীৱ মিচিক ৰৗন্দিজু উবাই পৗশি পিসাক অৗংনিং তানৌ; উম্প্রিং উম্রা ব্রাকৌ, আং ননোকো কৗন্তৗকৗন ব্রাকাং, ই গৰীৱ ৰৗন্দিজু বেবাং চৗইবান বৗদৗই লাৱৌ। আতাঙা এনোক বেবাখৗন অৗপিনি বৗদৗই ধনাইপ্রিং আপাইসাসৗন লাৱৌ, নাত্নে ইম্রাজু অৗপিন গৗমৗন দংচাই বেনেনবান উনাই যা তৱা, উ বেবাখন লাৱৌ ।” খ্রীষ্টনি মতে ইয়ৗন যে, উনি গৗমৗন বিপাংকায় লাওতা উৱো গদা ক্রৌ দংচা। নাত্নে লাওতোঙাই চাং বিগিনা মনমৗন লাওতা উৱোসে চৗইয়া। সাকসা নৗগৌনাং (ধনী) মাৰাপ লাখ গসা, লাখ অৗংনিং টাকা লাও মানা যিবাই সাকসা গৰীৱ মিচিক ৰৗন্দিয়া মাত্র মুঠসা, মুঠানিংসৗন মায়ৰং লাওমানা। উনি মুঠসা, মুঠানিং মায়ৰংঙোন বেবেখ চৗইবান বৗদৗয়া আতাংনা ব্রাকাৰৗন উনি যিপাংকায়সা তৱা উৱোন উম্রা লাফৌ, নৗগৌৱাই উনি বাদে আৰা তংচৌ, যিয়ো উম্রা হাসানিমৗন ইচ্ছা গাসাইমৗন দান লাওতানা যদিওবান ধনী মাৰাপৱা লাখ গসা, লাখ অৗংনিং লাওতানা উৱো উনি নৗগৌৱাইঙি সম্পত্তিনি দশ মাংশনি ভৗগৗ গসানান দংচা।

          উনান গৗমৗন ইবাই নাং দাসমান নিগিনি বিশেষ কাৰণ সায়ৌ ইয়ৗন দি, খ্রীষ্টৱা নাং বিপাংকায় লাওতা উৱো উম্রা চৗইচা, নাত্নে বিগিনা লাওতা উৱোসে উম্রা চৗইতা। উনি (খ্রীষ্টনি) কৗম তৗৰৗইঙি গৗমৗন তৗক্রৗই জম্বৰ গসা টাকা পৗশি  লামচা। উম্রা আচৰিত ৰূপে আচাংকা কৗম তৗৰৗই মানা, যিদো নাং হাসাইমৗন, ইচ্ছাকৃত বাবে আৰা বুলি স্বৰূপৱাই দান গাসাইয়া।

          দ্বিতীয় গল্প সায়ৌ যিয়ো নাং যোহন ৬:১-১৪ তাৰাই নৗকা। সানসা চিনিং সময় দশ হাজাৰ চৗইবান বৗদৗই মাৰাপ যীশুনি জিখৗম বাৰাইতানা উনি ক্রৌ নৗতৗম গৗমৗন আৰা উনি আচাংকা কৗমদো চৗইং গৗমৗন। উ মাৰাপদো সানতৗপৗম যীশুমৗন অৗগ্রৗম তয়তানা। উম্রা (যীশুৱা) সানতৗপৗম অনোকনা শিক্ষা লাওৱৌ, আরা যি হাদামাই অনোক যীশুনি ক্রৌ নৗতৗমতা উ হাদামো সঙাইপ্রিং তৗক্রৗই জেনা (পিজিনাই) উবাই দকানবান তংচা উ খৗতৗয়াই। মাৰাপদো মায় ইফিন চঙৌ, স্বাবেক স্বাদোবান হেপক্রাঙি চঙৌ মায় ইফিমৗন। উবাই যীশুৱা অনোকঙি সমস্যা দাসমানাইমৗন উনি শিষ্যদোনাই স্বাহন খাজা তৱা না তংচা সৗঙৌ। ইবাই উবাই লামাইমৗন অনোক মাত্র সাকসা স্বাবেকনাইপ্রিং তেকতানি ফাব কাৰবৗং আৰা আনাও আনাওসা না’ মৗংনিংসৗন গাজাৰ মানৌ, যিয়ো উনি আমায়ৱাৰা অগম স্বাৱো মায় ইফিন খিৰাইমৗন টিফিন কেৰিয়াৰাই চতোপাওতানা। ই গল্পৱাই প্রিং আং ব্রাক নাপতোঙি আচল ক্রৌ সায়ৌ উ ফাব লাওতানি স্বাবেকনি বিষিনাই। উ স্বাবেকৱা আপাবান মায় ইফিতা নাত্নে অৗপিনো চৗইচৗইমৗন সদলক লাফাইতানি বেবাখ স্বাহন খাজা তিফিন কেৰিয়াৰ আজ্রাঙোন দান গাসায়ৌ খুলা শুং মনমৗন। উম্রা অৗপিন গৗমৗন হেঙান তাঞ্চৌ খৗব আচৰিত। আৰা উ একে সমায়ৗন গসা আচৰিত মান নিগিনি ক্রৌৱো সায়ৌ ইয়ৗন দি, উ পৗমৗৰ পৗমৗৰসা কাৰবৗং ফাব আৰা না’ মৗংনিং কাদাহোকৱাই পাইমৗন দাপাংঙাইমৗন (বৃদ্ধি গাসাইমৗন) দৗৰৗন উপাংকায় দশ হাজাৰ চৗইবান বৗদৗই মাৰাপৱো গাস্বাহন জিখৗমাইবান ছিনিং (১২টা) কাদা বৗচিতানা। বাইবেলাই হাজাৰ বৗংঙা মাৰাপ সৗন জুকতানা মিচিক আৰা স্বাবেক-স্বাদো বাকাইমৗন নাত্নে মিচিক আৰা স্বাবেক-স্বাদো লেখেৰৗন উ লেখেতানি মি মাৰাপদো চৗইবান বৗদৗইয়া। উনান গৗমৗন উগানৗন অনুমান গাসাইতানা দশ হাজাৰ চৗইবান বৗদৗই মাৰাপ উ ফাব স্বাহইমৗন তৃপ্তি মানতানা।

          উনান গৗমৗন ইনি হাসানি ভৗই জিনৌ আমায় আৱাপাৰ নিনি দান খৗব মৗৰা প্রভুনা লাও মাঞ্চানা ব্রাকৗইমৗন কুনু দিনাই উগুনা তাশুংশুং। খ্রীষ্টৱা কুনু দিনাই নিনি টাকানি সাইজ চৗইচা, নাত্নে নিনি হাসানি আৰা হাপাগ শুং গৗথৗইঙিসে চৗইয়া, নিনি জীৱনাই নৗং উৱো বিপাংকায় হাসা উৱোসে। নিনি পৗমৗৰসৗন দান হাসানি হাপাগ শুংমৗন লাওতানো প্রভুৱা দাপ্লাকৗইমৗন (বৃদ্ধি গাসাইমৗন) হাজাৰ হাজাৰ মাৰাপদোনি মাজাৰাই প্রচাৰনি কৗম সাইমানা।

a a a

 

দান মাসান মাৰাপৱা দু:খ মানা নাতুং?

 

“আতাঙা ইয়ো ব্রাকচা যে, অৗদৗক মাৰাপদো সুখ আৰা ননোক যাতে কষ্ট মাসা, উন চৗইবা সমান নিয়ম গানা সায়ৗন; তিলুকসা সমায়াই ননোঙাই তয়তোঙাই অনোঙি অভাব ফুঙৗন, যাতে আবাৰ অনোঙি ফুংতোঙাই ননোঙি অভাব দুফুঙি সায়া; যেগেনা সুকতানি তৱা, ‘যা তৗক্রৗই ৰুবুঙৌ উনাই বৗদৗই সাইচৌ; আৰা যা আপাইসাসৗন ৰুবুঙৌ, উনাই অভাব সাইচৌ।’” (২কৰি ৮:১৩-১৫)।

যি মাৰাপদো নাং সহায় গাসাই নাপতা অনোকঙা লাওৱাইমৗন নাং অনোকো দু:খ (আঘাত) লাওং মানা নাতুং? ই প্রশ্ননি উত্তৰো “দৱা” অনোকঙি মনাই কান্দাত মানা! আতাং মাৰাপনা দান লাওঙি বান গদাগৗন বিপদ তৱা! নিনি পেনেম মনমৗন লাওতানি দানো আতাং মাৰাপনি বাসাৰ মনমৗন শুংশুঙাইমৗন অপমান লাওতা এবা তাট্টা গাসাইতা ব্রাকৗইমৗন ব্রাংবান মানা। পৌলা ই বিষিনাই আপাইসা জুকতানা:

          কুনু সাকসা মাৰাপৱা আতাং মাৰাপনি মন বুজৗই মাঞ্চা পাঞ্চা কুনু গসা জিনিষন তালাও, যাতে ননোকঙি মাজাৰাই মনো-মালিন্য সাচা। আৰা চাংবান যদি কুনু গসা জিনিষ লাওং নাপা উগুৰৗন সৗঙৗইমৗন লাওৰৗন নেমা। (ইয়ো নৗং গঙা না গংচা? ব্রাকৗইমৗন।) সাধু পৌলা ই বিষিনাই বিৰাট সাৱধান লাওতানা যাতে মণ্ডলীদো নষ্ট সাইচা আৰা সমাজাইবান যেনো কুনু গসা সম্পর্ক নষ্ট সাইমৗন লৗইচা, আতাংনা ব্রাকাৰৗন যিকুনু সাইঙি খৗব লাইয়া নাত্নে নেম্মি খৗব ৰাকা। “আং ইয়ো ব্রাকচা যে, অৗদৗক মাৰাপদো সুখ আৰা ননোক যাতে কষ্ট সায়া, নাত্নে উন চৗইবা সমান নিয়ম গানা সায়ৗন।”

          ইবাই পৌলা কতগুলা সম্ভৱনা বিপদ তৗণৗকতানা: আতাং মাৰাপনা দান লাঙো বিশ্বাসী মাৰাপদোনি মাজাৰাই সমান মান ময্যর্দাৱো দিন্দাই-পান্দাই সাইমানা। যুদি নৗগৌনাংৱাৰা হৌৰীয়াদোনা নিৰিখৗন দান গাসাইয়া উগুৰৗন অনোক দাৱাল মাঞ্চাৰৗন পুনুকঙি সকফৗইঙা আৰা পাসাংতিয়া আপাৱো বিৰাট পৗমৗৰ (জগৰীয়া) গানা মাসানা আৰা বুসুন পৰিনাম ইগিনা সাইমানা যে, গৰীৱদো খ্রীষ্টিয়ান সমাজাই সাই এবা জৗতিনি সমাজাই সাই চৗদৗৰাই এবা যগন্য সায়মৗন ভিক্ষাৰী বান সাইনাং মানা, অনোকঙি মান বৗইৰৗন। ই একে ৰকমাই মিচন প্রগ্রাম মাজাৰাইবান ধনী দেশ আৰা গৰীৱ দেশ মাজাৰাই দান লাওঙি বিষিনাই গৰীৱ খ্রীষ্টিয়ানদো ধনী খ্রীষ্টিয়ানদোনি চাপ্লাগ নাৰাই নত্ব সাই নিগিনি সাইৰৗন সম্পর্কৱো গদা হাৱাই সায়া।

          নাঙি মণ্ডলীদো চুঙি আৰা বৗইঙি দান লাইমৗন সায়া। উদাহৰণ স্বৰূপৱাই গসা ক্রৌকিন গানা আং দুন্না:

          গসা গৰীৱ সঙাই গৰীৱ মণ্ডলী তৱা। মণ্ডলীঙি মাৰাপদো গীর্জ্জা নৗগৌ হামনা গৗমৗন পৰিয়ালাইপ্রিং যা যিগিনা মানা দান লাফৗইমৗন ঈশ্বৰনা গৗথৗয়ৌ গীর্জ্জা নৗগৌনি গৗমৗন। মায়-মায়ৰং, চং-কুক, আৰা থৗই-পাৰদো প্রচুৰ পৰিমানাই লাফৗইমৗন উ গীর্জ্জা নৗগৌ বানায়ৌ। যদিওবান গীর্জ্জা নৗগৌৱো গব্রা বাতাম হামপ্রেং নৗগৌ, তেওবান মণ্ডলীঙি বেবাখ ব্যক্তিয়া খুসী তৱা আৰা উৱো লাইমৗন অনোক প্রশংসা গাসাইয়া যিহেতু অনোকঙি চেষ্টামৗন অনোক উৱো হামতানা। নাত্নে সানসা সময় সাকসা ধনী মাৰাপ উ সঙাই ফৗইমৗন উ গীর্জ্জা নৗগৌ মৗকচৗইমৗন পেনেমসা বানাইং গৗমৗন আলোচনা সায়ৌ। উ ধনী মাৰাপৱা ৰাসান সাকঙি মুপাক নিগিনি বেবাখন দান লাওৱাইমৗন গদাগৗন পাকা নৗগৌ বানায়ৌ চৗইতৌবুসুন। যদিওবান ই গীর্জ্জা নৗগৌ পিদানো হাঞ্চেং-লহং-ইটামৗন ৰংতাংতাং চৗইতৌবুসুন বানায়ৌ, নাত্নে মণ্ডলীঙি মাৰাপদো উ গীর্জ্জা নৗগৌৱো আপ্রোকঙি/অৗপিনি গানা মাসচৌ। অনোক উৱো লাইমৗন গৌৰৱ গাসাইঙি তংচৌ।

          জেলা জিনিষদো কৗম তৗৰৗই নিগিচা উগুনান ইতিনৗন মাসা কষ্ট তংচা আতা তংচা উবাই যিকুনু মাৰাপৱা উনি মুল্য দাবানা। লাখ টাকানি মাল সাই বেনেনবান কৗই কৗমৗন গানাসৗন দাম তংচা সায়া।

          নাঙি ভাৰত দেশাই তৗক্রৗই চি’তানি মণ্ডলী তৱা, আতাংনা ব্রাকাৰৗন অনোক উ মণ্ডলী গীর্জ্জা নৗগৌ হামনা গৗমৗন আপ্রোকঙি দান লাওৱাইচান আৰা কুনু কষ্টবান গাসাইংচান বচ্রাও বৗৰাইপ্রিং মানতানি টাকা পৗশিমৗন হামতানি আপ্রোক কুনু গসা তৗৰৗই নিগিনিবান সাইংচান। নাং দেশাইঙি ক’তগুলা মণ্ডলী দুবর্ল সাইঙি কাৰণ সায়ৌ, অনোক টাকা পৗশি দানদো আতাং দেশাইপ্রিং লামা আৰা আপ্রোকঙি মাৰাপদোনি দানদোন চৗইবান বৗৰাইঙি টাকা পৗশিদো বৗদৗই তৌৱা গানা মাসা, নাত্নে ফাংসৗন থৗই থৗইচা। নাঙি মণ্ডলী মাজাৰাইবান ইগিন গানা অৱস্হা তৱা গামানাং ? দেশাই যি মণ্ডলীদো তি লাগেত জাক জমক হেংমৗন পাংতা উ মণ্ডলীদো আপ্রোকঙি দানমৗন, প্রৗনমৗন আৰা কান ৰৗমচিমৗন হামতানি আতাং দেশাইঙি টাকা পৗশিমৗন দংচা।

          টাকা পৗশি লাওঙি দ্বাৰাই বিশ্বাসীদোনি মান-ময্যর্দা আৰা বিশ্বাসবান মাইমৗন লৗইয়া, ইয়োন গদাগৗন বিপদ। লাওঙি দ্বাৰাই মাসান মাৰাপদোনি মন যগন্য/পৗমৗৰ সায়া। সাধু পৌলা ই বিষিনাই ইগিন গানা তৗৰৗঙা:

          দান, অনুদান লাওঙিয়ো নিৰিখৗন লাম তৗংনিং সাই নিগা; ১) যি মাৰাপদো দান লাওৱা বৰ মাসান গৗমৗনবান প্রস্ত্তত সাইমৗন পাংনিগা। নাং যদি টাকা পৗশি লাওৱা, মনে গাসাই উনি বৗদৗলাই নাং আত্মানি বৰ মাসানা যি মাকিদনিয়া মণ্ডলীঙি ভৗই জিনৌপাৰ যিৰূশালেমনি গৗমৗন দান গাসাইতানা উনি বৗদৗলাই অনোক যিৰূশালেম মণ্ডলীপ্রিং প্রাথর্নানি বৰ মাসতানা। দান অনুদান লাওঙিবান বিশ্বাসী খ্রীষ্টিয়ানদোনি মাজাৰাই পৗমৗৰ-গদা ভাৱ শুংশুঙি সকফৗই নিগিচা। নাত্নে দানমৗন নৗঙো আঙো দিপসিং জিন নিগা।

      a a a

 

দানো উতুং কৗমাই ব্যৱহাৰ সায়া?

 

“নাত্নে ঈশ্বৰনা কৗঞ্চৗকঙি লাওং সায়ৗন, যি ঈশ্বৰ তীতনি হাপাগ শুঙাই ননোকঙি গৗমৗন উগুনা যতন গাসাইঙি দান লাওতানা--- উনান গৗমৗন ননোকঙি হাসানি আৰা ননোং গৗমৗন নিঙি অৗদ্রুকঙি, ই অৗংনিংঙি পৰমানো মণ্ডলীদোনি মাহাঙাই অনোঙা তৗনৗক্লাও ।” (২কৰি ৮:১৬-২৪)।

যিবাই টাকা পৗশি তান্নি সয়া উবাই নিৰিখৗন চোৰ সাইঙি সম্ভৱনা তৱা, লোভ আৰা টাকা পৗশিনি দৗপৗন্নি কায়দাবান সায়মানা, খ্রীষ্টিয়ান মণ্ডলীয়ইবান ইয়ো প্রায় সায়া। মাৰাপনি হাপাগৱো পাপমৗন ফুংতানা, উনান গৗমৗন লোভৱো মাৰাপনি হাপাগাইপ্রিং হেঙান জৗৰচা। যি সময় পেনেম কৗম তৗৰৗই নাপা উ সময় নিৰিখৗন হেচাৱা অৗগচাক লাম তাম্পেং লাওৱা, উম্প্রিং উ দংচাৱোসে পেনেম গানা নৗকৗইমৗন মাৰাপৱা লাম বৗতা। মাৰাপদোনি পাপ মাজাৰাই টাকা পৗশি কৗৰনিবান গসা পাপ যিয়ো প্রায় মাৰাপদো উ পৰিক্ষাই ক্রৗইয়া।

          সাধু পৌলা খৗব জ্ঞানী উম্রা মাৰাপনি সমস্যাৱো পেনেমসা দাসমানা, মাৰাপৱা যে টাকা পৗশিনি প্রতি দুবর্ল তৱা উৱো উম্রা বুজৗইয়া। যিকুনু মাৰাপৱা জেলা টাকা পৗশি লাআ এবা তানা আপাইসা সাই এবা তৗক্রৗই সাই খৗৰ মান্নি গানা সুবিধা সাইৰৗন প্রায় মাৰাপদা উৱো হিচা, নেমচা ব্রাকৗইমৗন দাসমান বেনেন বান উ পৰিক্ষাইপ্রিং ৰেহাই মাঞ্চা। মাৰাপ জাতনাই আপাৱোসৗন দাসমানি আৰা অৗপিনি লাভসৗন চৗইঙি গেয়ান বৗদৗই তৱা।  উনান গৗমৗন সাধু পৌলা ইয়ো দাসমানাইমৗন অৗগচাকৗন সাৱধান গাসাই লাওতানা যি সময় কৰিন্হীয় মণ্ডলীঙি ভৗই জিনৌপাৰ যিৰূশালেমাইঙি খ্রীষ্টিয়ানদোনা দান লাওনা গৗমৗন টাকা পৗশি ৰুবুঙাই যেনো উ বিপদ অনোকঙাই সকফৗইচা। সাধু পৌলা উ মাৰাপদোনি মন বুজৗইমানাইমৗন বিপদ যাতে অনোকঙাই সকফৗইচা উনান গৗমৗন অৗউগ্রি মাৰাপ মিকতাম কৰিন্হীয় মণ্ডলীয়াংঙা বেসেত তানা, অনোকঙি দানদো ৰুবুংনা গৗমৗন। কাৰণ মাৰাপ পাঙাৰৗন খিৰনিগিচা।

ইবাইপ্রিং নাং তৗৰৗং মানা যে, মণ্ডলীঙি টাকা পৗশিনি বিষিনাই কুনু দিনাই আপাসৗন দায়ত্ব লাও নিগিচা আৰা লান নিগিচা। দানতোলাদো আপাসৗন কুনু দিনাই লেখেন নিগিচা মাৰাপ মৗংনিং এবা মিকতাম সায়ৰৗন নেমা কমায়ো, যাতে মাৰাপদো অবিশ্বাস গাসাইচা। উগুৰৗন অৗপিন গৗমৗন বান বিপদ কৗমৗঞ্চানা আৰা পেনেমসা বিশ্বাসী সাইমৗন পাং মান্না। ইয়ৗন সায়ৌ টাকা পৗশি তান্নি নিয়ম।

সাধু পৌলা যি বিশ্বাসী মিকতাম মাৰাপদো বাসাইতানা অনোক সায়ৌ তীত আৰা মুং লাৱৗইচা আতাং মাৰাপ মৗংনিং। অনোক ঈশ্বৰনা খিৰনি মাৰাপ আৰা ঈশ্বৰনি নিয়ম মানাইমৗন চলাইঙি মাৰাপ। ২কৰি ৮:১৬-২২)।

ই মিকতাম মাৰাপদো মাত্র টাকা পৗশি যত্ন গাসাইঙিসৗন দংচা নাত্নে অনোকৗন উ টাকা পৗশিদো লাইমৗন যিৰূশালেমাং লালাংমৗন উতুং তাক নিগা বেবাখন নিয়ম মতে তৗৰৗই লাওতানা। উনান গৗমৗন অনোক তয়তোঙাই  পৌলা কুনু আতাং চিন্তা গাসাই নিগিনচান আৰা অনোকৗন টাকা পৗশিদো ব্যৱহাৰ গাসাইঙি নিয়ম নীতি তৗৰৗং লাওতানা যাতে মাৰাপদোনি জীৱনাই টাকা পৗশিনি পিৰাই লোভ সাইচা আৰা পিৰাইপ্রিং চৗইমৗন পাংতোঙি ঈশ্বৰনা যাতে খিৰৗইমৗন পেনেমসা ধৰম পালাইয়া।

দ্বিতীয় গসা সাৱধান সাই নিগিনি সায়ৌ: মাৰাপদো টাকা পৗশিয়ো দাস মানাইমৗন দাসমাঞ্চা গানা অৗমৗনদা চিকা গানা খৰচ গাসায়া কুনু সময় কুনু দৰকাৰ তংচাৱোন গাজাপালাওৱা আৰা কুনু সময় হিচাৱ তংচা আৰা সাৱধান তংচা ব্যৱহাৰ গাসাইঙাই ঈশ্বৰনি মুঙাই দান লাওতানি টাকা পৗশিদো ইতিনৗন নষ্ট সাইমৗন লৗইয়া। দানদো নষ্ট সাইমানা জেলা টাকা পৗশি তান মাৰাপদো উ দাননি মানে দাসমাঞ্চা, উবায়ৗন টাকা পৗশি তেম্মি, খৗৰনি, চোৰনি সায়া। মণ্ডলীয়াই টাকা পৗশি লাইমৗন কেলেংকাৰী সাইঙি কাৰণ সায়ৌ দাননি মানে দাস মাঞ্চৗইমৗন আৰা যত্ন তংচাৱাই উ ঘটনা প্রায় নাং মণ্ডলীদায় ঘটায়মৗন পাঙা।

উনান গৗমৗন, খ্রীষ্টিয়ান মণ্ডলীঙি টাকা পৗশি তান্নি মাৰাপৱো বিশ্বাসী মাৰাপ বাসাইমৗন লাও নিগা, কাৰণ আত্মাৱাই পিৰতানি মাৰাপ দংচাৰৗন বিপদ সাইঙি সম্ভৱনা তৱা আৰা বিপদ ঘটাইঙি খৗব লায়া। টাকা পৗশি তান মাৰাপদোবান অনোক যাতে আপাসৗন চিন্তা গাসাইমৗন তৗৰৗইচা, নাত্নে নিৰিখৗন অৗগ্রৗম যাতে আলাপ আলোচনা মাজাৰাই তৗৰৗইয়া, হিচাৱ নিকাশ গাসাইমৗন যাতে খাটাৱাই জুকৗইমৗন পেনেমসা তানা, আৰা মণ্ডলীঙি লাও নিগিনি বাদজেটদো যাতে সময়নি মাজাৰাই দৗপ্রৗত মানা আৰা মণ্ডলীয়াই নিগিনিদো যাতে হিচাৱ গাসাইমৗন চলাইয়া। উনান গৗমৗন পৌলা ই বেবাখ সাইমান্নি বিপদ দাসমানাইমৗন মণ্ডলীঙি টাংগামদোনি গুণ বিগিনা সাই নিগা উৱো তীমথিনা ইগিন গানা জুকতানা:

“উগুনান সিবৗইং মাৰাপদোবান ননতম সাইং নিগা, যাতে ক্রৌ মুংনিং ব্রাকঙি, চকত নাৰামৗন পাঙি, চালাকমৗন লাভ মান্নি সাইচা, পেনেম শুংশুঙি বিশ্বাস/তুল্লুক বিষিন দাপাঙি মাৰাপ সাইং নিগা। পৰথমাই অনোকো থাক লানি সায়ৗন, জিখৗমাই দোষ তংচাৰৗনসৗন অনোক সিবৗইঙি কৗম (লিডাৰ/টাংগাম কৗম) তৗৰৗয়ৗন। সিবৗইঙি মিচিক মাৰাপজুংবান ননতম নিন্দৗইং মাসচানি, নিয়ম মতে স্বাহনি, বেবাখ বিষিনাই বিশ্বাসী সাইঁ নিগা। সিবৗইঙি মাৰাপদো সা-সাকসানি মিচিকনি মি সাইমৗন, অৗপিন আপানি স্বাজংদো আৰা নৗগৌ-হৗগৌদো পেনেমসা চলাইং মান্নি সাইং নিগা। আতাঙা যি মাৰাপদো পেনেমসা সিবৗইঙি কৗম তৗৰৗয়া, অনোক আপানং গৗমৗন পেনেম কৗমনি ভাৰ আৰা খ্রীষ্ট যীশুনি বিষিনাই বিশ্বাসাই বৗদৗই হাম মানা ।” (১তীমথি ৩:৮-১৩)।

a a a

 

খ্রীষ্ট বিশ্বাসীদো নিনি ইনি নিগিনি দাসমান নিগা।

 

“খৗন্তৗকৗন পিতাৰ মাৰপদো হামসা লাওঙি ক্রৌৱাই আং ননোঙা জুক নিগিচানা। আতাঙা ব্রাকৗৰৗন আং ননোঙি মনাইঙি শুং চেঙিয়ো দাসমানা; --- নিগিনি সাইঙা। ” (২কৰি ৯:১-৪)।

নাং মাজাৰাই তৗক্রৗই প্রচাৰক আৰা পাষ্টৰ তৱা যি মাৰাপদো মণ্ডলীঙি মাৰাপদোনি মাজাৰাই দান লাওঙি বিষিনাই শিক্ষা লাওং গংচা এবা পুনুকা। অনোকঙি শিক্ষা লাও গংচানি এবা ব্রাং গংচানি তৗক্রৗই কাৰণ তৱা। অৗদৗকদো দাননি বিষিন ব্রাকাৰৗন পৗশি সৗম্মি গানা সায়া গৗমৗন ই ক্রৌৱো ব্রাকঙোন গংচা। অৗদৗকদো ই ক্রৌৱো ব্রাকৰৗন মণ্ডলীঙি মাৰাপদো কাৰাপ মানা আৰা ৰাগ সাইঙা গানা শুংশুংমৗন ই ক্রৌৱো প্রকাশ গাসাইঙি খিৰা আৰা  উনান গৗমৗন ব্রাং গংচা। যিগিনাবান সাই, পৌল সাই এবা বাইবেল সাই ই বিষিনাই ব্রাং গৗমৗন হতং গাবাংচা। ই পিৰাই লাওতানি তাৰাই সাধু পৌলা কৰিন্হীয় মণ্ডলীয়াই ই বিষিনাই প্রচাৰ গাসাইতানা দান লাওঙি বিষিনাই। পৌলা প্রচাৰ গাসাইঙি চৗইবান বৗদৗই জৰলাওমৗন ব্রাকতানা দান লাওঙি বিষিনাই। দান লাওৱাইমৗন ঈশ্বৰনি ক্রৌ প্রচাৰ গাসাইঙি গৗমৗন।

পৌলা চিন্তা তৱা সাৰা বাসমাতাইঙি মাৰাপনি জীৱন গৗমৗন। আৰা পৌলা চিন্তা তৱা কৰিন্হীয় আৰা মাকিদনিয়া মণ্ডলীঙি মাৰাপদোনি জীৱন গৗমৗনবান। উনান গৗমৗন উম্রা বিৰাট সাৱধান অনোকঙি মাজাৰাই বিগিনা ক্রৌ ব্রাকনিগা উনি বিষিনাই। সানসা সময় পৌলা মাকিদনিয়া মণ্ডলীঙি দান লাইমৗন গৌৰৱ গাসাইতানা নাত্নে তি অনোক দাবানাংতা। উনান গৗমৗন সাধু পৌলা ঈশ্বৰ বিশ্বাসী মিকতাম মাৰাপ বাসাইমৗন অনোকঙি মাজাৰাং দিমসেতানা অনোকঙি দানদো ৰুবুংমৗন যি কৗমাই বাহায় নিগা উ হাদামাং বেসেন গৗমৗন।

উনান গৗমৗন ই বাইবেল পাঠৱাই নাঙা তৗৰৗঙা দি, পাষ্টৰদো মণ্ডলীয়াই দান লাওঙি বিষিন শিক্ষাবান লাও নিগা যাতে মণ্ডলীঙি মাৰাপদো নিৰিখৗন দান লাওঙি দাবাঞ্চা। দান লাওঙি গসা নিয়ম তৱা, উৱো সায়ৌ নাং যিয়ো ব্রাকা “পেহেং উৎসর্গা” ই পেহেং উৎসর্গাৱো ব্রাকাৰৗন নাং গৗমৗন নৗতৗম তৌচা সাইমানা, নাত্নে যি মাৰাপদো ই উৎসর্গানি অর্থ দাসমানা অনোক হলে কুনু দিনাই দাবাঞ্চা। পৌলা ইবাই ব্রাকনাপতোঙি ক্রৌৱো সায়ৌ, যীশুনি হাসানি মাৰাপনি গৗমৗন লাওতানি দান আৰা উৱো দাসমানাইমৗন উনি গৗমৗন দান বাৰ দাৱালনি। উনান গৗমৗন সাধু পৌলা উৎসা লাওতানা যে মণ্ডলীঙি মাৰাপদো মুঠসা, মুঠানিং ৰুবুংতানি মায় মায়ৰং সপ্তাহ দৗকৗন নাতেবা নাৰেট দৗকৗন ঈশ্বৰনি মুঙাই দান লাও মানৰৗন নেমা আৰা সপ্তাহইঙি নাতেবা নাৰেটৱাইঙি কামায় তানাইপ্রিং দান লাওমানৰৗন নেমা নাত্নে মানতানি আশিব্বার্দৱাইপ্রিং দশ মাংশ হলে হেঙান দাবান নিগিচা। চাংবা যদি দশ মাংশ লাওঙি দাবানা এবা দাসমানাইমৗনৗন লাওচা উবাই ঈশ্বৰা নাঙি ইনকাম, উপাজর্ন কম গাসাই লাওঙা। নাঙি যিপাংকায় যিনিষ তৱা বেবাখন ঈশ্বৰনি দান উনান গৗমৗন ঈশ্বৰনা ধন্যবাদ লাওং কাপচা এবা শুৰ কাপচা সাইৰৗনঅনোক অভিশপ্তবান সাইমানা। অৗপিন আপানি দান সাইমানা আপৗইসৗন এবা মণ্ডলীঙি দান বান সাইমানা বিৰাট কম নাত্নে পেনেমসা মন মৗন লাওতানি দানো ঈশ্বৰনি মৗকৗৰাই তৗক্রৗই ব্রাকৗইমৗন লেখেন সায়া। ঈশ্বৰা উৱো দুইগুণ তিনগুণ দাপ্লাগ মানা। ঈশ্বৰনি মুঙাই ৰুবুংতানি মণ্ডলীঙি বেবাখ দানদো বাদজেট লৌতানি গানা ১০০% ইউনিয়নাং জমা লাওং নিগা ঈশ্বৰনি ৰাজ্য দাপ্লাগঙি গৗমৗন।

তৗক্রৗই মাৰাপনাই অভিগতা তৱা যে দান লাওমানৰৗন বেবাখ চৗইবান বৗদৗই খুসী উবাইসে তৱা। আৰা মণ্ডলীয়াবান খাতাং গাসাইনিগা যে ১০০% দানো ঈশ্বৰনি গৌৰৱন গৗমৗন বাহাইঙি সায়ৌ মিচননি দ্বাৰাই এবা ইউনিয়ননি দ্বাৰাই। জেলা সাকসা ব্যক্তি এবা মণ্ডলীয়া অনোকঙি গল গাদাং মানা উগুৰৗন পিতাৰ আত্মানি খুসী অনোক নৗকঙা আৰা খ্রীষ্টৱো শান্তি খুসীমৗন অনোক সিবৗই মান্না।

যি মণ্ডলীয়া মিচন এবা ঈশ্বৰনি ৰাজ্য দাপ্লাগঙি গৗমৗন দান আগবাৰাইচা উ মণ্ডলীয়া আত্মাই চৗকুল। মণ্ডলীঙি যি মাৰাপদো আপ্রোকঙিসৗন দাসমানা আৰা ঈশ্বৰনি ৰাজ্য দাপ্লাগঙি কৗম তৗৰৗইচা এবা প্রচাৰ গাসাইচা অনোকঙাই চৗল্পাক তংচা আৰা মণ্ডলীবান আৰ,চি,চি, বিল্ডিং নৗগৌ সাইবেনেনবান চি’তানি মণ্ডলী ব্রাকৗইমৗন লেখেন সায়া।

মণ্ডলী বিসিংমৗন পাঙি লাম সায়ৌ নিনি ইনি পেনেম সাৰচা বিষিন দাসমানাইমৗন পাঙি, নৗঙো আঙো সহায় গাসাই জিন্নি। যি সময় সম্ভৱ সায়া মাত্র আপ্রোকঙি পাষ্টৰো বেটন লাৱাইমৗন চলাইঙিসৗন দংচা নাত্নে মানাৰৗন আপ্রোং জৗতিনি মাজাৰাইসৗন দংচা আতাং জৗতিনি মাজাৰাইবান প্রচাৰ গাসাইঙি গৗমৗন প্রচাৰক লাও বেসেত নিগা।

খ্রীষ্ট বিশ্বাসীদোনি বেবাখ চৗইবান দাসমান নিগিনি গদা ক্রৌ সায়ৌ, নিনি ইনি নিগিনি দাসমান জিন্নি। সাকসা মায় ইফিতোঙি মাৰাপনি গৗমৗন ঈশ্বৰনি ক্রৌৱো গদা দংচা উনি অক দুফুঙিসে গদা ক্রৌ। ইফিতোঙি মাৰাপৱা পেনেমসা ঈশ্বৰনি ক্রৌ নায় বেনেনবান উম্রা/উম্রাজুং নাচৰ তৗপমাঞ্চা। উ মায় ইফিতোঙি মাৰাপৱো শান্তি লাওং গৗমৗন চিকা নৗঙাইমৗন পেনেমসা অৗকু (গলং), ব্রাঙো ঈশ্বৰনি পেনেম ক্রৌ দংচা। উনান গৗমৗন মাৰাপনি ষ্টেণ্ডার্ড চৗইমৗন নিনি ইনি নিগিনি দাসমান্নি বিৰাট দৰকাৰ। ঈশ্বৰনি ক্রৌৱো হাসানি ক্রৌ, উনান গৗমৗন মাত্র ক্রৌসৗন ব্রাকৗইমৗন কৗম তংচাৰৗন মায় তালাই জেতনি গানা সায়া যি মাৰাপদো পেনেমো গুণ গায়চা।

                                        a a a

 

ঈশ্বৰনা লাওঙি চৗদুগ।

 

“উনান গৗমৗন আং ভৗইদো ইগিনা তমক নিগিনি গানা মানৌ, যাতে অনোক অৗগচাক ননোকনাঙা লৗয়া, আৰা অৗগিনাইংপ্রিং খীৰা স্বাহইতানি উ বৰ মাসান গানা দানো লৌভ গানা সাইচৗইমৗন, বৰ মাসাননি গানা তৗয়াৰ সাইমৗন পাঙা ।” (২কৰি ৯:৫) ।

          সাধু পৌলা ই তাৰাই ঈশ্বৰা খুসী মান্নি দাননি চৗদুগ ব্রিকায় প্রকাশ গাসাইতানা:

১) বেবাখ চৗইবান পৰথম সায়ৌ, যি দানো লাওঙি অৗগচাকৗন প্রস্ত্তত গাসাইতানা উবাই ঈশ্বৰা খুসীমানা। “উনান গৗমৗন আং ভৗইদো ইগিনা তমক নিগিনি গানা মানৌ, যাতে অনোক অৗগচাক ননোক নাঙা লৗয়া” (২কৰি ৯:৫)। তাৰমানে ইবাই তৱা নিগিনিদো চৗই নিগিনি। উতুংঙো নিগা উৱো পেনেমসা থাক লাইমৗন পাশ্রাইমৗন (বাশ্রাইমৗন) চৗই নিগিনি। ইবাই তৱা নিগিনিয়ো দংতিন্নি গৗমৗন যিপাংকায় পৰিমানায় নিগা উৱ জগায়মৗন ককদেকৗইমৗন তান্নি। খ্রীষ্ট বিশ্বাসী মাৰাপদো প্রভুনা তৗক্রৗই দান লাও মানা যুদি অনোক অৗগচাকৗন প্রস্ত্তত গাসায়া, লাও নিগা ব্রাকৗইমৗন দংচা নাত্নে হাসানিমৗন লাওৰৗন অনোকঙি হাপাগ শুঙাইপ্রিং তৗক্রৗই লাওমানা। দান লাওঙিয়ো ৰুববাৰ দৗকৗন গীর্জ্জাই ফংসা, ফংনিং দান লাওঙি তালাই দৗক্রৗই লাওঙিসৗন দংচা। নাত্নে যি মাৰাপদোনা গৗমৗন ঈশ্বৰনি ক্রৌ খৗব দৰকাৰ সাইতা আৰা ইফিতোঙি মাৰাপদোনা গাস্বাহইমৗন শুং কৗঞ্চৗং তিন্নি গৗমৗন। ইবাই আৰা দাসমান নিগিনি গসা ক্রৌ ইয়ৗন যে, যি জিনিষো নাং আপ্রোং গৗমৗন চলাইচা উৱো ঈশ্বৰনা গৗমৗন দান লাওৰৗন ঈশ্বৰো তাড়না আৰা অপমান গাসাইঙি সায়া, কয়িননি দান গানা। নাং নাঙি আপ্রোকঙি হাসানি মাৰাপনি গৗমৗন উতুংবান গসা জিনিস পৗৰৗইৰৗন তৗক্রৗই সময় বাসায়া আৰা পেনেমসা চৗইমৗনসে পৗৰৗয়া যেনো নাঙি হাসানিয়া নৗকৗইমৗন খৗব সৗনা আৰা খুসী মানা। ঈশ্বৰবান উগুন গানা পেনেমসা হাসানিমৗন বাসাইমৗন লাওঙিয়ো খৗব সৗনা।

          ২) দাননি দ্বিতীয় চৗদুগ সায়ৌ, দানো আতাং মাৰাপদোনি গৗমৗন আশিব্বার্দ মান্নি সাই নিগা। সাধু পৌলা ইবাই কৰিন্হীয় মণ্ডলীঙি “বৰ মাসানি গানা দান” নি ক্রৌ ব্রাকতানা। যি দানো কৰিন্হীয় মণ্ডলীঙিৱাৰা লাওমৗন তয়তানা উ দানো যিৰূশালেম মণ্ডলীঙি গৗমৗন আশীব্বার্দ প্রাপ্ত সাইতানা। যি দানো ঈশ্বৰা সৗনা আৰা হাসানিমৗন লাওতানি দানো মাৰাপদোনি গৗমৗন আশীব্বার্দ মান্নি সায়া।

          ৩) দাননি তৃতীয় চৗদুগ সায়ৌ, লাওং গৗমৗন “খীৰা” স্বাহইতানো লাওৰৗন ঈশ্বৰা খুসী মানা। অৗদৗক খ্রীষ্টিয়ানদো শুংশুঙা মাত্র চতংঙাই যিসো তৱা উসৗন লাওঙা ব্রাকৗইমৗন। নাত্নে পেনেম মান্নিয়ো উসৗন দংচা ভৱিষ্যতৱাই লাও নাপতোঙি দানোবান তিয়ৗন খীৰা স্বাহন মানা। যিয়ো লাইমৗন নিনি হাসানি চিন্ পৰিচয় সাইঙা। আপাইসা অৗগচাকসৗন কৰিন্হীয় মণ্ডলীঙি মাৰাপদো ঈশ্বৰনা লাওং গৗমৗন খীৰা স্বাহইতানা আৰা উমতে অনোক দানবান লাওতানা নাত্নে পৌলা ব্রাকতানা যি অনোকঙি মনাই উতুংবান তামপেংঙাইমৗন অনোকঙি খীৰা স্বাহইতানো লাওমাঞ্চা সাইতানা। চাংবান যদি খীৰা স্বাহইতানা ইপাং উপাং লাওঙা ব্রাকৗইমৗন উগাৰৗন উম্রা উসৗন দংচা বৗদৗইসে উম্রা দান গাসাই মান্না। খীৰা স্বাহৰৗন যিয়ো সপ্তাহই এবা নাৰেট দৗকৗন লাও নাপতা উৱো জৰাই ককদেকৗইমৗন তান মানা। আৰা লাপসা লাপনিং উ খীৰা স্বাহইতানো পেনেমসা লাও মানৰৗন আৰা বৗদৗই লাওং মান গৗমৗন পিতাৰ আত্মাৱা উনি শুঙাই তয়মৗন  সহায় গাসায়া, উবাইসে প্রকাশ সায়া প্রভুনি হাসানি বিপাংকায় তুহৱা আৰা বিপাংকায় চুৱা।

          ৪) দাননি বুসুন চৗদুগৱো সায়ৌ,  হাসানিমৗন সৗই নিগা, লাওং নিগা বাধ্যতা গৗমৗন দংচা। নাঙি দান লাওতানিয়ো খুসী মানাইমৗন সাই নিগা নাত্নে শুং মন গৗগ্রৗতৗইমৗন লাওঙি জিখৗমাই হাপাগ দালাম (বৗইৰাম) মান্নিমৗন দংচা। নাঙি লাওঙিয়ো ইগিন গানা সাই নিগা, নাং লাওৱা আতাংনা ব্রাকাৰৗন নাং হাসা, কাজানা লাও নিগা উনি গৗমৗন দংচা। ইদোন সায়ৌ দাননি ব্রিকায় চৗদুগ যিবাই ঈশ্বৰা পেনেম মানা আৰা সৗনা।

a a a

 

দান লাওৰৗন উ দানো মাইমৗন লৗইচা নাত্নে স্বৗর্গাই ৰুবুংঙি সায়া।

 

“নাত্নে আং ইয়োন ব্রাকাং, যি মাৰাপৱা আপাইসাসৗন কায়া, উম্রা আপাইসাসৗন হান্না; আৰা যি মাৰাপৱা তৗক্রৗই কায়া উম্রা তৗক্রৗই হান্না ।” (২কৰি ৯:৬) ।

ইয়ো খৗন্তৗকৗন সত্য যি মাৰাপৱা মায় চৗলিয়ো হাসাইমৗন নৗশিমৗন হ্বাৱাই ফুতচা তানৰৗন উ মায় চৗলি কাৰো নষ্ট সাইমৗন লৗইঙা উনান গৗমৗন অৗপিন আপানি সময় উৱো ফুত নিগা এবা কায় নিগা।যা যিগিন গানা কায়া উম্রা উগুন গানা হান্না। নাত্নে ই ক্রৌৱো উদাহৰণসে লাওতানি খৗন্তৗক ক্রৌৱো সায়ৌ, লাওঙি এবা “দান লাওঙি”। ই “দান লাওঙি”  ক্রৌ ব্রাকাৰৗনবান ভুল গানা মানা নাং জেলা ঈশ্বৰো হাসাইমৗন জিনিষ “লাওৱা”। “লাওঙি” শব্দ অর্থ সায়ৌ নাঙি বেবাখন গৗথৗই লাওঙি এবা গজক্লাওতানি। নাং জেলা যিকুনু জিনিষো আতাং মাৰাপনা লাওৱা, উৱৗই উ নাঙি এবা ইনি জিনিষো ইনি সাইচৌ আং যি মাৰাপনা লাওতানা উনিসে সায়ৌ। উবাই আৰা ইনি সত্ব তংচৌ। উনান গৗমৗন ঈশ্বৰনা লাওঙিয়ো নৗং উতুং বিগিনা শুংশুঙা? ঈশ্বৰনা লাওৰৗন নিনি যা তৱা নিনি দংচা নাত্নে ঈশ্বৰনিসে সায়ৌ। উনান গৗমৗন সম্ভৱ ই লাওঙি বিষিনো খৗব বুজৗইঙি ৰাকা গামানাং!

          পেনেমসা বুজৗইং মান গৗমৗন  ইয়ো আপাইস শুংশুংচিং যে সাকসা কৃষকৱা মায় কাৰ ফুতৗইং লৗইতোঙাই হুত্রাকৗইমৗন হেপৌ, আতাংনা ব্রাকাৰৗন উম্রা যি কাৰো ফুতৗইং লৗইতা উম্রা উৱো আৰা বালাইমৗন উগুন গানা গসৗন কাৰো আৰা মাসচৌ। তাৰমানে উম্রা উ কাৰো আৰা নৗকচানা উনি চতংঙাইপ্রিং মাইমৗন লৗইঙা উৱো ফুতনি জিখৗমাইপ্রিং। শুংশুংচিং উ মাৰাপনি হেপমো মাগাপা না মাগাপচা?  চাংবান মাৰাপৱা সেলহ্বাৱাং মায় চৗলি ফুতৗই  লৗইৰৗন কি হেপা নাতুং? সম্ভৱ সাকসাবান হেপচা গামানাং, আতাংনা ব্রাকাৰৗন উম্রা খুসী তৱা কাৰ ফুত ৰৗনসৗন উনি মাসান নিগিনি পুৰুস্কাৰ উম্রা মাসানা। উ ফুত তানি কাৰ জিপুৰ চি’নিগা উগুৰৗনসৗন তৗক্রৗই গুণাই উ কাৰাইপ্রিং থৗই মাসানা। ইয়োন সায়ৌ “লাওঙি” পৌলা তৗৰৗং লাওতানি দেহেক সৗন দংচা সাৰা বাইবেল শাস্ত্রৱাই ইয়োন তৗৰৗং লাওৱা।

          পৌলা ইবাই নাঙা তৗৰৗং লাওতা দি, দান লাওঙিয়ো কাৰ ফুতনি গানা: যিপাংকায় কাৰ নৗং ফুতা উপাংকায় আবাদ নাং মাসানা। হ্বা আবাদ মাসচাৰৗন এবা থৗই থৗইচাৰৗন নাং ঈশ্বৰনা দান লাওমাঞ্চানা! ঈশ্বৰনা দান লাওঙিয়োন সায়ৌ কাৰ ফুতনি গানা। যিপাং ফুতা উপাংকায় আবাদ মান্না।

          সাধু পৌল আপাসৗন ই কাৰ ফুতনি ক্রৌ ব্রাকচা। মথি ৬:১৯ তাৰাই খ্রীষ্টৱা ব্রাকতানি ক্রৌসে উম্রা চাচ দাৱাল তানা (ৰিপিট গাসাইতানা):

          “যি হাদামাই চং আৰা মামাৰা গাচামা আৰা চোৰবান হাকাৰ হতৗইমৗন চোৰা, ইগিনা বাসমাতাই অৗপিনি গৗমৗন ধন তা’ৰুং ।” ইবাই খ্রীষ্টৱা ব্রাকতানি ক্রৌ “ৰুবুং” ইনি মানে সায়ৌ লাওঙি। বেবাখ ঈশ্বৰনা দান লাওঙিয়ো সায়ৌ “ৰুবুংতোঙি” গানা এবা স্বৗর্গাই তানতোঙি গানা। যি দান নাং ঈশ্বৰনি কৗম তৗৰৗইং মাৰাপদোনা লাওৱা আৰা ঈশ্বৰনি গৌৰৱন গৗমৗন লাওৱা উৱো মাইমৗন লৗইচা নাত্নে বুসুঞ্চা লাগেত পাঙা। উনান গৗমৗন খৗন্তৗক ক্রৌৱো ইয়ৗন যে, নাং নাঙি চৗল্পাকনি গৗমৗন যিয়ো ৰুবুংতা উৱো সায়ৌ যিয়ো নাং ঈশ্বৰনা গৗমৗন দান লাওৱা। যিপাংকায় বৗদৗই দান লাওং মানা উপাংকায় পেনেম হাদাম স্বৗর্গাই নিনি গৗমৗন প্রস্ত্তত গাসাইঙি সাইঙা।

          ইগিন গানা গসৗন ক্রৌৱো মাইচাম নিয়মাইঙি লেখাইবান শিক্ষা লাওতানি নাং নৗকা। মাইচাম নিয়মাইঙি বুসুন লেখা মলাখীয়াই ঈশ্বৰা ইস্রায়েল মাৰাপদো দান লাওনা গৗমৗন কালাংতানা:

          “ইনি নৗগৌৱাই স্বাহননাং সাইঙি গৗমৗন ননোক ইনি চাসাংঙাই দশ মাংশদো (দানদো) লাফা;”  সিপাইদোনি প্রভুৱা ব্রাকতা, “আং ননোকঙি গৗমৗন ৰাংক্রাংঙাইঙি নাকাপ দাওনা দাওচা, আৰা হাদাম সাকচা লাগেত বৰ দৗক্রৗইনা দৗক্রৗইচা, উৱো দাসমান গৗমৗন ননোক ইমৗনৗন (দান লাওৱাই মৗনৗন) আঙো থাক লাইমৗন চৗই। আং ননোকঙি গৗমৗন নষ্ট গাসাইঙি মাৰাপৱো ধমক লাওঙা; উবাই উম্রা ননোকঙি হ্বাৱাই আবাদ নষ্ট গাসাইচানা, নাতেবা ননোকঙি বাগানাইঙি থৗই পাৰদো সময় সকচাৱাই থৗই সৰকাইমৗন লৗইচানা,” ইয়ো সিপাইদোনি প্রভুৱা ব্রাকতানা। (মলাখী ৩:১০-১১)। ঈশ্বৰা উনা দান লাও মাৰাপদোনা খীৰা স্বাহইতানা যে স্বৗগৗর্দাৱাইমৗন হাদাম সাকচা লাগেত অনোক বৰদো মাসানা। ইয়োন সায়ৌ সাধু পৌলা কৰিন্হীয় মণ্ডলীয়াই হ্বা আবাদ গাসাইঙি মৗন তিমলৗইমৗন ব্রাকতানি ক্রৌ। “যিপাংকায় নৗং ফুতনা উপাংকায় নৗং লামতোঙি গানা মাসানা”।

          উনান গৗমৗন ইনি হাসানি ভৗই জিনৌপাৰ, ৰংতেং মনমৗন দান লাও মান্নি, সাৱধাননাই আপাৱো শুংসাৰাং মনসাৰাং সাদলাক আৰা সালাই মনমৗন দান গৗথৗই, আতাংনা ব্রাকাৰৗন নিনি দানো কুনু দিনাই মাইমৗন লৗইচানা নৗং যিয়ো লাওতানা উনি তৗক্রৗই গুণাই নৗং মাসানা ই হ্বাৱাই আৰা স্বৗর্গাইবান।

a a a

 

শুংসাৰাং মনসাৰাং দান লাওৰৗন খুসী মানা।

 

“বেবাখ মাৰাপৱা অৗপিন আপা হাপাগ শুঙাই যিগিনা শুংশুঙা, উগুনান দান লাৱৗন, শুঙাই দুখ লাইমৗন এবা লাও নিগা ব্রাকৗইমৗন তালাও আতাঙা ব্রাকাৰৗন খুসী মানাইমৗন দান লাওঙি মাৰাপৱো ঈশ্বৰা হাসা ।” (২কৰি ৯:৭)।

সাধু পৌলা ইবাই ব্রাকতানা যে, বেবাখ মাৰাপৱা অৗপিন আপানি শুংমনাই যিগিনা ঠিক গাসায়ৌ উগুনা লাওনিগা। তাৰ মানে উম্রা উনি হাপাগ শুঙাইপ্রিং হাসাইমৗন যিগিনা ঠিক গাসায়ৌ উগুনা লাও নিগা। ইবাই গসা দাসমান নিগিনি ক্রৌ তৱা, নাং, নাঙি শুং মনাই যিগিনা পেনেম শুংশুঙা উগুন গানা হাপাগৱাইঙি ক্রৌবান মানায়নিগা নাত্নে নিনি লাওঙি ইচ্ছা যেনো চিক্রৌ সাইমৗন মাইমৗন লৗইচা উনি প্রতি সাৱধান সাইনিগা। ইয়ো আংবান দাসমানা আৰা অভিগতা তৱা মাৰাপনি মনাই পৰিবতর্ন সাইং গৗমৗন এবা চাঙি গৗমৗন বিপাঁকায় লায়া; চাহ তুংতুং চাঙি চৗইবান বৗদৗই চাং লায়া মাৰাপনি উৎসাহৱো। যদি মাৰাপদো অনোকঙি হাপাগৱাই শুংশুংতোঙি গানা মামাৰৗন চাঙি অৗগচাক খুসী মনাই লাওমানৰৗন, উ দানো গদা ব্রাকৗইমৗন লেখেন সায়া। নাত্নে তৗক্রৗই মাৰাপদো প্রায় সামায়মৗন সময় গৗত্লৗইয়া, আৰা উবায়ৗন অনোকঙি লাওঙি ইচ্ছা আৰা শুংমন চিক্রৌ চাঙাইমৗন লাও মাঞ্চা সায়া।

          জেলা নাঙি দান লাওঙি শুং বালবাকা উবাই দান লাওঙিবান লায়লায় শাল্লাই সাইচা আৰা হাপাগ বান “ৰংতেং ” বাম কাপচা সায়া। উ সময় তৗক্রৗই মাৰাপদো লাও নিগা ব্রাকৗইমৗনসে লাওৱা নাত্নে হাসানি আৰা ইচ্ছামৗন দংচা। ইগিন গানা দান লাওঙিয়ো ঈশ্বৰা সৗনচা আৰা পেনেম মাঞ্চা আতাংনা ব্রাকাৰৗন উৱো হাসানি আৰা খুসী মানমৗন দংচা। খৗন্তৗক দানো কুনু দিনাই খুসীৱাইপ্রিং জৰাই ককদেক মাঞ্চা আতাংনা ব্রাকাৰৗন হাসানিয়ো ইবাইপ্রিং দাহাই মাঞ্চা। হাসানি আৰা খুসী নিৰিখৗন জৗকসৗই মৗংনিং গানা অৗগ্রৗম পাঙা কুনু দিনাই জৰাই হাইমৗন লৗইচা। আং লাওচাৰৗন চাংবান মণ্ডলীঙি মাৰাপদা কাৰাপ মান্না এবা চাংবান মাৰাপৱা খৗব লাওং দিমতা উনান গৗমৗন আং/নৗং লাও নিগা, উগুনা দংচা। আৰা আং/নৗং বালাইমৗন মাসানা উনান গৗমৗন লাওঙা উবান শুংশুং নিগচা। নাত্নে বেবাখ চৗইবান গদা লাওঙি নিয়ম সায়ৌ খ্রীষ্টৱো “আং পেনেম মানা!”  সাই নিগা। পেনেম মান্নি আৰা হাসানিমৗন দান লাওঙি সাইৰৗনসৗন উবাই নিৰিখৗন খুসী তৱা। যিগিনা আমায় আৱাদো নৗগৗৱাইঙি হাসানি মাৰাপদোনা যিকুনু জিনিষ দান লাৱা আৰা মি মিচিক হাসানিমৗন দান লাওঙি গানা সাইনিগা উগুৰৗনসৗন লাওৱাই নিৰিখৗন খুসী সায়া।

          ঈশ্বৰনি মুঙাই দান লাওঙো খ্রীষ্টৱো হাসাইমৗন লাৱৌ গৗমৗন খুসী মানা আৰা উসৗন দংচা, নাত্নে আতাং মাৰাপদো হাসাইমৗন খুসী মান্নি সায়া আতাংনা ব্রাকাৰৗন খ্রীষ্টনি গৗমৗন যি দান নাং লাওৱা উৱো নিৰিখৗন আতাং মাৰাপদোনি নিগিনি  পুৰণ গাসাইঙি সায়া আৰা অনোকঙি সানি বৰনিদো পৗংকুৰ গানা লাৱাইমৗন তেনেমি সায়া। খ্রীষ্টনা সাই এবা আতাং মাৰাপনা সাই এবা গৰীৱ, কানা খুজা, লেংগ্রা, চৗকুলদোনা হাসানিমৗন লাওৰৗন বিপাংকায় খুসী মানা উৱো বর্নায় মাঞ্চা উৱোসে খৗন্তৗক দান লাওঙি। দান লাওঙো কুনু গসা মাসান আশাই লাওং নিগচা কাৰণ উগুন গানা লাওঙো দান ব্রাকচা, ধৗৰসে ব্রাকা। ঈশ্বৰা নাঙাইপ্রিং ধৗৰ লামচা, ই সাৰা বাসমাতাৱো উনি, উনান গৗমৗন নাং যিয়ো দান লাওৱা উৱো নাঙি আপ্রোঙি মাৰাপ জৗতিনি পেনেমন গৗমৗনসে উম্রা পেনেমো কামনা গাসাইমৗন অনুৰোধ গাসায়া খুসীমনায় দান লাওং গৗমৗন। লাওৰৗন উমৗন জিংচানা উম্রা বেবাখঙিন মালিক।

          বুসুনাই, লাওৰৗন নিৰিখৗন খুসী মানা, আতাংনা ব্রাকাৰৗন লাওঙি সায়ৌ ঈশ্বৰনি ইচ্ছা, আৰা ঈশ্বৰনি ইচ্ছা মানাইমৗন তৗৰৗইৰৗন খুসীয়ো কুনু দিনাই বুসুঞ্চা নাঙি মাৰাপনি জীৱনাই। “খুসী মনাই লাওং মাৰাপৱো ঈশ্বৰা হাসা ।” খুসী মনাই লাওং মাৰাপৱা সায়ৌ খৗন্তৗক দান লাওং মাৰাপ যি মাৰাপৱা খৗন্তৗক আত্মামৗন দান আগবাঢ়াইয়া উম্রা ঈশ্বৰনি খৗন্তৗক স্বা। আৰা উগুন গানা দান লাওঙো ঈশ্বৰা পেনেম মানা আৰা হাসা। পেনেমসা দান লাওঙি  মণ্ডলী নিৰিখৗন খুসীমৗন ফুঙা।

a a a

 

 

চাংবা ঈশ্বৰো হাসাৰৗন উম্রা খুসীমৗন জৗব্লৗপা।

 

“আৰা ঈশ্বৰা ননোকঙা জৰাই জৰাই দয়া দুফুংলাওং মানা; যাতে বেবাখ বিষিনাই নিৰিখৗন ফুংমৗন পাংমৗন, ননোক বেবাখ পেনেম কৗমাই জৗব্লৗপৗইমৗন পাংঙা।” (২কৰি ৯:৮)।

          বাইবেলাই নাঙা দুনা যে, নাঙি যি ধন-সম্পত্তি তৱা যিয়ো লাইমৗন নাং গদা-হাৱাই ৰাসান সাকা উৱো কুনু দিনাই খৗন্তৗক সম্পত্তি দংচা। যীশুৱা সাকসা মাৰাপনি গল্প দুনতানা, যি মাৰাপৱা যিপাংকায় মানা হ্বা দখল গাসাইমৗন বিৰাট নৗগৌনাং মাৰাপ সাইং গৗমৗন। উম্রা তৗক্রৗই শেলহ্বা পৗৰৗইমৗন বিৰাট গদাগৗক মায় চাসাং বানায়ৌ মায় তান গৗমৗন। মাৰাপদোনি মৗকৗৰাই উম্রা বিৰাট ধনী আৰা উনান গৗমৗন মাৰাপদা উনা বিৰাট মান লাওৱা ধনী (নৗগৌনাং) আৰা মাহাজন ব্রাকৗইমৗন। নাত্নে যীশুৱা উৱো সাকসা “মুর্খ্য” ব্রাকৗইমৗন ব্রাকতানা। নৗং বিগিন গানা মানা, যীশুৱা কি পাগাল নাতুং উ ধনীয়ো “মুর্খ্য” ব্রাকতানো ? উ মাৰাপৱা খৗন্তৗকৗন মুর্খ্য আতাংনা ব্রাকাৰৗন উম্রা কুনু দিনাই চিন্তা গাসাইংচা যে উম্রা চি’ন নিগা। উম্রা আতাং মাৰাপৱো দাসমাঞ্চা উতুং হুসুক উতুং মৗমুং অৗপিনসৗন দাসমানা, দান দক্ষীনা উনাই তংচা, অৗপিন গৗমৗনসৗন উম্রা তৗক্রৗকায় ৰুবুঙৌ নাত্নে বেবাখন তামৌ (মাসচৌ)। হায়! উম্রা যুদি দয়ালু মাৰাপ সাইমৗন গৰীৱ আৰা নিগিনি মাৰাপদোনা দানদো লাওৰৗন উম্রা উদো বুসুঞ্চা লাগেত তান মানমৗন। আৰা উনি হাসানিদো মাৰাপদা গুণ গায়মৗন, উনি মুঙো চি’নি জিখৗমাইবান হেংমৗন পাংমৗন আৰা উনি ধন সম্পত্তিদো ঈশ্বৰনা গৗথৗই তানাৰৗন উম্রা অৰা মাসানমৗন নাত্নে তি উনি চি’নি লৗ-লৗগৗন বেবাখ কামায়তানি চিকাই গ্রৗমৌ। উনান গৗমৗন যীশুৱা উৱো সাকসা মুর্খ্য মাৰাপ ব্রাকৗইমৗন ব্রাকতানা, কাৰণ যি মাৰাপৱো বেবাখ মাৰাপদা খৗব খিৰতানা বিৰাট ধনী ব্রাকৗইমৗন খৗন্তৗকৱাই উম্রা বেবাখ চৗইবান বিৰাট গৰীৱ ঈশ্বৰনি মৗকৗৰাই।

          ঈশ্বৰা নাঙি ধন-সম্পত্তিয়ো বিপাংকায় তানা উৱো লেখেচা, নাত্নে নাং বিপাংকায় লাওৱা উৱোসে চৗইয়া। উনান গৗমৗন সাধু পৌলা ইবাই তৗৰৗং লাওতানা যে, ঈশ্বৰা নিনি পিৰাই বৰ লাৱৗন নিৰিখৗন পেনেমসা দান লাওং মান গৗমৗন আৰা উৱো নিনি গৗমৗনসৗন দংচা নাত্নে মাৰাপদোনি গৗমৗনবান যাতে উবাই ঈশ্বৰনি মুং প্রশংসা আৰা গৌৰৱ সায়া।

          ঈশ্বৰা নাঙা তৗক্রৗই লাওতানা ই জগতৱাই হেঙাইমৗন পাং গৗমৗন যাতে নাং উনা লাওৱাইমৗন উৱ প্রশংসা গাসাই মানা। নাত্নে তৗক্রৗই খ্রীষ্টিয়ানদো ইদো বাসাৰ দৗজৗমাইমৗন লাআ। মাহাঙো জিখৗমাংসে সায়া।

          গসা বিষয় বেবাখ মণ্ডলীঙি মাৰাপদো দাসমান নিগিনি ক্রৌৱো সায়ৌ ইয়ৗন দি, ঈশ্বৰা ইতিনৗন প্রতিজ্ঞা স্বাহচা তৗক্রৗই লাওঙা ব্রাকৗইমৗন। নাং উনা তৗক্রৗই লাওৱাইমৗন উৱো প্রশংসা গাসাই মান্না ব্রাকৗইমৗনসে উম্রা নাঙা তৗক্রৗই লাওনা গৗমৗন খীৰা স্বাহইতানা। উনান গৗমৗন নাং ঈশ্বৰো গশ্লাই নিগিচা যিপাংকায় মানা উনা গৗথৗইলাওংমান গৗমৗন চেষ্টা গাসাই নিগা। সাৰা বাসমাতাইঙি ধনী মাৰাপদোসে দান লাওং নিগা ব্রাকৗইমৗন নিনি দানলাওঙি মনো তা’দাৱাল। ঈশ্বৰা নাঙো চৗইং নাপা নাং উৱো বিপাংকায় হাসা উৱো দান লাওঙি চৗদুগৗমৗন প্রমাণ সায়া।

          নিনি জীৱনাই নৗং ঈশ্বৰনা বিপাংকায় লাওমানা উৱো প্রমাণ লাইমৗন চৗই নাপা কনায়? না, নিনি জীৱনাই নৗং অৗপিনি গৗমৗন বিপাংকায় মানা ৰুবুং গৗমৗন চেষ্টা গাসাইতা? সাকসা মাৰাপৱা ফালাংগী (ব্যৱসায়) গৗমৗন গসা জৗগাং লৗইতানা, উবাই উনি কম্পানিয়া উৱো সৗংতানা উম্রা বিপাংকায় টাকা গাজাপৌ উৱো। নৗং উতুং শুংশুঙা, উ মাৰাপৱা কম্পানিঙি টাকাৱো বিপাংকয় গাজাপ বিয়া? নাং জেলা স্বৗর্গাই সকাইঙা উবাই ঈশ্বৰা নাঙো সৗংঙা অৗপিনি গৗমৗন বিপাংকায় টাকা নাং তানতানা! যি মাৰাপদো ঈশ্বৰনি গৗমৗন গাজাপতানা এবা প্রচাৰনি গৗমৗন গাজাপতানা অনোক উবাই (স্বৗর্গাই) বিৰাট নৗগৌনাং সাইঙা।

a a a

 

 

দান লাওৰৗন ঈশ্বৰা আৰা বৗদৗই বৰ লাওৱা।

 

“যেগেনা জুকতানি তৱা, ‘উম্রা ফাইলাওৱৌ, গৰীৱদোনা দান লাওৱৌ, উনি ধৰম নিৰিখৗন পাঙা।’ যি মাৰাপৱা ফুতনি গৗমৗন কাৰ আৰা স্বাহনি গৗমৗন ৰনজক জতাই লাওৱা, উৱৗন ননোকঙা ফুতনি গৗমৗন কাৰ জতাইমৗন বৗদৗইতিন্না আৰা ননোকঙি ধামির্কনি থৗই বাৰাইতিন্না। ” (২কৰি ৯:৯-১০) ।

যোহন ব্রাকঙি মুঙাইঙি সাকসা যুবক মাৰাপ তৱা, যি মারাপনা ঈশ্বৰা পেনেমসা টাকা বানাইঙি গৗমৗন দৗকৗম লাওতানা। উনি দিংকিনি (লক্ষ্য) তৱা ৩০ বৗসৗৰ বয়স সাইঙি অৗগচাক উ হাসংঙাইঙি মাৰাপদোনি মাজাৰাই বেবাং চৗইবান ধনী মাৰাপ সাইঙি গৗমৗন। উম্রা যি সময় ২৭ বৗসৗৰ বয়স সায়া, ঈশ্বৰনি পিতাৰ আত্মা উনি হাপাগৱাই দাঙাইমৗন উনি বেবাখ জীৱন খ্রীষ্টনা গৗমৗন দান গাসায়ৌ। উম্প্রিং উনি সঙাইঙি মাৰাপদোনি মাজাৰাই বেবাখ চৗইবান ধনী সাইঙি লক্ষ্যৱো উম্রা বাকাই লাৱৌ, আতাংনা ব্রাকাৰৗন উম্রা অনুভোৱ গাসায়ৌ উম্রা তি অৗপিনি দংচা উম্রা খ্রীষ্টনিসে, উনি যিপাংকায় তৱা বেবাখন খ্রীষ্টনি। উম্প্রিং উম্রা অনুভোৱ গাসায়ৌ খ্রীষ্টৱা উৱো পাষ্টৰ কৗম তৗৰৗইং গৗমৗন কালাংতা উনান গৗমৗন উনি যিপাংকায় ঈশ্বৰা লাওতানি ধন সম্পত্তি তৱা উ বেবাখন ঈশ্বৰনি ধন ব্রাকৗইমৗন মণ্ডলীয়াই দান লাওৱাইমৗন উনি জীৱন প্রভুনা গৗথৗইমৗন খুসী মনাই জীৱন যাপন গাসাইং গৗমৗন লাঔ। যি সময় উম্রা ৩০ বৗসৗৰ বয়স সায়া উ সময় লাগেত উম্রা খ্রীষ্ট যীশুনি গৗমৗন ১০ কৌটি টাকা মণ্ডলীয়াই দান গাসাইয়ৌ।

          সাধু পৌলা ইবাই ইগিন গানা ব্রাকনাপতা যে, যি মাৰাপদো বিশ্বাসমৗন প্রভুনা দান গাসায়া, প্রভুৱা অনোকনা আৰা বৗদৗই বৰ লাওৱা। পৌলা ই ক্রৌৱো ইগিন গানা ব্রাকতানা, “উৱৗন ননোকঙা--- জতাইমৗন বৗদৗইতিন্না আৰা ননোকঙি ধামির্কনি থৗই বাৰাই তিন্না ।” তাৰমানে যি মাৰাপদো বিশ্বাসমৗন দান লাওৱা আৰা বৗদৗই লাওংমান গৗমৗন আশীব্বার্দ গাসায়া।

          যিগিনাবান সাই, ঈশ্বৰনি প্রতিজ্ঞা ইয়ৗন যে, “নৗং যুদি দান লাওৱাইমৗন পাঙা উগুৰৗন ঈশ্বৰাবান নৗনা বৗদৗই লাওমান গৗমৗন বৗদৗইসে বৰ লাওংঙা ।” উম্রা নিনি সম্পত্তি আশীব্বার্দ গাসাইঙা আৰা ফুতনি কাৰো বৗদাইংপ্রিং বৗদৗই বৃদ্ধি গাসাই লাওঙা। প্রভুনা দান লাওং গৗমৗন নিনি ধনী সাইঙি গৗমৗন সাম নিগচা। বেবাখ খ্রীষ্টিয়ান মাৰাপৱা ঈশ্বৰনা দান লাওঙি নিয়ম দাসমান নিগা উনি ধন সম্পত্তি আৰা আয়দো চৗইমৗন যাতে ঈশ্বৰা নাঙি পিৰাই দু:খ মাঞ্চা। নৗং যুদি ঈশ্বৰনা লাওং কাপা উগুৰৗন ঈশ্বৰাবান নৗনা জৰুৰ লাওঙা নিনি শুংশুংতোঙি চৗইবান তৗক্রৗই গুণাই বৗদৗইবান সাইমানা।

a a a

 

দান লাওং মাৰাপৱা ঈশ্বৰনি হাসানি মাৰাপ সায়া।

 

“ইগিনান ননোক বেবাখ দান লাওং গৗমৗন বেবাখ বিষিনাই ধনী সাইঙা আৰা ই দান লাওঙিয়োন নিঙি দ্বাৰাই কৗঞ্চৗকঙি লাওং সায়া।” (২কৰি ৯:১১)।

          চাৰা মুঙাইঙি সাকসা মিচিক আমায় মুকতুং কাবলাং তৱা। উম্রা আপৗন অৗপিনি জীৱনাই কুনু আশা নৗকচা। উনান গৗমৗন উম্রাজুং আতাং মাৰাপদোবান পেনেমসা শান্তিয়াই পাংনা হেং লাওচা। সঙাইঙি মাৰাপদো জাসৗং জাসৗং উনি হুচিং কবেল সায়ৌ। উনি মতেৰৗন, উনি মিয়া সংসাৰ চলাই মান্নি গানা টাকা পৗশিদো কামায় মাঞ্চা। নিৰিখৗন দুখিৰ কলতাং নৗগৌৱাং বালা। মৗনৌ ৰাসানলৗই মুঠানিং মায় হৗবুক তুন গৗমৗন স্বাহকাপচা (চাদংচা)। উনি কান্নি চুন্নি সকোকবান ৰানসেক ৰান্তাপ দংচা কেন্ত্রাক কুন্ত্রুক তাৰাকতানি। নগম অৗপিনি বেমাৰোবান বৗলৗই বৗলৗই মাৰাপদোনা দুনা মাৰাপদা নৗতৗম জিংচা ৰাওৱা। উনি হুচিং পাল্লেং তেল শলাই শলাই তৗলৗই হুচিং গকচা, মাৰপদোনি সুখ শান্তি সেকাইমৗন বাকাইলাওং গৗমৗন যিগিনা মান মাসান নিগা মাৰাপ হিচাৱাই উম্রা মাসচা। উম্রা যিগিনা কাৰ ফুতা উগুন গানা থৗই উম্রা মাসা। উম্রা বিগিনা তৱা বিয়ৗং লৗইতা মাহাং বাবাই নৗক বেনেনবান সাকসাবান উৱো সৗংচা আৰা গাসাংচা।

          চাৰানি সমস্যাৱো সায়ৌ উম্রাজু আপাৱোসৗন দাসমানা, অৗপিনো সৗন ঠিক গানা মানাইমৗন নিৰিখৗন আতাং মাৰাপদোনি ক্রৌ গৗশ্রৗনা। উনান গৗমৗন উম্রা কুনু আতাং মাৰাপদো জিতিয়াবান সাই হেঙান সহায় গাসাই মাঞ্চা। উম্রা আপাৱোসৗন দাসমান গৗমৗন আতাং মাৰাপদা উৱো হাঅৗউ আৰা ফাকৌ (হেঙান সৗনচৌ)। যি মাৰাপদো গটাখাওৱা ফাইমৗন স্বাহন কাপচা আতাং মাৰাপদা উৱো হেঙান সৗনচা সায়া।

          সাকসা মুং দাংকা লেখা জুক মাৰাপৱা নৰকৱো ইগিন গানা ব্রাকৗইমৗন প্রকাশ গাসাইতানা যে, নৰকৱাইঙি কষ্ট চৗইবান সাকসা মাৰাপৱা ঈশ্বৰ চাকাই ককদেকৗইমৗন হেত্রাক মাসতানি কষ্ট জীৱনো বৗদৗই সৗইমাঞ্চা। হেংতোঙি জীৱনাই নৰকৱাইঙি বাৰো হাপাগৱাই পাকাৰৗন চাং সৗইমান্না!

          যিকুনু মাৰাপৱা আতাং মাৰাপৱো হাসাৰৗন অনোকঙি মন শুং ৰংতেংঙোন আপৗন কবেল সায়া আৰা চিকা দাংচাৱোন হাসানিমৗন গৗচলৗইমানা। উনান গৗমৗন যি মাৰাপদো হাসান কাপা অনোক দান লাওং কাপা অনোকঙি ৰংতেং শুং আপৗন বৗইমৗন লৗইয়া। ঈশ্বৰা হাসান মাৰাপনি মৗকৗৰো আতাং মাৰাপৱো নৗকঙি গৗমৗন দাওলাওৱা। হাসান কাপাৰৗনসৗন ঈশ্বৰনি লাওতানি আজ্ঞা পুৰা সায়া। হাসান মাৰাপ আৰা দান লাওং মাৰাপদো অনোকঙি হাপাগৱাই অনোক বিৰাট ধনী সায়া অনোকঙি বেবাখ জীৱনাই।

          যি মাৰাপদো ঈশ্বৰো হাসাইমৗন দান আৰা দশ মাংশদো লাওৱা ঈশ্বৰা অনোকো মাত্র ই জগতৱাইসৗন ধনী গাসাইঙা ব্রাকৗইচান নাত্নে স্বৗর্গাইবান অনোক ধনী সাইঙা।

          পৰথম, হাসাইমৗন দান লাওং মাৰাপদোনি হাপাগ শুং কৗঞ্চৗকা যি সময় অনোক আতাং মাৰাপদোনি সা’নি বৰনি দু:খদো সহায় গাসাইমৗন কৗঞ্চৗকতিন মানা। দান মাসান মাৰাপনি খুসীয়াই লাওং মাৰাপনি শুং মন খুসী সায়া।

          দ্বিতীয়, হাসাইমৗন দান লাওঁ মাৰাপদোনি হাপাগ শুং কৗঞ্চৗকা যি সময় পিদান মণ্ডলী দৗমা। তৗক্রৗই খ্রীষ্টিয়ানদো অৗপিনি নৗগৌ, সং, আৰা মণ্ডলীনি বৗৰাই আতাংদো শুংশুংচা। নাং নাঙি খ্রীষ্টিয়ান হাসানিদো ফাজিনৰৗন ঈশ্বৰনি আচৰিত মহিমা আৰা প্রশংসা নৗকা।

          তৃতীয়, হাসাইমৗন দান লাওং মাৰাপদোনি হাপাগ শুং কৗঞ্চৗকা, যি সময় অনোক খৗন্তৗক নিগিনি মাৰাপদোনা গৗতৗইলাওংমানা। নাং যিপাং লাওং মানা উপাংকয় হাসানি নাঙি জীৱনাই নৗকা।

a a a

 

নাঙি দানাইপ্রিং ব্রিকায় পেনেম কৗম সায়া।

 

“আতাঙা ই দান লাওমৗন হামসা লাওং কৗমা পিতাৰ মাৰাপদোনি অভাৱ দুফুং লাওৱৌ, উসৗনবান দংচা, নাত্নে তৗক্রৗই কৗঞ্চৗকঙি সুৰনি দ্বাৰাই ঈশ্বৰনি গৗমৗনবান জৗব্লৗপৗইমৗন পাংতা। ই হামসা লাওঙি কৗমাই থাক লাইমৗন--- অনোক ঈশ্বৰো দুৰুকৗইমৗন পাংতা।” (২কৰি ৯:১২-১৩) ।

সাধু পৌলা ই সময় উনি দান লাওঙি গৗমৗন শিক্ষাৱো প্রায় দুসুন নাপতা উনান গৗমৗন ব্রিকায় পেনেম কৗম প্রকাশ গাসাইতানা বেবাখ খ্রীষ্টিয়ান হাসানি আৰা খুসী মনাই লাওঙি দানাইপ্রিং। ই তাৰো ইগিনাবান জুক মানা, “ননোকঙি দানো মাত্র যিৰূশালেমাইঙি বিশ্বাসীদোসৗন মাসতা উৱোসৗন দংচা, নাত্নে ঈশ্বৰনা ধন্যবাদ লাওঙি প্রকাশ সায়া। ননোক যে ঈশ্বৰো বিশ্বাস গাসাইমৗন খ্রীষ্টনি পেনেম ক্রৌ মানাইমৗন যিৰূশালেমাইঙি বিশ্বাসীদো ঈশ্বৰো প্রশংসা গাসাইঙি গৗমৗন দান লাওতানা ইয়ৗন প্রমাণ ।”

বেবাখ চৗইবান পৰথমাই, বেবাখ খ্রীষ্ট বিশ্বাসীদোনি দানৌ নিগিনি মাৰাপদোনি হাপাগ কৗঞ্চৗকতিনা আৰা সহায় গাসায়া। ঈশ্বৰনি শাস্ত্রৱাই উম্রা নাঙা দুনা দি, গৰীৱদো উনাই বিৰাট মুল্যবান আৰা জেলা নাং উ গৰীৱদো সহায় গাসায়া, উ সময় নাং উনা হাসানি তৗনৗকা (মথি ২৫:৩১)। নিগিনি মাৰাপ এবা গৰীৱদোনা দান গাসাঙো ঈশ্বৰনা দেমতং দান গাসাইঙি গানা। যি সময় যিকুনু মাৰাপনি মনাই ই ক্রৌ শুংশুঙা অনোক আৰা বৗদৗইপ্রিং বৗদৗই দান লাও মানা। সাকসা গৰীৱ মাৰাপৱো শ্রদা গাসাইঙো ই জগতৱাইঙি ত্রাণকর্ত্তা গানা নাং মানাইনিগা। আৰা নিঙি যি কুনু পৗমৗৰ-গদা সহায় লাওঙি দানো ঈশ্বৰনা শান্তি লাওৱা।

গৰীৱ কোচাদোনি মাজাৰাই, আপাইসা মণ্ডলীঙি দানলাও মানৰৗনৗন কানাইঙি অভাৱ গৗজৗৰনি সায়া। সহায় দান লাওঙি মৗন অৗগ্রৗম নৗঙি নৗগৌ নকতেন নগসাৰদোনা আত্মানি নিগিনিবান নাং দুফুং লাওমানা।

দ্বিতীয় সায়ৌ, দান লাওংঙো মাত্র নিগিনি মাৰাপদোনি শুং কৗঞ্চৗং তিন্নিসৗন দংচা, নাত্নে ঈশ্বৰা নাং গৗমৗন তৗৰৗইতানি মুক্তিনি কৗমান গৗমৗন ধন্যবাদ লাওঙি সায়া। ধন্যবাদৱো তৗক্রৗই মাৰাপৱা লাওং মাঞ্চা নাং পাপী মাৰাপনি হতংঙাইপ্রিং ধন্যবাদ ক্রৌ পতংবান খৗব ৰাকা। সানসা চিনিং যীশুৱা দশ জন কুষ্ঠৰোগী মাৰাপ অৗগ্রৗম তেনেমতানা, নাত্নে অনোকঙি মাজাৰাই মাত্র সাকসাসৗন মাৰাপৱা যীশুনা ধন্যবাদ শুৰনা ফৗইতানা। অৗদৗক ৯ জন নেমতানি মাৰাপদো হলে যীশুনি আচৰিত তেনেমলাওতানি কৗমো গুণ গায়চৌ, উনান গৗমৗন অনোক আৰা শুং কৗঞ্চৗকচৌ। কৗঞ্চৗকঙি লাওৰৗন শুং মন কৗঞ্চৗকা। কৗঞ্চৗং শুৰ কাপমি মাৰাপনাই গানা আতাং মাৰাপনাই উগুন গানা শান্তি তংচা।

তৃতীয় সায়ৌ, দান লাওঙিমৗন নাং ঈশ্বৰো প্রশংসা গাসাই মানা। আং দাসমানা যিকুনু সময় নাং ই জগতৱাইঙি ৰংগমুতিনি (প্রাকৃতিকনি) চৗইতৌঙি নৗকা; নৗং আপাসৗন চৗইমৗন অৗকৗৰচৗপ পাংচা গামানাং সম্ভৱ নৗং নিনি হাসানিনা তৗনৗং গৗমৗনবান চেষ্টা গাসায়া। নাত্নে উন চৗইবান আৰা ভৗদৗই নেমা আৰা চৗইতৌঙি সায়ৌ ঈশ্বৰা। খ্রীষ্টিয়ান মাৰাপদোনি আশাৱো ইগিনা সাইনিগা যে আতাং মাৰাপদো যাতে খ্রীষ্ট যীশুৱো বঙা। ইয়ৗন সায়ৌ ঈশ্বৰো গৌৰৱ গাসাঙি। সাধু পৌলা নাঙা দুনা দি, নাং আতাং মাৰাপদো নাঙি কৗম আৰা চৗদুগনি দ্বাৰাই ঈশ্বৰো নৗকমান্নি তাক নিগা। নাং যুদি উ আতাং মাৰাপনি মন জয় গাসাইনাপা উগুৰৗন যিপাংকায়মানা উ মাৰাপনি নিগিনিদো লাওৱাইমৗন তৗনৗক নিগা যে ঈশ্বৰনি দানোন গৗমৗন কৃত্বগতা তৱা উৱো।

বুসুনাই, নাঙি দানো পিতাৰ আত্মানি দ্বাৰাই লাওঙি প্রকাশ সায়া নাঙি হাপাগৱাই। পিতাৰ আত্মানি দ্বাৰাই দান লাওঙো নাং নৗকা খুসীমনাই দান লাওঙি দ্বাৰাই।

a a a

 

দানমৗন ঈশ্বৰনি হাসং দাপ্লাক মানা।

 

“আৰা ননোং গৗমৗন ঈশ্বৰনি গদাগৗক দয়ান গৗমৗন, অনোক ননোং গৗমৗন সেওহে-হেপৗইমৗন ননোং গৗমৗন শুংশুংতা।”(২কৰি ৯:১৪)।

পিদান নিয়মাইঙি গদাগৗক গসা সমস্যাৱো সায়ৌ, ভাৰতৱাইঙি জাত-বিজাত গদা-পৗমৗৰ জাত লাইমৗন মণ্ডলী সমস্যা সাইঙি গানা। পৌলনি দিনাইবান যিহুদী আৰা পৰজাতি মাজাৰাই বিৰাট গদাগৗক তৗম (ধৗৱৗন) সায়মৗন তয়তানা। যিহুদীদা পৰজাতিয়ো পৗমৗৰ জাত, কান গকঙি হিচা, বৗদু (চুৱা) ব্রাকৗইমৗন লেখেয়া। উনান গৗমৗন পৌলা ই সমস্যাৱো দৗপ্রৗই মৗন সমাধান গাসাইং গৗমৗন বিৰাট কষ্ট গাসাই নিগিতানা।

          পৌলা গসা আচৰিত পৰিবত্তর্ন নৗকতানা কৰিন্হীয় মণ্ডলীঙি দান লাওঙি বিষিনাই, যিহুদী আৰা পৰজাতি মাজাৰাই বিৰাট গসা গদাগৗন দৗৱৗন (তৗম) তৱা নাত্নে উ দৗৱৗনো পৰজাতিৱাৰা দান লাওঙি দ্বাৰাই দৗবৗইতানা। কৰিন্হীয় মণ্ডলীঙি মাৰাপদো সায়ৌ পৰজাতি নাত্নে অনোক যিৰূশালেমাইঙি যিহুদী মাৰাপদোন গৗমৗন দান পাইচোকৗইমৗন নিগিনি সময় দান লাওতানা। যি যিহুদী জৗতিদো আপ্রোকো জাত গদা ব্রাকৗইমৗন শুংশুংতানা অনোকবান পৰজাতিদোনি দানো কুনু প্রশ্ন গাসাইচৗইমৗন গ্রহন গাসাইতানা। ইবাই দাননি গদাগৗক মহন কৗম সাইতানি বাইবেল শাস্ত্রৱাই নাং নৗকা।

          যিহুদী আৰা পৰজাতি মাজাৰাই পৰজাতিদো যি হাসানি তৗনৗকতানা উ ঈশ্বৰনি হাসানিয়ো দুই হাজাৰ বৗসৗৰঅৗগৗ, উনান গৗমৗন তিনিঙি নাঙি ই যুগৱাই ভাৰতৱাই কোচা মাজাৰাই কুনু গদা পৗমৗৰ জাত পাং নিগিচা আৰা ধনী-গৰীৱ মাজাৰাইবান তৗম পাং নিগিচা। বেবাখ মাৰাপৱা ঈশ্বৰনি মৗকৗৰাই সমান। সাকসাবান চুগৗং-বৗৰদেপ আৰা গদা পৗমৗৰ জাত দংচা। ঈশ্বৰা সমান অধীকাৰ আৰা সমন গেয়ান লাওমৗন মাৰাপৱো বানায়তানা কুনু জৰাই দংচা। উনান গৗমৗণ কোচা-কৗচিৰ, লেম-চাণ্ডাল ঈশ্বৰনি মৗকৗৰাই কুনু জৰাই দংচা নাত্নে মাৰাপ জাতসৗন। সাৰা বাসমাতাইঙি মাৰাপ উতুং পেনেক উতুং বলাং বেবাখৗন মাৰাপ জাত। আপ্রোকঙি জৗতিনি মাজাৰাইসৗন কৗম তৗৰৗইঙো ঈশ্বৰা লামচা উনান গৗমৗন সাৰা পৃথিবীয়াই সাত সাগৰ তেৰো নদী পাতৗইমৗন ঈশ্বৰনি ক্রৌ প্রচাৰ গাসাইতান ফৗইয়া সাহেৱদো। কোচাৱাৰাবান তৗক্রৗই দিন সায়ৌ আতাং জৗতিনি  মাজাৰাই তি লাগেতবান দান লাওৱাইমৗন ঈশ্বৰনি ক্রৌ প্রচাৰ গাসাই মানাইংচা। তিয়ৗন ঠিক সময় নিনি দান পৗমৗৰ সাই গদা সাই, আপাইসৗন সাই তৗক্রৗই সাই, ঈশ্বৰনি মুঙাই দান লাওৱাইমৗন ঈশ্বৰনি হাসং দাপ্লাকনাং।

a a a

 

দান লাওৱাইমৗন ঈশ্বৰো প্রশংসা গাসাই।

 

“ঈশ্বৰনি লেখেন মাঞ্চা দানন গৗমৗন উনা কৗঞ্চৗকঙি লাওঙি সায়ৗন।” (২কৰি ৯:১৫) ।

পৌলা উনি দান লাওঙি (দশ মাংশ লাওঙি) শিক্ষা ই গসা গদা ক্রৌ ব্রাকৗইমৗন উম্রা তান নাপতানা। উম্রা কৰিন্হীয় মণ্ডলীঙি মাৰাপদোনা দান লাওঙি বিষিনাই  তৗক্রৗই নিয়ম নীতিদো তৗৰৗং লাওতানা। তি বুসুনাই, উম্রা স্বৗর্গাং কাতাওমৗন ঈশ্বৰনাং মাহাং তাকৗইমৗন উনি “লেখেন মাঞ্চা বৰদানন” গৗমৗন ঈশ্বৰো প্রশংসা গাসায়ৌ।

তৗক্রৗই মাৰাপদো ই শাস্ত্র পদৱো শিক্ষা লাওৱা যিয়ো পৌলা বিশেষ কৰি বৰলাওৱাইমৗন ব্রাকতানা যীশু খ্রীষ্টনি বৰ ব্রাকৗইমৗন। সাধু পৌলা ঈশ্বৰনা ধন্যবাদ লাওচা হেং পাং মাঞ্চা আতাংনা ব্রাকাৰৗন সাৰা হেংতোঙি মাৰাপদোন গৗমৗন আৰা ই বাসমাতাইঙি বেবাখ হেংতোঙি পেতাকা আৰা পেতাকচা জিনিষদোনি গৗমৗন লাওতানি ঈশ্বৰনি যি বৰদান বিপাংকায় প্রশংসা গাসাইতৌ বুসুন। “আতাঙা ঈশ্বৰা জগতৱো ইপাংকাই হাসতানা যে, উম্রা অৗপিনি সাকসৗন স্বাৱোন দান লাওতানা, যাতে চাংবা উনাই বিশ্বাস গাসায়া, উম্রা মাইমৗন লৗইচা নাত্নে বুসুঞ্চা চৗল্পাক মান্না ।” (যোহন ৩:১৬)। মাৰাপনি মাজাৰাই ঈশ্বৰনি লাওতানি দান ইন চৗইবান গদা আৰা আতাং তংচা।

ঈশ্বৰনি দান মাৰাপ জৗতিনা লাওতানি যি দান উৱো নাং গসা গসা চিস্ক্রেং জুকৗইমৗন লেখেন মাঞ্চা। লেখেন গৗমৗন চেষ্টা গাসাই ৰৗনবান সাকসাবান লেখেন জিংচানা আতাংনা ব্রাকাৰৗন ঈশ্বৰনি বৰদান ই বাসমাতা ফুঙাইমৗন জৗব্লৗপতা। নাত্নে উদোনি মাজাৰাই বেবাং চৗইবান গদা বৰ দানো সায়ৌ যীশু খ্রীষ্টৱো ই জগতৱাঙা লাওতানি। যিন দ্বাৰাই ঈশ্বৰ আৰা মাৰাপনি মাজাৰাই সম্পর্ক গাসাইঙি দালাং (সাংকয়) সায়ৌ আৰা সাৰা বাসমাতাইঙি মাৰাপ মাজাৰাই উতুং কোচা উতুং লেম ঈশ্বৰনাই গসৗন সাইমানৌ যিগিনা পৌলনি দিনাই যিহুদী আৰা পৰজাতি জৗতি গদা আৰা জৗতি পৗমৗৰ মিলৗই মাঞ্চাৱোন দান লাওৱাইমৗন সহায় গাসাইঙি দ্বাৰাই মিলৗই মানতানা।

আং প্রাথর্না গাসায়া দি, ই লেখাৱো নাঙি সাৰা কোচা খ্রীষ্টিয়ান মাজাৰাই নৗগৌ নৗগৌ সকাইমৗন, ই লেখানি দ্বাৰাই ঈশ্বৰা আপ্রোকমৗন ক্রৌ ব্রাকঙা অৰা তৗৰৗং লাওঙা বিগিনা দান লাওনিগা উৱো। আং আশা গাসায়া নাঙি বেবাখ কোচা খ্রীষ্টিয়ানদো ঈশ্বৰনি বৰো দংচা কৗমাই এবা হেচা কৗমাই বাহাইচৗইমৗন উনি গৌৰৱান গৗমৗন গৗথৗইঙা আৰা আতাং দেশাইঙি মাৰাপদোনি পিৰাই আশা গাসাইচৗইমৗন আপ্রোকঙি চাপ্লাগৱাই চাপৗইমৗন মাইমৗন লৗইনাংতোঙি আপ্রোং জৗতি আৰা ঈশ্বৰনি বানাইতানি আতাং জৗতিনি মাজাৰাইবান ঈশ্বৰনি পেনেম ক্রৌ লাইমৗন ফাইলাওৱাইঙা ব্রাকৗইমৗন। ঈশ্বৰা উ গসৗন ঈশ্বৰ যিবাইবান সাই। কোচানি ঈশ্বৰ আৰা লেমদোনি ঈশ্বৰ জৰাই দংচা আৰা ভাৰত দেশাইঙি ঈশ্বৰমৗন আমেৰিকাইঙি ঈশ্বৰমৗন কুনু জৰাই  দংচা। উনান গৗমৗন আতাং মাৰাপদো ঈশ্বৰনা পেনেমসা দান লাওৱাইমৗন আতাং মাৰাপদোনা সহায় গাসাই মানৰৗন কোচাদোবান আতাংনা মাঞ্চানাকৗ!  কাৰণ যি ঈশ্বৰা বৰ লাওৱা উ ঈশ্বৰা আতাং সাকসা জৰাই ঈশ্বৰ দংচা নাত্নে উ সাকসৗনৗন। উ শৗৰ চৗল্পাক ঈশ্বৰা নাঙি বেবাখ নিগিনিদো উম্রা দান গাসাইমানা। উ ঈশ্বৰৗন নাঙি নিগিনিদো পুৰণ গাসাইমানা আৰা জৗতি পৰজৗতি, লেম কোচা, পিৰ চাৰেক, ৰাসান মুপাক ৰাসানদু দৗৱৗন দৗবৗইমানা। উনান গৗমৗণ প্রাথর্না গাসাই যেনো নিঙি মাজাৰাই কুনু দৗৱৗন পাংচা আৰা প্রভুনি ইচ্ছা যেনো পুৰণ সায়া। ঈশ্বৰনাই প্রাথর্না গাসাই যেনো নাঙি মণ্ডলী আৰা ইউনিয়ন মাৰাপ মাজাৰাই বৗতিগানা জিসিঙা নাঙি দান লাওঙি দ্বাৰাই। আপ্রোকঙি বৗলমৗন হাসং কায়মৗন সংসাৰ চলাইমান্নি গানা ইউনিয়ন চলাই মান গৗমৗন চেস্টা গাসাই। আতাং মাৰাপনা লাওমান গৗমৗন চেষ্টা গাসাই যিয়ো লাওনিগা উৱো কৗৰমৗন তান গৗমৗন চেষ্টা তা’গাসাই। অননিয় আৰা সাফীৰাজুনি জীৱন (দিমসেত ৫:১-১০) নিৰিখৗন শুঙাই লাইমৗন মুক্তিনি গৗমৗন লাম বৗত। পাপৱাই গ্রৗমাইমৗন নৰক লামাই লৗইতোঙি নাঙি হাসানি ভৗই জিনৌ, কাকা, মামাৰোঙো মুক্তি লাওং গৗমৗন দান লাও, যিগিনা যীশুনি দাননি দ্বাৰাই তৗক্রৗই মাৰাপনি মুক্তি সাইতানা উগুন গানা নাঙি দাননি দ্বাৰাই নাঙি হাসানি মাৰাপদো মুক্তি লাও। নৗং যিপাংকায় দান লওংঙা ঈশ্বৰা নৗঙো উপাংকায় সহায় গাসাইঙা নিগিনি মাৰাপদোনি মাজাৰাই উনি বহুমুলিয়া পেনেম ক্রৌ প্রচাৰ গাসাইঙি গৗমৗন।

a a a